Monday, September 12, 2011

ဘလောဂ့် (Blog) ဆိုတာ ဘာလဲ.... ဘလောဂ့်ဂါ (Blogger) ဆိုတာ ရော...

ဘလောဂ့် (Blog) ဆိုတာ ဘာလဲ....
ဘလောဂ့်ဂါ (Blogger) ဆိုတာ ရော...

http://www.shwezin.com လေး နဲ့ ဘလော့ဂါရွှေစင်ဦး
ဆိုတာ ဘယ်လိုများမွေးဖွားလာခဲ့ပါသလဲ
စာရေးသူ - ရွှေစင်ဦး

Global Village ဆိုတဲ့ ကမ္ဘာ့ရွာကြီး ထဲ မှာရှိတဲ့ ရွာငယ်လေး တခု ထဲက အိမ်လေး တအိမ် ပါဘဲ လို့. ဘလောဂ့် ကို အဓိပ္ပါယ်ဖွင့်ပါတယ်... အဲဒီ ရွာလေး ကတော့ (Blog ) ဘလောဂ့် ရွာလေး ပါဘဲ.. အဲဒီ ရွာထဲမှာ အရောင်စုံ အသွေးစုံ အိမ်လေး တွေ အများကြီး ရှိပါတယ်... အဲဒီ ... အိမ်ပိုင်ရှင် ဘလောဂ့် ပိုင်ရှင် လေး တွေ ကိုတော့ (Blogger) ဘလောဂ့်ဂါ များလို့ ခေါ်ကြ ပါတယ်....

ရွှေစင်ဦး လည်း အိမ်လေး ပိုင်ချင်ပါတယ်...   တချို့ သဘောကောင်းတဲ့ သူကြီးမင်းများ  အလကား ပေး တဲ့ မြေနေရာ လေး ကို ငှားလိုက်ပါတယ် .... http://www.shwezinu.blogspot.com ဆိုတဲ့ လိပ်စာ လေး နဲ့ အိမ်လေးပါ....  ဒါပေမဲ့ အဲဒီ အလကား ပေးတဲ့ အိမ်နေရာ လေး က သွားရခက်တယ်.. တခါတလေ အတားအစီး တွေ ရှိတယ် စစ်ဆေး မေးမြန်းသူ တွေ ရှိတယ်... global village ထဲမှာ လည်လည် ဝယ်ဝယ် ရှိတဲ့ သူမျိုးမှ အိမ်လေး ကို ချောချောမောမော ရောက်နိုင်မယ်....

တခါတလေ များ ဆိုရင် အိမ်ပိုင်ရှင် ရွှေစင်ဦး လေး ကိုယ်တိုင် အိမ် လေး ကို မရောက်နိုင်လို့ မျက်စေ့ သူငယ် နဲ့ ရွာကြီးထဲ မှာ တလည်လည် ဖြစ်နေခဲ့ဘူးတယ်.. ရွှေစင်ဦး အိမ် ကိုလာတဲ့ ဧည့်သည် တွေ ကလည်း မရှိတဲ့ လိပ်စာကြီးများ ပေးလား.. ဒါမှမဟုတ် ရွှေစင်ဦး တော့ အိမ်လေး ထဲမှာ ဘာတွေများ မဟုတ် တာတွေ လုပ် နေလို့ ဒီလောက် အတားအစီး တွေ ရှိနေတာလည်း ဆိုပြီး အထင်မှားကြတယ်...

အဲဒီတော့ အိမ်လေး ကို အားလုံး လွယ်လွယ်ကူကူ လာနိုင်အောင် ဆိုပြီး ....  မြေပိုင်ရှင် သူကြီးမင်း (မြန်မာအီးထရိတ် Myanmar e-trade) ကို နှစ်နှစ်စာ မြေနေရာ ငှားရမ်းခ ပေးပြီး  စိတ်ကြိုက် အိမ်လေး တလုံး ကို  တည်ဆောက် လိုက်ပါတယ်....

အိမ်လေး ကို လှစေချင် ပါတယ်.. ဧည့်သည် တွေ လာချင်စဖွယ် ဖြစ်စေချင်ပါတယ်... အိမ်လေး တလုံး မှာ ရှိသင့် ရှိထိုက်တဲ့ အဆင်တန်ဆာ များ ကို ထည့်သွင်း ချင်ပါတယ်... ရွာလေး ထဲမှာ မေတ္တာရှေ့ထား အလကား တည်ဆောက်ပေးနေတဲ့ အင်ဂျင်နီယာ ဘလော့ဂ်ဂါ များကို အားမနာ တမ်း အကူအညီ တောင်းရပါတယ် ... စိတ်ချမ်းသာအောင် စိတ်ကြိုက် တည်ဆောက်ပေးကြပါတယ်...

ကျနော့် မြတ်နိုး ရတဲ့ အိမ်လေး ရဲ့ လိပ်စာလေး ကတော့ http://www.shwezinu.com ဆိုတာလေးပါ... ဒီလိပ်စာ လေး အတိုင်းလာရင်တော့  မည်သူမဆို မျက်စေ့ မလည် ဘဲ ကျနော့် ရဲ့ အိမ်လေး ကို ရောက်လာ ပါလိမ့်မယ်... အဲဒီအိမ်လေးမှာ အိမ်ပိုင်ရှင် ရွှေစင်ဦး နဲ့ တွေ့နိုင် ပါတယ် .... သူ့ ကို တချို့ က ဘလောဂ့်ဂါ ရွှေစင်ဦး လို့ ခေါ်ကြပါတယ်...

ဘလောဂ့်ရွာ လေး ထဲမှာ ရှိတဲ့အိမ်ပိုင်ရှင် ဘလော့ဂ်ဂါ တွေ ဟာ ကိုယ့်အိမ် ကို ဧည့်သည်တွေ လာချင် အောင် အမျိုးမျိုး သွေးဆောင် ဖျားယောင်း ကြပါတယ်... စားချင်စရာ ကောင်းတဲ့ အစားအစာ တွေ .... ဖတ်ချင်စရာ ကောင်းတဲ့ စာတွေ .. ကဗျာ တွေ .. ကမ္ဘာအရပ်ရပ် မှာ ရှိတဲ့ ဖြစ်ရပ်မှန် သတင်း တွေ.. ထူးဆန်း ထွေလာ တွေ ... အမွန်အမြတ်ဆုံး တရားဓမ္မ တွေ...  နဲ့ သူထက်ငါ တတ်နိုင်သမျှ အစွမ်းကုန် တင်ဆက် နိုင်ဘို့ ကျိုးစား  ကြပါတယ်....

နေ့မအိပ်..ညမအိပ် .. ကမ္ဘာ့ရွာကြီးထဲမှာ တူးဆွ ရှာဖွေတယ် .. နှလုံးသား ထဲ ကဖြစ်ညှစ် ထုတ်တယ်...  ရလာ တဲ့ ကောင်းနိုးရာရာ လေး တွေ ကို ဧည့်သည် တွေ စိတ်ကျေနပ်စေ ဘို့ အတွက် နေ့စဉ် ကျိုးစား ဧည့်ခံ ကြပါ တယ်...  ဒါတွေ အပြင် မိမိတို့ လက်လှန်း မှီသမျှ ပတ်ဝန်းကျင် မှာ ထူးထူးခြားခြား ဖြစ်ပျက် နေတာတွေ ကိုလည်း အမှန်တရား အတိုင်း တင်ပြကြ ပါသေးတယ်....

အင်း... တချို့ ပြည်တွင်း ဘလောဂ်ဂါများကြပြန်တော့လည်း ... ရေးပြီးမှ.. ပြောပြီးမှ... ငါပြောလိုက်တာ လွန်များ သွားသလား ဆိုပြီး ... ညသန်းခေါင်များ ကားရပ်ရင် ...  ငါ့  ကို အလည် လာခေါ် တာလား ...  ဆိုပြီး .. အထုပ် ဘဲ ပြင်ရတော့ မလိုလို  နဲ့  မှန်လွန်းရင် ရွာပြင်ထုတ်ခံရ သတဲ့ ဆိုတဲ့ စကားပုံ လေး ကို ပြောင်းပြန် လှန်ပြီး ... ရွာထဲ တယောက်ထဲ ပိတ် ထားလိုက် မှာလည်း ..  ကြောက်ကြပါတယ်...

