စားကြမယ်ဟေ့ ငါးပိပေါင်း

စာရေးသူ-ရွှေစင်ဦး

ဒီနေ့ စာမရေးရသေးတာနဲ့ နေလို့ မကောင်းချင် ဖြစ်နေတယ်ဗျ..၊ ဒါနဲ့ ရေးအုန်းမှ ပါလို့.. စဉ်းစား ပြီး ရေးလိုက်တယ်..ရောက်တတ်ရာရာ ပေါ့ဗျာ..၊ အပျင်းပြေ ဖတ်ဘို့ပါ..။

ကျနော် ငယ်ငယ်က (အိမ်ထောင်မကျခင်ထိပေါ့) ကျနော့် တို့အိမ်မှာ ငါးပိ မစားရဘူး.. ငံပြာရည် သုံးရင် လည်း ပဲ ငံပြာရည်ဘဲ သုံးရတယ်..၊ ကျနော် တို့ အဖေ က ငါးပိမကြိုက်လို့ လား.. မဟုတ်ဘူး ကြိုက် သလား မမေးနဲ့ သူများအိမ်က ငါးပိကြော်တို့ ငါးပိရည်တို့ ဆို တအားစားတာ..၊ သူက အိမ်မှာဘဲ မစား ရတာ..  နံ လို့တဲ့ ၊ ညစ်ပတ်လို့ တဲ့.. အနိုင်ကျင့်တာပေါ့ဗျာ..၊ ဘယ်ဗမာက ငါးပိမစားဘဲ နေနိုင်မှာလည်း..။

အဲဒီတော့ ကျနော် တို့ တမိသားစုလုံးက ဒီအမိန့်ဟာ မတရားဘူးပေါ့..၊ အဲဒီတော့ မတရား တဲ့ ဥပဒေ မှန်သမျှ ဆန့်ကျင်ကြတဲ့...၊ စိတ်ချ .. အားရှိပါးရှိကို ဆန့်ကျင့်ပြမယ်.ဆိုပြီး  ကျနော် တို့ တအိမ်လုံး က ဆန့်ကျင့်ကြတယ်...၊ အားလုံး က ငါးပိကြိုက်တာကိုးဗျ..၊ သူများအိမ်က ငါးပိစားရအောင် ဘယ်သူ က နေတိုင်း ထမင်းဖိတ်ကျွေး နိုင်မှာလည်း..၊ အဲဒီတော့ ကျနော် တို့လည်း နေ့တိုင်း ငါးပိစားနိုင်အောင် အကြံအဖန် တီးရတာပေါ့..။

အဲဒီတော့ ကျနော် တို့ က ဖေဖေ ကျောင်းသွားမဲ့ အချိန်ကိုစောင့်တယ်.... ဖေဖေ ကျောင်းသွား  တာ သေချာ အောင်လည်း နာရီဝက်လောက် စောင့်ရတယ်..၊ တခါတခါ စိတ်မထင် ရင် ပြန်ပြန် လှည့်လာတယ်.. စာအုပ် ကျန်လို့ ဘာညာပေါ့ဗျာ.. အမှန်တော့ သူက သူ့အမိန့် ကို နာခံကြရဲ့ လား ဆိုတာ လာလာ ထောက်လှန်း တာ.. ထောက်လှန်းရေး ကောင်းတယ်ပေါ့ဗျာ... ဖေဖေ ရဲ့ ပုံမှန် ထောက် လှန်းရေး ကို တန်ပြန် ထောက်လှန်း ရေးနဲ့  ကျနော် တို့က ဆန့်ကျင် ရတာပေါ့...။

ဖေဖေ သွားတာ သေချာပြီ လို့ထင်ရင် အားလုံး သဘောတူ စားချင်တဲ့ ငါးပိနဲ့ ပတ်သက်တာ လုပ်စားကြတယ်ဗျ..၊ ငါးပိကြော်..၊ ငါးပိထောင်း..၊ ဘာလချောင်ကြော်..၊ ငါးပိသုတ်..၊ ..ငါးပိချက်..၊ ငါးပိရည်..၊ ငါးပိပေါင်း ပေါ့..၊ အဲဒီထဲမှာ မှ ကျနော် တို့ မကြာမကြာ လုပ်စားလေ့ ရှိတဲ့ ငါးပိပေါင်း လုပ်နည်း လေး ပြောချင်လို့ ဗျ.. ကျနော် တို့ အားလုံး ငါးပိပေါင်း ကို ကြိုက်တယ်ဗျ...၊ ငါးပိဆိုရင် ဘာဘဲဖြစ်ဖြစ် ကြိက်တော့ ကြိုက်တာပါဘဲ...။