တချို့ များကြတော့လည်း ကိုယ့် ချစ်ချစ်ကြီး.. ချစ်ချစ်လေး အကြောင်း တွေ.. ကို သမီးရီးစား ဖြစ် လာရတဲ့ ဘဝ ကနေ မင်္ဂလာဘယ်လို ဆောင်တယ် ဆိုတဲ့ အထိ  ရှက်ကြော ဖြတ်ပြီး .. သားရေ ကျချင် စဖွယ် ပြောပြ လိုက်ကြ ပါသေးတယ်.... စာဖတ်သူ အပျိုကြီး.... အပျိုလေး ... လူပျိုကြီး... လူပျိုကလေး များ ကလည်း လက်ခုပ်.. လက်ဝါး တီးပြီး အားပေးကြ တယ်.... အံဘွယ် ဘလောဂ့်ဂါ များပါဘဲ.....

အဲလို.. အဲလို ကိုယ်သန်ရာ သန်ရာ နဲ့ ဧည့်သည် တွေကို ညှို့ယူဖမ်းစားကြပါတယ်... တချို့ ဧည့်သည် တွေ ကတော့ ဘလောဂ့် ရွာထဲ က မဟုတ်ပါဘူး... သူတို့ စားချင်တာ ဖတ်ချင်တာ လေး တွေ ကို တအိမ်တက်ဆင်း လိုက်စား လိုက်ဖတ်နေသူတွေ ပါဘဲ...အားရပါးရ စားလိုက်.... ကျေကျေနပ်နပ် ဖတ်လိုက်..  နဲ့ ... တချို့များ ဆို အိမ် ကိုတောင် မ သွားကြပါ သေးတယ်... အဲလို လေး မသွားကြ တာကို လည်း  အိမ်ပိုင်ရှင်များ က ဂုဏ်ယူကြပါတယ်.....

ဘလောဂ့် ရွာသူရွာသား များဟာ အခြင်းခြင်း ချစ်ချစ်ခင်ခင် နဲ့ နွေးနွေးထွေးထွေး ဆက်ဆံ ကြပါတယ်.. တယောက်အိမ် တယောက် သွားလည်ပြီး တပြုံးပြုံး နဲ့ ပျော်ရွှင်နေကြပါတယ်.... တချို့ မျက်စေ့လည် လာတဲ့ ဧည့်သည်များ ရှိရင်လည်း အင်မတန် ဝမ်းသာပါတယ်....

ကိုယ့် အိမ်လေး က ဘယ်လို ... ဘယ်လို ... ဆိုတာကို ... ပို့စ် လေး တွေထဲ မှာ ကော့မန် လေးတွေ  အဖြစ် များ ရေးသွားကြရင် ဖြင့် ပီတိဖြစ်လို့ ကို မဆုံးပါဘူး .. တချို့ ရန်လိုတတ် တဲ့ ဧည့်သည် များ ကတော့ ... ဧည့်ခန်း ထဲမှာ တင် ဆဲဆိုသွားကြလို့... ဘလောဂ့်ဂါ အပျိုကြီး အပျိုလေး တို့ ဟာ ဧည့်ခန်းလေး နဲ့ တူတဲ့ c-box လေးတွေ ကို  ဖြုတ်ထားကြ ပါတယ်.... ဒါပေမဲ့ ဧည့်ခန်း မရှိတဲ့ အိမ်များ ကို သွားလည် ရတာ ခြောက်ကပ်ကပ် နိုင်လှပါတယ်.....

တချို့ ဘလော့ဂ်ဂါ များ ကတော့ ကိုယ် လက်ခံ တဲ့ အယူအဆ တွေ.. နိုင်ငံရေး သဘောတရား တွေကို တင်ပြ ဆွေးနွေး ကြပါတယ်... ဆွဲဆောင် သိမ်းသွင်းကြပါတယ်..... အယူအဆခြင်း မတူရင်  ငြိမ်းချမ်းစွာ သဘောထား မကွဲလွဲ ဘဲနဲ့ ... ဆဲကြ ဆိုကြ တဲ့အခါ  မှာတော့  ဘလောဂ် ရွာ တရွာလုံး  ဆူညံဆူညံ နဲ့ ပွက်လော ရိုက်နေကြပါတယ် ..... အဲဒီ အချိန်မှာ တချို့ ရွာသူရွာသား များဟာ ကိုယ့် လာမဆဲ အောင် တံခါးပိတ် တိတ်တိတ်လေး ချောင်းကြည့်နေကြပါတယ်...

ရွှေစင်ဦး ဆိုတဲ့ ဘလောဂ့် ဂါ တယောက် ကတော့ တချိန်လုံး သူကြီး ရဲ့ အိမ်သာနက် အဲ အင်တာနက် ထဲ ခေါင်းထိုး ပြီး ဘလောဂ် အိမ်လေး သာယာချမ်းမြေ့ရေး ကို လုံးပမ်း နေတဲ့ အတွက် ..  တခါတလေ ထမင်းစား ဖို့ မေ့ နေသလို... အိပ်ဖို့ လည်း မေ့နေပါတယ်... အဲဒီအတွက် ကျန်းမာရေး ထိခိုက် ရပါတယ်.... ဒါအပြင် ကိုယ့် ကို ပိုက်ဆံလာပေး တဲ့ customer များ ကိုတောင် နှုတ်ဆက်ဖို့ မေ့မေ့ သွားလို့... စီးပွားရေး ထိခိုက်မှာ စိုးတဲ့ အတွက် သတိရတိုင်း မျက်နှာချိုသွေး တောင်းပန် နေရပါတယ်.....

တခါတလေ မှာတော့ ချစ်ချစ်ကြီး ရဲ့ မျက်မှောင်ကုတ် ကြည့်ခြင်း .. စကားပြောချင် သလိုလို မပြောချင် သလိုလို နဲ့ စိတ်ကောက်ပြတာ ခံရခြင်း များကို အရှက်မရှိ တဲ့ မျက်နှာနဲ့ အချစ်ရေး နွေးထွေးမှု့ ရှိအောင် ပြန်လည် ချော့မော့ရခြင်း ... ချစ်ညီမ ရဲ့ ထိုင် ထိုင်နိုင်လွန်းတယ် ဆိုတဲ့ မကြား တကြား ရေရွတ် တာ ကို ရူးသလိုလို နဲ့ မသိသလို နေရခြင်း .. တပည့်များကတော့ တခါတခါ ပြုံးလိုက် တခါတခါ မဲ့ လိုက် ဖြစ်နေ တဲ့ သူတို့ ဆရာမ ကိုကြည့်ပြီး စိတ်မှ မှန်သေးရဲ့လား ဆိုပြီး ကွယ်ရာမှာ အတင်းပြော နေတာကို မကြားချင် ယောင်ဆောင် နေရခြင်း စတာ တွေကို . အချိန် နဲ့ အမျှ ခံနေရပါတယ်....

အားလုံး.. အားလုံး သော ဘလောဂ့်ဂါများလည်း ရွှေစင်ဦး အတိုင်းဘဲ ဖြစ်မယ်ထင်ပါတယ်...

အဲဒီလောက်တောင် စီးပွားရေး..လူမှု့ရေး..ကျန်းမာရေး အထိခိုက်ခံ ပြီး ရေးနေတာ ဆိုတော့ တော်တော်ကြီး ကို အကျိုးအမြတ် များ ရှိနေလို့လား လို့ တောင် ထင်စရာ ဖြစ်ပါတယ်... ဒါပေမဲ့ . ဘလောဂ့်ဂါ ဆိုတာ နတ်သမီး နတ်သား တွေ လို အငွေ့သက်သက် ကိုသာ စားနေသူပါ...

နောက်ထပ် ကျနော် တခုလောက် လည်း ပြောချင်ပါတယ်... မည်သည့် တိုင်းပြည် မှာမဆို ဥပဒေ အထက် မှာ မည်သူမျှ မရှိစေရ တဲ့... ဒါပေမဲ့ တခါတလေ အခြေအနေ တမျိုးမျိုးကြောင့် .. ဥပဒေ အထက်မှာ အာဏာ လည်း ရှိသွားနိုင်သလို.. ငွေ လည်း ရှိသွားနိုင်ပါတယ်...

ဒါပေမဲ့ ဘလောဂ့်ဂါ ရဲ့ အထက်မှာ တော့ ဘာဆိုဘာမှ မရှိပါဘူး...

ဘလောဂ့်ဂါ ဆိုတာ... မည်သူတဦးတယောက် ရဲ့ လွှမ်းမိုးခြင်း ကို မှ မခံယူဘဲ .. နှလုံးသားထဲက ဆန္ဒ အစစ်အမှန် နဲ့ အမှန် တရားလေး တွေ ကိုသာ ဖော်ထုတ် ရေးသား နေတဲ့.. Free Land က Free Person များ ပါဘဲဗျာ.. လို့ ပြောကြားရင်း နတ်ဆိုးလေး နဲ့ မင်းဧရာ တို့ ရဲ့ တဂ့် ပိုစ့်လေး ကို အဆုံး သတ်လိုက်ပါပြီ.. အားလုံး ကျေးကျေးပါ...။

(ဆက်လက်ပြီး ဘလောဂ့် လောက ကနေ ဝေးဝေး မှာ ရှောင်ပြေးနေတဲ့ စာရေးကောင်းလှတဲ့ ချစ်ညီမ အင်ကြင်းသန့် ရဲ့ အယူအဆ လေးကိုလည်း ဖတ်ချင်ပါတယ်ဗျာ.....)

လေးစားစွာဖြင့်
ရွှေစင်ဦး
.
>>>ဆက်ဖတ်ရန်>>> >>

ရွှေစင်ဦး ရဲ့ တောင်ရောက်မြောက်ရောက် အပိုင်း (၄)

စာရေးသူ -  ရွှေစင်ဦး
ဒီတခါ တောင်ရောက်မြောက်ရောက် ဘာတွေ ရေးရပါ့....

ကျနော့် ရဲ့ ဘလောဂ့်ဒေး အမှတ်တရပိုစ့်လေး မှာ ရေးစရာကျန်သွားတယ်ဗျ... ဟိုတလောက ကိုကြီးကျောက် ရဲ့ အမ မြင်းခြံကနေ လာလည် တယ်.. သူ့ မောင်လေး (ကိုကြီးကျောက်) ကို အင်တာနက် မှာ စာတွေ ရေးလို့ လူတွေ သိကြတယ်.. ချစ်ကြတယ် ဆိုတော့ .. အဲဒီစာလေးတွေ ဖတ်ကြည့် ချင်တယ်ပေါ့.. အဲဒါနဲ့ ကျနော် လည်း ကိုကြီးကျောက် ရဲ့ အကြောင်း စုစည်းထားတဲ့ kopauk remembrance ကို ပရင့် ထုတ်ပေးတယ် စာမျက်နှာ ခုနှစ်ရာကျော် ထင်တယ်... ပီဒီအက်ဖ် ဖိုင်နဲ့ (တခြား အလုပ်တွေ လည်း များနေတယ်ဆိုတော့ ) ဖြေးဖြေးခြင်း ဖြတ်ဖြတ်ထုတ်ပေးပါတယ်...။

ကိုကြီးကျောက် အမ က ဘေးကနေထိုင်ပြီး ...  ထွက်လာတဲ့ စာလေး တွေ ဖတ်ရင်းနဲ့... မထိန်းချုပ် နိုင်တော့ ဘဲ... ဟင်... ဟယ် ... ဟာ ... ဆိုတဲ့ အသံတွေ ထွက်လာပါတယ်.. နောက်ဆုံး အားလုံး ပြီးဆုံးသွား တဲ့ အချိန်မှာတော့ ... အင်း ကိုပေါက်ကြီး စာတွေ ရေးနေတယ် ဆိုလို ဘာတွေ များရေးနေ ပါလိမ့် ဆိုပြီး ဖတ်ချင်နေတာ ... အခုတော့ ကိုယ့်အကြောင်း.. တွေ ကုန်ပါရောလား.. ရှက်စရာတွေ ရော.. ဟို တပုဒ် ဆို ရေး ဖို့ မသင့် ဘူး လက်ထိတ်စော် နံ တဲ့ စာတွေ ဘဲ... ဆိုပြီး တော်တော် စိတ်ပျက် လက်ပျက် နဲ့ စာအုပ် အထူကြီး မပြီး ပြန်သွားပါတယ်... ။

သြ .... ဘလော့ဂါ ဆိုတာ ... ကိုကြီးကျောက် အမကြီး ပြောတဲ့ အတိုင်းဘဲ ဘာမှ မဟုတ်ဘဲ ကိုယ့် အကြောင်း ကိုယ်ဖော် အရှက်မရှိတဲ့ အစော်နံ တဲ့ ဘဝကြီး ပါလား ဆိုပြီး ကျနော် လည်း အတော်ကို စိတ်ဓါတ်ကျ သွား ပါတယ်.....။

အင်း အရှက်မရှိဘူး ပြောပြော.. အစော်နံ တယ် ပြောပြော စာရေးချင်တဲ့ စိတ်ကလေး ဖျောက်မရလို့ ရေး ရအုန်း မှာဘဲ....။

စာရေးမယ်လုပ်မှ အလုပ်တွေ များ လို့ အွန်လိုင်း ပေါ်တောင် တက်ဖို့ ခက်နေတယ်... ဒီကြားထဲ မစိုးရိမ် တိုက် က ဦးဇင်းတွေ စီ သွားစရာ ကိစ္စ က ပေါ်လာလို့ သွားတဲ့ အခါမှာ ပိုပြီး စိတ်ဆင်းရဲ ခဲ့ရတယ်... လွန်ခဲ့တဲ့ နှစ်ပတ်လောက် က မန္တလေး မှာ မိုးတော်တော် ရွာလိုက်တဲ့ အတွက် တမြို့လုံး ရေလွှမ်း သွားပေမဲ့ နဲနဲ မြင့် တဲ့ အပိုင်း တွေကတော့ တရက်နဲ့ ရေကျသွားပါတယ်...။

နိမ့်တဲ့ အပိုင်း တွေကတော့ တော်တော် နဲ့ မကျနိုင်ဘူး ဆိုတာ သိရပါတယ်... ဆိုင်ပြင်မရောက်တော့ ဘယ်လောက်ထိ ဒုက္ခရောက်နေကြတယ် ဆိုတာ မသိပေမဲ့ ရပ်ကွက် ထဲ ထမင်းထုတ် ဆင့် တဲ့ အခြေအနေ ဆိုတော့ တော်တော်ဆိုးနေကြပြီဆိုပြီး စိတ်မကောင်းဖြစ်ပါတယ်.. ဂျာနယ် ထဲ အင်တာနက် ထဲ မှာလည်း ပုံတွေ တွေ့မှာပါ....။

ဒါနဲ့ စကားဆက် ရရင်... မစိုးရိမ် ကျောင်းတိုက်ကြီး ကို ရောက်သွားပါတယ်....၊  တမြို့လုံး နေရာ တော်တော် များများ မှာ ရေကျသွားပေမဲ့ မစိုးရိမ် ကျောင်းတိုက် အတွင်း နဲ့ ကျောင်းတိုက် ရှေ့လမ်းမကြီး တခုလုံး ရေမကျဘူးဖြစ်နေပါတယ် .. ဦးဇင်း တွေ မေးကြည့်တော့ လည်း ရေကျတာ သိပ်နှေးတယ် မသိမသာလေး ဘဲ ကျတယ်ပြောပါတယ်..။

ရေဘယ်လောက် ဘဲ များများ စီးနေတဲ့ ရေမျိုး ဆို ပြသာနာ မရှိပေမဲ့ အခုဟာက ရေသေဖြစ်နေပါတယ်.. စီးဘို့လည်း နေရာ က လည်းမရှိပါဘူး... ရေက လည်း မကျပါဘူး... ရက်ကြာလေ နံလေ ဖြစ်ပြီး ဘုန်းဘုန်း ဘုရား များ ဒုက္ခ အတော်များနေကြပါတယ်... ဆွမ်းခံဘို့ ကျောင်းပြင်ထွက် ဖို့ ဆိုတာ မဖြစ်နိုင် အောင် ရေတွေက ခါးလောက် ရှိနေပါတယ်.. ကျောင်းတိုက် အတွင်းမှာ ဖောင်ဖွဲ့ သွားနေရတာ ကိုတွေ့ခဲ့ ရပါတယ်... စာသင်သား ဦးဇင်း များဟာ ခြင်တွေ အရမ်းများ ပြီး ပိုပို နံလာတဲ့ ရေတွေ ကြောင့် ကျန်းမာရေး ထိခိုက် လာနိုင်ပါတယ် ..။