ပထမဆုံး မေမေ ဈေးက ဝယ်လာတဲ့ လှို့ဝှက် တဲ့ နေရာက ငါးပိအစိမ်း ငါးကျပ်သားလောက် ကို ယူ ဟင်းပန်ကန် ခပ်ပက်ပက် လေးထဲမှာထည့် ..  ကြက်သွန်ဖြူ ပါးပါး လှီး ..ကြက်သွန်နီလည်း ပါးပါးလှီး.. ပုဇွန်ခြောက် မှုန့် ဒါမှမဟုတ် အကောင်လိုက်ပေါ့.. ပြီးတော့ ငရုပ်သီး အစိမ်း ပါးပါးလှီး .. နောက် ငရုပ်သီး အကြမ်းမှုန့်ပေါ့ အဲဒါတွေ အားလုံးကို အဲဒီ ဟင်းပန်ကန် ပက်လေးထဲ ဒါမှ မဟုတ် ဂျိုင့် ခပ်ကြီးကြီးထဲ မှာ တပုံစီ ထည့်.. ။

အားလုံး ထည့် ပြီးမှ ဆီစိမ်း ကို ငါးပိ မြုပ်နေအောင်ထည့် တယ်ဗျ...၊ ပြီးရင်တော့ ရေနွေးတည် ပြီး ပေါင်းတော့တာဘဲ.. ငါးပိနံလေး မွှေးပြီး.. ကြက်သွန်တွေ နပ်ပြီဆိုရင်တော့ စားလို့ရပြီပေါ့.. ရှယ်ဗျ..  ကောင်းသလား မမေးနဲ့ အချဉ်စားချင်ရင် လည်း သံပရာသီးလေး ညှစ်လိုက်ကြပေါ့ဗျာ..။

အဲ.. ပြောဘို့မေ့တော့မလို့ အားလုံးစားပြီးရင် အဖုံးကို လုံအောင် ပိတ်ပြီး ဖေဖေ မတွေ့နိုင်တဲ့ ဆန်အိုးထဲမှာ ထည့်ပြီး ဖွက်ခဲ့ဘို့ လည်း မမေ့ကြနဲ့နော်...၊ ဒါက အရေးအကြီးဆုံးဘဲ.. ၊ အဲ.. သိသွား  ရင်တော့ ဟိုဘက် ဘလောဂ့် က ညီမ အင်ကြင်း လာပေးတာလို့ ညာပြောလိုက် ကြနော်..။

တကယ်ဆိုရင်.. ဖေဖေ ရေ မညာ ချင်ပါဘူး.. ၊ ဒါပေမဲ့ တခါတလေ ကြရင် လူတွေ လက်မခံနိုင်တဲ့ ဥပဒေ မျိုး မလိုက်နာနိုင်တဲ့ ဥပဒေမျိုး ထုတ်တဲ့အခါ စထုတ်တဲ့ အချိန်က စပြီး အဲ့ဒီ ဥပဒေ ဟာ ပြယ်သွားပြီတဲ့.. ဖေဖေ ပြောခဲ့တာနော်..၊ မြန်မာ အိမ်တအိမ် မှာ ငါးပိ မစားရလို့ ဖေဖေ တသက်လုံး အမိန့်ထုတ်ထားတယ်နော်.. မတရားတဲ့ ဥပဒေ နဲ့မလိုက်နာနိုင်တဲ့ ဥပဒေ မျိုး ဖြစ် နေတဲ့ အတွက်.. ရွှေစင်ဦး တို့ တမိသားစုလုံး အဲဒီလိုမျိုး ဆန့်ကျင့်ခဲ့ ညာခဲ့ပါတယ်..ဖေဖေရေ..။

(ဤ စာစုလေး အား  ရုံးတရုံး မှ ဝန်ထမ်း များအားလုံးအား G mail နှင့် G talk မသုံးရဟု အမိန့်ထုတ်ပြန် လိုက်ကြောင်း နှင့် ယင်းအမိန့် အား သိရှိကြောင်း တရုံးလုံး လက်မှတ် ထိုး လိုက်ရကြောင်း ဆိုတဲ့ သတင်းလေး ကို ကြားလိုက်ရတော့ စိတ်ထဲမှာ ခံစား လိုက်ရတာလေး အတွက် ရေးလိုက်တာပါ..)

အင်း..ရေးသာရေးရတယ်.. အိမ်က သမီးတွေ gtalk သုံးလွန်းလို့ ချစ်ညီမ များ အမိန့် ထုတ်လိုက်လေ သလား...

လေးစားစွာဖြင့်

ရွှေစင်ဦး