နောက် နှစ်ရက်လောက်နေတော့ မိုးကြီးကြီး က တခါ ရွာပြန်တယ်... ဦးဇင်း တွေ မေးကြည့် ပြန်တော့ ရေတွေ ပြန်တက်လာပြန်တယ်တဲ့... ဒုက္ခပါလား.. ကျနော် သိတဲ့ ဦးဇင်း တွေကတော့ ဓမ္မစရိယ စာချတန်း တက်နေတဲ့ ဦးဇင်းတွေပါ.. တပါးက ဆိုရင် မန္တလေး နဲ့ ငါးရက်ခရီးလောက် သွားရပါတယ်တဲ့ .. တရွာလုံး ခရစ်စယာန် တွေ ဘဲ ဖြစ်တဲ့ အတွက် ရွာ ကို လာတဲ့ ဘုန်းဘုန်း တပါး က ဦးဇင်း ..ငယ်ငယ်  ကထဲက မန္တလေး မှာ ပညာသင်ဖို့ ခေါ်လာတယ်တဲ့... ဓမ္မစရိယ စာချတန်း ပြီးသွားရင် ရွာလေး ကိုပြန်ပြီး သာသနာပြုဘို့ ကတိ တောင်းထားတယ် လို့ ပြောပြပါတယ်... ကျန် ဦးဇင်း တွေ လည်း အဲလိုပါဘဲ... ပညာပြည့်စုံရင် ကိုယ့်ရပ်ရွာပြန်ပြီး သာသနာ ပြုကြမှာပါဘဲ...  ။

ဒီ မန္တလေး မစိုးရိမ် ကျောင်းတိုက် ကြီးဟာ ဖြင့် မြန်မာတပြည်လုံး နဲ့ ကမ္ဘာအရပ်ရပ် မှာ သာသနာ ပြုနေခဲ့တဲ့... ပြုကြမဲ့...  စာသင်သား တွေ အတွက် အရေးပါ တဲ့ စာသင်တိုက်ကြီး တခု ပါ အခုတော့.... သာသနာ အတွက် အရေးကြီးလှတဲ့ သက်တမ်း နှစ်တစ်ရာ ကျော်ရှိပြီ ဖြစ်တဲ့ မစိုးရိမ် ကျောင်းတိုက် ကြီးဟာ မရှုမလှ ရေမြောနေရှာလေပြီ.... စာသင်သား တွေလည်း ဒုက္ခ ရောက်လှပြီ..


 

မကြောက်ကြပါနဲ့
ဦးဇင်း တွေ လည်း စာအုပ် မကိုင် နိုင် ဘူး
သပိတ်လည်း မမှောက်နိုင်ဘူး
သပိတ်မှောက်တယ် ဆိုတာ ဆွမ်းခံ ရာက ပြန်လာ ပြီး
ဆွမ်းစား ရေးဆေးပြီး မှ မှောက်ရတာ ဆိုတော့ ဆွမ်းမခံနိုင်မှတော့ ဘယ်လိုလုပ်
သပိတ်မှောက် ပါတော့မလည်း
အဲဒီတော့ လောလောဆယ်ဆယ် မစိုးရိမ် က စာသင်သား ဦးဇင်းများ
ယောင်းမကိုင် ဆွမ်းချက် ..ဓါးကိုင် ဆွမ်းဟင်းချက် ..


ကဲ ကမ္ဘာကြီး ကို ရေမြောနေတဲ့  ဧရာဝတီ .... အဲလေ မစိုးရိမ် ကျောင်းတိုက်ကြီး က နှုတ်ဆက်လိုက်ပါတယ် တဲ့... နားအုန်းမယ်ဗျို့
 

လေးစားစွာဖြင့်
ရွှေစင်ဦး

>>>ဆက်ဖတ်ရန်>>> >>

Thursday, August 25, 2011

ဘလော့ဂ်ဒေး အမှတ်တရ

စာရေးသူ - ရွှေစင်ဦး

ဘလောဂ့်ဒေး အထိမ်းအမှတ် အတွက် ကိုအောင် (ပျူနိုင်ငံ) က တဂ် ပိုစ့် လေး ရေးခိုင်းပါတယ် .. ရေး ခွင့် ရတဲ့ အတွက်  ကျေးဇူးတင်ပါတယ် .....။

ဘလောဂ်လေး ဟာ ကျနော့် ဘဝ ရဲ့ အစိတ်အပိုင်းတခု ပါ... ဘလောဂ် လေး ရှိတဲ့ အတွက် ကျနော် ရေးချင်ရာ ကို ရေးလို့ရတယ်... ဖတ်စေချင် တဲ့ စာတွေ ကို တင်ပြခွင့်ရတယ်... ကမ္ဘာအနှံ့ မိတ်ဆွေ အသစ် တွေ ရပါတယ်... ကျနော် ပိုင်ဆိုင်ဖူးတဲ့ အရာတွေ ထဲ မှာ ဒီ ဘလောဂ့် လေးကို ပိုင်ဆိုင်ခွင့် ရတဲ့ ကြည်နူး မှု့ ဟာ အကြီးမား ဆုံးပါဘဲ....။

ကျနော့် ရဲ့ ဘလောဂ် လေး စတင်ပေါ်ပေါက် လာပုံ ကိုပြောပြရရင်.......

အင်တာနက် စသုံး လို့ သိပ်မကြာခင်မှာဘဲ ...   ဘလော့ဂ် တွေ ကို သတိထားမိပါတယ်.. စာရေးကောင်း တဲ့ ကိုမင်းဒင် တို့ ကိုနဗန တို့ ရဲ့ ဘလောဂ့် တွေ ကို အရင်ဆုံး ဖတ်မိ ပါတယ်... နောက်တော့ ... မမေဓါဝီ.. ဆရာမ မမေငြိမ်း.. မကိ... မအယ်.. မမိုးချိုသင်း... မကေ... ကိုလူထွေး ... ကိုသင်ကာ... မခင်ဦးမေ.... ကိုမျိုး (အညာမြေ) ...  ကိုမောင်မောင် (ကဗူး)... သက်ပိုင်သူ... ရွှေပြည်သူ... မယ်ကိုး...  ကိုမောင်မျိုး.. ရှေးမြန်မာ... စသည် စသည်  ဘလော့ဂ် တွေ မှာ စာဖတ်ရင်း နဲ့ တခြား ဘလော့ဂ် တွေ လည်း အများကြီး ရှိကြောင်း သိလာပါတယ် ...၊ ကိုယ်လည်း အဲလို ဘလောဂ့်လေး တခု လုပ်ချင် လာပါတယ်... ။

ဘလောဂ့် လေး လုပ်တာ တော့ ဟုတ်ပါတယ်... ဒါပေမဲ့  ကိုယ်ရေးချင် တာတွေ လျှောက်ရေး နေလို့ စာဖတ်သူ တွေ အတွက် ဘာမှ အကျိုးမရှိနိုင်ဘူး လို့ ယူဆပြီး ဒီဘလောဂ့် လေးမှာ အကျိုးရှိတာ တခုခု ကို လုပ်ချင် လာပါတယ်...။

ကျနော့် ဘဝမှာ ဘာတခု မှ တစိုက်မတ်မတ် လုပ်ခဲ့တဲ့ အလုပ်မျိုး မရှိသလို ဘယ်အရာ မှ လည်း ထူးချွန်မှု့ မရှိခဲ့ ပါဘူး....ကျနော် အခုအချိန်ထိ နေ့စဉ် မပျက် လုပ်ခဲ့ တာ တခုဘဲ ရှိပါတယ်.... စာဖတ် တာပါဘဲ.... ဘယ် လောက်ဘဲ စိတ်ညစ်စရာရှိရှိ... ပျော်စရာရှိရှိ... နေမကောင်း တာ ဘဲ ဖြစ်ဖြစ် ..  ပင်ပန်း နေတာဘဲ ဖြစ်ဖြစ် .. စာမဖတ် ရရင် အိပ်မပျော်ပါဘူး... ။

ဖတ်တဲ့ စာ တွေမှာ. စာမျိုးစုံ ပါပါတယ်... ဒါပေမဲ့... စာဘယ်လောက် ဘဲ ဖတ်ဖတ် ... စာဖတ်ချင် တဲ့ စိတ်အာသာ ကို မပြည့်ဝ တဲ့ စာမျိုးတွေ နဲ့ တွေ့ တာ များလာရင် ကျနော် စာငတ် လာ ပါတယ်..... ကျနော့် အတွက် တော့ စာငတ် တာဟာ ထမင်းငတ် တာ နဲ့ မထူး ပါဘူး....  ဒါကြောင့်.. စာအုပ် အဟောင်း တွေ ပြန် ဖတ်ရတယ်... စာကောင်းလေး တွေ ရှာဖွေ ဖတ်ရ ပါတယ်...။

ကျနော် တို့ ရဲ့ နေ့စဉ် ထမင်းဝိုင်း မှာ မသင့်တော် တဲ့ဟင်းတွေ.. အဟာရ မပြည့် ဝတာတွေ ကို ကြာကြာ စားလာ ခဲ့ရင်... အဲဒီလူဟာ ရောဂါ တွေ ရလာ နိုင်သလို... physically အရ လိုအပ်ချက်တွေ ရှိလာပါလိမ့် မယ်... အဲလိုဘဲ ... အဟာရ မပြည့်ဝ တဲ့ စာတွေ ဖတ်တာကြာလာရင် မဖတ်ရရင်.. mentally အရ မပြည့်စုံ မှု့တွေ ရှိလာမယ် လို့ ထင်တဲ့ အတွက် ကျနော့် ဘလော့လေး မှာ အဟာရ ပြည့်ဝ တဲ့ စာလေး တွေ ကို တင်ထားချင် တဲ့ ဆန္ဒလေး တခု လည်း ရှိလာပါတယ် .. ။

အင်တာနက် မှာ မြန်မာ e-book တွေ လိုက် ရှာကြည့် ပါတယ်... စာအုပ်ကောင်း လေးတွေ တွေ့ သလို မတွေ့တာတွေ လည်း အများကြီးပါဘဲ... ။

အဲဒီအတွက်... ကျနော့် ကြိုက်တဲ့ ကျနော့် မှာ ရှိတဲ့ စာအုပ်ကောင်း လေးတွေ ကို စာချစ်သူ များ ကို ဖတ်စေချင် တဲ့ မျှဝေ ချင်တဲ့ ဆန္ဒ လည်း ဖြစ်လာပါတယ်..... ဒါကြောင့် ကျနော် တတ်နိုင်သမျှ စာကောင်း လေး တွေ လည်း တင်မယ် လို့ ဆုံးဖြတ်လိုက် ပါတယ်... ။

နောက်တခု လည်း သတိရသွားပါတယ်... ကျနော် တို့ ငယ်ငယ် က သမဝါယမ ဆိုင် ဆိုတာရှိပါတယ်.... အဲဒီ သမဝါယမ ဆိုင်မှာ ဈေးဝယ် ရင် ကိုယ် လိုချင်တာ ကို ဝယ်လို့ မရပါဘူး.... အရောင်းသွက်တဲ့ ဆပ်ပြာခဲ ဝယ်ချင်ရင် အရောင်းထိုင်း တဲ့ အပ်ချီလုံး နဲ့ တွဲယူရပါတယ် .. အခုလည်း ရွှေစင်ဦး ရဲ့ အပ်ချီလုံး စာလေး တွေ နဲ့ စာရေးဆရာကြီး တွေ ရဲ့ ဆပ်ပြာခဲ စာကြီး များကို တွဲဖက်ပြီး တင်ထားရရင် စာဖတ်သူလည်း အဆင်ပြေ.... ရွှေစင်ဦးလည်း အဆင်ပြေဆိုပြီး... http://www.shwezinu.blogspot.com ဆိုတဲ့ နှလုံး သား ထဲက ဘလော့ဂ် အိမ်လေး ကို စတင် မွေးဖွား လိုက်တာ ဖြစ်ပါတယ်... အဲဒီကမှ တဆင့် ပြည်တွင်း မှာနေတဲ့ စာဖတ်သူမိတ်ဆွေ များပါ အဆင်ပြေစေဖို့ http://www.shwezinu.com လေးကို ပြောင်းဖြစ် သွားပါတယ်... ။

စဦးကာလ များတုန်းကတော့... ကျနော့် ဘလော့ဂ်လေး မှာ စာဖတ်သူ ဟာ ကိုယ်က လွဲရင် အားပေး ဖော်....  ချစ်ညီမ စစ တယောက် ဘဲ ရှိပါတယ်...။

စာဖတ်သူ မရှိပေမဲ့ ကိုယ့်တာဝန်ကိုယ် ကျေပြွန်အောင် လုပ်ရမယ် ဆိုပြီး နေ့တိုင်း နီးပါး စာရေး ပါတယ် ပိုစ့် တွေ တင်ပါတယ်.. ဖတ်သူ မရှိပါဘူး ... နဲနဲလေး ကြာ မှ နိုင်ငံခြားရောက်နေတဲ့ သူငယ်ချင်း နဲနဲပါးပါး ကို ဘလော့ဂ် လင်ခ့် လေး ပေးပြီး ဖတ်ခိုင်း ရပါတယ်... တခြား ဘလောဂ့် တွေမှာ လင့်ခ် ချန် နည်းလေး လည်း ...  သိသွားတဲ့ အတွက် စာဖတ်သူ များ တိုး လာ ပါတယ် .... အခုတော့ နှစ်နှစ် သား အရွယ်ရောက် နေပြီ ဖြစ်တဲ့  ယိုင်ထိုး ယိုင်ထိုး နဲ့ မတ်တတ်သွားစ ပြုနေ တဲ့ ရွှေစင်ဦး ဘလောဂ့် လေး ဘေး မှာ ဝိုင်းဝန်း လက်ခုပ်တီး ပေးကြတဲ့ စာဖတ်သူ များ အသင့်အတင့် ရှိနေပါပြီ....။

ဘလော့လေး မှာ စာဖတ်သူ တွေ များလာရင် ကျနော် ဝမ်းသာပါတယ်... စာဖတ်သူ တွေ များတာဟာ ကောင်းတဲ့ အလားအလာ တွေ လို့ဘဲ ယူဆပါတယ်... ဒါကြောင့် ... ကျနော် ဘလောဂ့် လေးမှာ စာ လာ ဖတ်ကြတဲ့ စာဖတ်သူ များကို အထူး ကျေးဇူးတင်ပါတယ်... ။

နောက်ပြီး ကျနော် ဘလောဂ့် လေး စရေး ကထဲက ကျနော့် တင်သမျှ စာတွေ မှာ ကော့မန် လေး တွေ ရေးပေးပြီး ကျနော် ရဲ့ စိတ်ဓါတ်အင်အား ကို ဖြည့်ပေးခဲ့ကြတဲ့  wather.ray... ဂျီးတော်.. ဝက်မ (ဂျက်စမင်း) ... ttinaye... SDL.. အနော်... စသည့် စသည့်... တို့ နဲ့ အတူ ကောမန့် မရေးပေမဲ့ မေးလ် မှ တဆင့် ဂျီတော့ခ် မှ တဆင့် အားပေးခဲ့ ကြတဲ့... စာဖတ်သူ အားလုံး ကို လည်း အထူးဘဲ ကျေးဇူးတင် ပါတယ်...။

ဘလော့ဂ်ဂါ  ရေးဖော်-ရေးဖက် (သောက်ဖော် - သောက်ဖက်.........အဲ..အဲ..) မိတ်ဆွေများ ဖြစ်တဲ့ အပြင် အားဆေးလေး တွေ ကို စိတ်ပါလက်ပါ... တိုက်ကျွေး သွားကြတဲ့...  မိုးမင်းကြီး(စူး) ... အင်ကြင်းသန့်.. လသာည... မမေဓါဝီ.. မကိ... ချစ်ကြည်အေး... ကောင်းမွန်ဝင်း...  ချော (အစိမ်းရောင်လွင်ပြင်)... မသက်ဝေ... မသီတာ.. ကိုဧရာ.... အဖြူရောင် နတ်သမီး...  ယွန်း.. ညီမပူးတေ... ကူးကူး... ကျော်နှင်းဆီလွင်.... ဖြိုးဖြိုး...  မဗေဒါ.(88).. မမြသွေးနီ....  မြတ်မွန်.... စိတ်၏ဖြေရာ... မရီတာ.. မိုးငွေ့.. မလုလု.. မငယ်နိုင်း.. We She Me... တီတီဆွိ... စုချစ်သူ... ညီမသဒ္ဓါလှိုင်း... ကိုပီတာ... ကိုမိုး (ဘလောဂ်ဂါမောင်မိုး) .. ကိုအောင် (ပျူနိုင်ငံ).. ကိုမြစ်ကျိုးအင်း... ကိုဇော်သိက္ခ.င်္. နတ်ဆိုးလေး.. ကိုကိုးအိမ်.... ကိုဆိုဆီ... ကိုကိုမောင် (ပန်းရနံ့).. ကိုဇော်... ကိုဂျစ်တူး... အဖြူလေး.. ကိုမောင်(ကဗူး).... ကိုအေအေတီအို.... ကိုညီလင်းသစ်.. မောင်လေး... ကိုယောနသန်...  မိုးယံ.... ကိုဘကြိုင် (ချဉ်ပေါင်ခြံ) .... ကိုချိုကျ ... ကိုဏီလင်းညို... ကိုအုပ်ကြီး...  ကိုသက်တန့်.. စသည်.. စသည် .. တို့နဲ့  နှုတ်မဆက် ဘဲ ထွက်ခွာ သွားခဲ့တဲ့ အကိုကြီး (ကိုကြီးကျောက်) တို့ရဲ့ ကျေးဇူးတရား တွေ ကိုလည်း အမှတ်ရ နေမှာပါ...။

အခု နောက်ပိုင်း မှာ ဆက်လက်ပြီး ချစ်ခင်တွယ်တာခဲ့ရတဲ့ မောင်ငယ် ညီမငယ် ဘလောဂ့် ဂါ များ ကို  တော့ နံမည် မဖော်ပြတော့ပါဘူး... ရွှေစင်ဦး ဘလောဂ့် မှာ ချိတ်ဆက်ထားပေးပါတယ်.... ကျေးဇူးတင်ပါတယ် မောင်ငယ် ညီမငယ် တို့ရေ...။

အင်တာနက် မှာ တင်ထားတဲ့ ကိုယ်ပိုင် ဘလောဂ့် လေးတွေ ကြောင့်  ကမ္ဘာ မှာ မြန်မာ မှာ အများကြီး ပြောင်းလဲ မှု့တွေ ဖြစ်ပေါ်ခဲ့ သလို... လူတဦးခြင်း ဘဝ တွေ.ကို လည်း အများကြီး ပြောင်းလဲ သွားစေ ပါတယ်.... ဒါတွေ ဟာ အားလုံး သိပြီးသား ဖြစ်မှာ မို့ ကျနော် မပြောတော့ပါဘူး...။

ကျနော့် အတွက် တော့ ဘလောဂ့် ဆိုတာ ကိုယ် ဆန္ဒ ရှိရာ ကို အယ်ဒီတာ မလို ဘဲ ကိုယ့် ရဲ့ စာဖတ်သူ တွေ နဲ့ ကမ္ဘာကြီး စီ ကို စက္ကန့်ပိုင်း အတွင်း မှာ ရောက်အောင် တင်ပြနိုင်တဲ့ တကယ်ကို ထူးဆန်း တဲ့ စာ တအုပ် ... သတင်း တပုဒ် ... ပါဘဲ... ဘလောဂ့် တွေ ရှိတဲ့ အတွက် အင်တာနက် ကမ္ဘာ မှာ ကျနော် တို့ မသိသေး တာတွေ.. သိချင်နေတာတွေ ကို အားလုံး သိခွင့် ရခဲ့ပါတယ်... ဘလောဂ့် ကြောင့် သုတ.. ရသ..အားလုံး ကို လေ့လာ ခွင့် ရရှိခဲ့ပါတယ်...။

ဘလောဂ့် ဆိုတာ ကျနော့် အတွက်တော့ တန်ဘိုး မဖြတ်နိုင်တဲ့ အင်တာနက် က ပေးတဲ့ ဆု ပါဘဲ.... ဘလောဂ့် လေး တည်ထောင်ခွင့် ရတဲ့ အတွက် ဘလောဂ်ဂါ ဆိုတဲ့ နံမည်တခု ကို ပိုင်ဆိုင်ခွင့် ရခဲ့ ပါတယ်...  အဲဒီ အတွက် ကျနော် အထင်ကြီး လေးစားတဲ့ သတင်း ဌာနကြီး နှစ်ခု နဲ့ အင်တာဗျူး လုပ်ခွင့် ရခဲ့ ပါတယ်.. ဒါဟာ လည်း ကျနော် လို သာမန် လူစား အတွက် မမျှော်မှန်း နိုင်တဲ့ ဆုလာဘ် တခုပါ...။

ဘလောဂ့် စတင်တီထွင် ခဲ့ ကြတဲ့ နည်းပညာရှင်တွေ နဲ့ လူသားတွေ အကျိုးအတွက် ဘလော့ဂ် သုံးခွင့် အလကား ပေးထားခဲ့တဲ့ web site များကိုလည်း ကျေးဇူးတင်မဆုံး ပါဘူးလို့ ပြောကြားရင်း ဘလော့ဂ် ဒေး အမှတ်တရ စာစုလေး ကို ရေးလိုက်ပါတယ်....။

ဘလောဂ့်ဂါ အမ အန်တီတင့်... ညီမကောင်းမွန်ဝင်း... ကိုမောင်(မောင်မောင် (ကဗူး))... တို့နဲ့ ရေးဖော် ရေးဖက်... မောင်ငယ် ညီမငယ် အားလုံး ကို လည်း ဘလောဂ့်ဂါးဒေး အတွက် အမှတ်တရ လေးများ ရေးပေးကြ ပါအုန်း လို့ ... ဆက်လက်ပြီး တဂ် လုပ်ပါတယ်...။

ဖြစ်ချင်တာ နဲ့ ဖြစ်နေတာ ကို တဂ် လုပ်ထားတဲ့ ကဗျာဆရာ မောင်ငယ် ကိုအုပ်ကြီး နဲ့ ... ကြိုက် တတ်တာ မကြိုက်တတ်တာ လေး တွေကို တဂ်လုပ်ထားတဲ့ ညီမငယ် အဖြူရောင်နတ်သမီး တို့ အတွက် ဒီပိုစ့် လေး နဲ့ ဘဲ အကြွေးဆပ်ပြီး ပြီ လို့ ယူဆပြီး.. သီးသန့် တပုဒ်စီ မရေးဖြစ်ခဲ့တဲ့ ရွှေစင်ဦး လေး ကို ခွင့်လွှတ်ကြပါလို့ တောင်းပန် ရင်း ပိုစ့် လေးကို နိဂုံးချုပ် ပရစေတော့ဗျာ....။

လေးစားစွာဖြင့်
ရွှေစင်ဦး
>>>ဆက်ဖတ်ရန်>>> >>

ရွှေစင်ဦး ရဲ့ တောင်ရောက်မြောက်ရောက် အပိုင်း (၃)

စာရေးသူ-ရွှေစင်ဦး

ဒီတခါ တောင်လည်းမရောက်နိုင် မြောက်လည်း မရောက်နိုင် နဲ့ တန်းလန်းကြီး ဖြစ်နေတာကြာပါပြီ ...... စာရေးတာလည်း စိတ်ကြည်ကြည်လင်လင် ရှိမှ ရေးလို့ကောင်းတယ်... စိတ် မကြည်လင် နိုင်အောင်လည်း အမှု့ကိစ္စ တခု က ကိုယ့်မျက်စေ့ ရှေ့တင်... ။

အဲဒီ ညအကြောင်း ပြန်ပြောရရင် ၁ဝနာရီဝန်းကျင်လောက် ထင်တယ် ကျနော်တောင် အိပ်ယာ ထဲ ရောက်နေလို့.. စာတောင်ဖတ်နေပြီ.. အဲဒီ အချိန်မှာဘဲ ပြေးသံတွေ အော်ဟစ်သံတွေ ကြားတာ နဲ့ ထကြည့်မိတယ် ကျနော်တို့ ဆိုင်နားလေးတင်ဘဲ ဖြစ်နေကြတာ..ကျနော် တို့ အခန်းကလည်း လမ်းဘက် ဆိုတော့ အကုန်မြင်နေရတယ်... ချစ်ချစ်ကြီး ကတော့ အသံကြားကထဲက အောက်ပြန်ဆင်းပြီး ကားသွင်း ဆိုင်ပိတ် ဘို့ သွားပြောတယ်... ကလေး တွေက အလုပ်လုပ်တုန်း ရုပ်ရှင်ကြည့်တုန်း.. ကပ်စတမ်မာ လည်း ရှိသေးတယ်... ။

ကျနော် ကတော့ အပေါ်ထပ် က အထူးတန်း ကကြည့်နေတဲ့ သဘော ပေါ့... သူ တို့ က အခြင်းခြင်း တွေဘဲ ထင်တယ် အုပ်စု နှစ်စု ပေါ့ တစု က လူနဲစု တစု ကတော့ များတယ် ၁ဝယောက်လောက် ပါမယ် ထင်တယ်.. တခြားနေရာ ကနေ ဖြစ်လာကြတယ်... လူနည်းစု ဘက်က တယောက် က အရိုက်ခံရတယ် နဲ့ တူတယ်.. အဲဒါကို ဟို အများစု ဘက်က ခေါင်းဆောင် တဲ့ ကလေး က လိုက်တောင်းပန်နေတာ... ကျနော် လည်း အခြေအနေမဆိုးသေးဘူး ပေါ့ ဆိုပြီး ဆက်ကြည့်နေလိုက်တယ်... ။

အရိုက်ခံရတဲ့ ကလေး က မကျေနပ်နိုင်ဖြစ်နေတယ်...  ဟို ဘက်က ကလေး ကတော်တော် တောင်းပန် ပါတယ်... ရန်ပွဲ မဆက်ဘို့ နဲ့ ကျေနပ်ဘို့ ကို တအားတောင်းပန်တယ်.. သူ့ ရိုက်သွားဆိုပြီး ခေါင်းလည်း ထိုးပေးတယ်... ဒါပေမဲ့ ခံရတဲ့ သူက အဲဒီကလေး ကို မရိုက်ဘဲ ရိုက်လိုက်တဲ့ ကောင်လေး ကိုဘဲ ပြန်ရိုက် ရမှ ဖြစ်နေတယ်... အဲဒါနဲ့ မကျေမလည် တွေ ဖြစ်နေကြတာ.. တော်တော်ကြာတယ်.. ။

အဲဒီလို ကြည့်နေရင်း တန်းလန်း ဘဲဗျာ ဟိုဘက် ဒီဘက် ပြေးလာပြီး ရိုက်လိုက်ကြ နှက်လိုက်ကြ နဲ့ လမ်းပေါ်မှာ သုံး ယောက် လဲသွားတယ်... လဲသွားတဲ့ လူတွေကိုလည်း ဆက်ရိုက်နေလိုက် ကြတာဗျာ.. တခွပ်ခွပ် နဲ့ ခဏလေး နေတော့ ဟေ့ တော်ကြတော့ သေသွားလိမ့်မယ် ပြောပြီး ဆိုင်ကယ် တွေပေါ် စုတက်ပြီး မောင်းပြေး သွားကြတယ်.. ။

လမ်းပေါ်မှာ လေးယောက် လဲကျနေခဲ့တယ်... စစ ရေ လာကြည့်အုန်းဆိုပြီး ခေါ်နေတုန်းရှိသေး ရဲ တွေလည်း ရောက်လာတယ်... အဲဒီအချိန်ကြမှ အောက်က သတ္တိခဲများလည်း ဆိုင်ပိတ်ကြတယ်... ရဲ တွေလည်း လဲနေတဲ့ ကလေး လေးယောက် ကို ဆေးရုံကားခေါ်ပြီး တင်သွားတယ်... လမ်းပေါ်မှာ သွေး တွေ အများကြီး... ဆိုင်ရှေ့ တည့်တည့် ရောက်နေတဲ့ ဆိုင်ရှင်အိမ်က ရေပုန်း နဲ့ ပက်ပက်ပြီး တံပျက်စည်း နဲ့ လှဲပြစ်ရတာ တော်တော် ကြာတယ်... ။

ကျနော် လည်း အဲဒီ အချိန်ထိ ရိုးရိုး ရိုက်မှု့ဘဲ ထင်နေတာ.. မနက်ကျ မှ ဘေးဆိုင်က သတင်းရလာတယ် သုံးယောက် က ပွဲခြင်းပြီး တဲ့ ... တယောက် ကဆေးရုံမှာ အခြေအနေမကောင်း တဲ့... အဲဒီတော့ မှ စိတ်ထဲ မှာ တော်တော် မကောင်းဖြစ်သွားတယ်... လူတွေရှေ့မှာ လူသတ်ခံရတယ်လို့ ငါ့မှာလည်း တာဝန် ရှိတယ်လို့.. နောက်ပြီး  ဆယ်ကျော်သက် လေးတွေ... အနာဂတ် ရဲ့ သားကောင် အဲ သားကောင်း ဖြစ်မယ့် သူလေးတွေ မို့ တော်တော် စိတ်ထိခိုက်မိတယ်...သေသူရော ရိုက်သူရော ဘဝ တွေ အများကြီး ဆုံးရှုံး သွားပြီလေ....။

ကျနော် တို့ ဆိုင်နားမှာ ကာရာအိုကေ ဆိုင်ရှိတယ်.. ကျောင်းသား အဆောင်တွေ ရှိတယ်..  အဲလို အုပ်စုလိုက် ရန်ဖြစ်ကြတာတွေဟာ ရိုးနေပါတယ်... ဒေါသ တကြီး နဲ့  ဒုတ်တွေ ခဲတွေ နဲ့ အုပ်စု ၂စု ကြား ဝင်တားရင် တားတဲ့ သူဘဲ ဝိုင်းရိုက်မယ် လို့ ထင်နေတဲ့ စိတ်လည်းပါတယ်..။

ရန်ပွဲတွေ ကလည်း ခဏ ခဏဖြစ် နေတာ ဆိုတော့ သိပ်တော့ အဆန်းလည်း မဟုတ်ဘူး ... ဒါပေမဲ့... ရန်ဖြစ်တာ တွေကို ကြည့်ရင်တော့  ရဲရဲ မကြည့်ရဲပါဘူး မီးပိတ်ပြီးကြည့်ရတယ်.. မမြင်အောင် ကွယ် ကြည့်ရတယ်.. တော်ကြာ ကြည့်ရမလား ဆိုပြီး တချက်လောက် ပေးသွားရင်မခက်လား...။

အင်း ဒီလိုနဲ့ အချိန်တော်တော်ကြာ စိတ်ထဲမှာ အဲဒီ အကြောင်းက မထွက်ဘူး..  တရက်တော့ မနက် အာရုံ မတက်ခင် ခွေးတွေ ဟောင် တာနဲ့ နိုးလာတယ်... ထုံးစံအတိုင်း ပြတင်းပေါက် ကနေ အဲဒီနေရာကို မျက်လုံး ရောက်သွားတယ် ... လမ်းပေါ်မှာ တော့ ဘာမှ မတွေ့ပါဘူး လမ်းဘေးမှာတော့ ဂျင်းဘောင်းဘီ နဲ့ လူငယ်လေး နှစ်ယောက် လမ်းလျှောက် လာကြတယ်... ဆက်မကြည့်ရဲ တာနဲ့ မျက်နှာလွှဲ လိုက် ရတယ်.. သူတို့ သုံးယောက် ထဲက နှစ်ယောက် တော့ မဟုတ်တန် ကောင်း  ပါဘူးလို့...။

*********************************************************

တနေ့ကလည်း ချစ်ညီမလည်း မရှိတာနဲ့ တယောက်ထဲဘဲ ဈေးသွားဝယ်ရတယ်... ဘယ်ဈေး သွားရ မလည်း စဉ်းစားတော့ ........

ကျနော်ဈေးဝယ်တဲ့ အထဲမှာ ဈေးအကြီးတွေ ရောက်သလို.. ဈေးအသေးတွေလည်း ရောက်ပါတယ်... အဲဒီအခါ တချို့ ဈေးမှာ ဈေးသယ် တွေ အားလုံး နီးပါး ချိုချိုသာသာ စကားပြောကြ သလို အလေးပြည့် ဈေးမှန် ရတတ်တယ်... တချို့ဈေးများ ကြတော့လည်း တော်တော်များများ စကားပြော ဟန်မကျသလို ဈေးကြီး တတ်တယ်... ။

သူဌေး ရပ်ကွက် အနားမှာ ရှိတဲ့ ဈေးတွေ ဆို ဝယ်လို့ မကောင်းဘူးတဲ့... ဈေးကြီးတယ် လို့ ပြောတာ ဘဲ... တချို့ ဈေးသေးလေး တွေ လည်း တရားဝင် ဖွင့် ထားသလား မဖွင့် ထားသလား မသိပေမဲ့ ... ကျနော် အသွားများ ပြီး ဝယ်ကောင်း တဲ့ ဈေးလေး တခု ကတော့ အလွန် အဖမ်းအစီးများပါတယ်...။

ကျနော်လည်း အဲဒီဈေးဘဲ သွားချင်တာ ဆို တော့ .... အဲဒီ ဈေးဘဲ သွားပါတယ်.... တိုက်တိုက်ဆိုင်ဆိုင် ဒီနေ့ တော့ မဖမ်းလောက်ပါဘူး ဆိုပြီး စိတ်ကူးမိတယ်... လွဲသလားတော့ မမေးနဲ့ .. အဖမ်းအစီး ရှိပါတယ်... အဲလို နေ့ မျိုးဆိုရင်  ဈေးသယ် တွေက နီးစပ်တဲ့ အိမ်ထဲကို ဝင်ရောင်းကြပါတယ်... ။

ကျနော် က ဝယ်နေကျ ဆိုတော့ ကိုယ် ဝယ်မဲ့ ဈေးသယ် က ဘယ်အိမ် ထဲ ဝင်ရောင်းလည်း ဆိုတာ သိပါတယ်.. ဒါနဲ့ ခြင်းလေး နဲ့ ထွက်လာတော့ နောက်က ချစ်ချစ်ကြီး က လိုက်လာတယ်.. အမယ် ဟုတ်လှချီလား ထင်နေတုန်း ရှိသေး ဈေးအလယ်နားမှာ ရှိတဲ့ လမ်းဘေး လဘက်ရည်ဆိုင် ထိုင် ကျန် နေပါတယ်...။

ကျနော် လည်း ဝယ်နေကြ ဈေးသယ် ရှိတဲ့ တိုက်ကြီး ထဲ ဝင်သွားပါတယ်... အသားဝယ်ပြီး ထွက်မယ် လည်း လုပ်ရော သံတံခါး ကြီး က သော့ခပ်ပြီးပြီး... အမ ရေ ဗိုလ်ကြီး စောင့်ဖမ်းနေလို့ ခဏစောင့် ပါနော် တဲ့... အင်း...စောင့်ရတာပေါ့ ... အမေ..တဒုန်းဒုန်း နဲ့ နင်းခုတ်မနေနဲ့ ခင်ဗျား ယောက်ကျား ဗိုလ်ကြီး က ရှေ့က စောင့်နေတယ် တဲ့... (မြူနီစပါယ် က နဲနဲကြီး တဲ့ လူကို ဗိုလ်ကြီး ခေါ်တယ် ထင်တယ်)..။

ဒါနဲ့ ကိုယ် လည်း ထွက်ချင်တာ နဲ့ အပေါက်နား ရစ်သီရစ်သီ လုပ်နေတုန်း ရှိသေး... ဟေ့ နင်တို့ သတ္တိရှိရင် တံခါးဖွင့်ကြည့် ငါ ဝင်ကိုဖမ်းမယ် တဲ့... ဗိုလ်ကြီး အော်သံ... ကျနော်လည်း ခဏတော့ စောင့် နေပါ သေးတယ်.... ဒါပေမဲ့ ... ရွှေစင်ဦး လည်း မြန်မြန်ထွက်ချင်လှပြီ ဆိုတော့ .. ဟေ့ ဟေ့ နင်တို့ အဖေ ဗိုလ်ကြီး စောင့်တာလည်း စောင့်ပေါ့... ငါလည်း ငါ့ချစ်ချစ်ကြီး ကစောင့် နေပြီ ထွက်တော့မယ်ဟေ့... လို့ ပြောလိုက် မှ တယောက်စာ တံခါးလေး အသာဟ ပေးလို့ အမြန်ပြေးထွက်ခဲ့ရတယ်... အမယ် ဗိုလ်ကြီး က လည်း မျက်စောင်းထိုး ကြည့်လို့ ... အင်း နောက်တခါ ဝယ်သူ ပါ ဗိုလ်ကြီး က ဖမ်းရင် ဒုက္ခလို့....။

*********************************************************
ဈေးဝယ်ရတာလည်း သိပ်တော့ အဆင်ပြေတာ မဟုတ်ဘူး...  စားတဲ့သူတွေကလည်း အစားမညီတော့  စဉ်းစားပြီး ဝယ်ရတယ်...ကိုယ်သတ်မှတ်ထားတဲ့ ငွေ နဲ့ အားလုံးစားကောင်းအောင် လုပ်ရတယ်... ဟိုနေ့ ကတော့ မြစ်ဆိပ် နားက ဈေးမှာ ငါးပတ် ကောင်းတာနဲ့ ငါးပတ်မွှေချက် မယ်ဆိုပြီး ချိန်ခိုင်းတယ်...။

ခေါင်းပိုင်း လား အမြီးပိုင်း လား ဆိုတော့ မွှေချက်မှာ ဆိုပြီး ခေါင်းပိုင်းဘဲ (ခေါင်းကတော့ ဖြတ်ပြီးသားပါ) ချိန်ခိုင်း လိုက်တယ်.. ငါးဆယ်သား ရှိတာနဲ့ ယူမယ်ဆိုပြီး ... ဘိုက်ထဲက အူတွေ ဘာတွေ ထုတ်လိုက်တော့ ငါးဥ ကြီးက နှစ်ဆယ်သား လောက်ရှိတယ်... ထွက်လာတယ်....  စိတ်တော်တော် ညစ်သွားတယ် .. အသား မွှေချက် ချင်လို့ ပါဆို ဥ ကြီး မလိုချင်ဘူး ဆိုတော့... ဈေးသယ် က မရဘူးတဲ့ ... စစ ကလည်း မလောက်ရင် ထပ်ဝယ်လေ.. အဲဒါကြလည်း ရွှေစင်ဦး ကနှမြောသေး... အင်း ငါးဥတွေ များ ပေါလွန်းလို့ အသား ဝယ်တာ ကို ဥ တွေပါ မကျေမနပ် နဲ့ ယူခဲ့ရတယ်.... ။

ငါးပတ်မွှေ ချက်တယ်.. ချဉ်ပေါင်ဟင်းချက်တယ်... ငရုပ်သီးထောင်းလေး နဲ့ ပေါ့.. ဟင်းပြောင်းဟင်းလွဲ လေး ဆိုတော့ စားတော့ မြိန်ပါတယ်... အမြဲတမ်း ကြက်..ဝက်..ငါးကြော် ပျင်းစရာကောင်းတယ်... အိမ်မှာ ဆိုရင်တော့ မီးသွေးမီးဖို သုံး တာဆိုတော့ အခုအချိန်မှာ ကျွန်းခရမ်းသီး စိမ်းစိမ်း ကြီးတွေ မီးဖုတ်  မြေပဲလှော်ထောင်း.... ကြက်သွန်နီ များများ.... နံနံပင် များများ ဆီရွှဲရွှဲ နဲ့သုတ် စားလိုက်ရရင် လို့ စဉ်းစား ပေမဲ့... ဆိုင်မှာတော့ ဂက်စ် နဲ့ လျှပ်စစ် ဘဲဆိုတော့ အဲလို လည်း လုပ်မစားနိုင်ပါဘူး...ခရမ်းသီး ဆို ချက်တာ ဘဲ... တခါတလေ ငါးခြောက်ဖုတ်လေး စားချင်လည်း မစားနိုင်...။

ငါးပိရည် ဖျော်ရင်လည်း ငရုပ်သီးလေးလှော် ပြီး ထဲ့ချင်တာ ငါးပိရည် အိုး တည်ရင်ထွက်လာမဲ့ အနံအသက် နဲ့ ငရုပ်သီးလှော် နံ့ ပေါင်းသွားရင် ကတ်စတမ်မာ အားလုံး ထွက်ပြေးမှာ စိုးလို့ စားချင်တဲ့ စိတ် တွေဖျောက်... သိပ်စားချင်ရင် လူမရှိခင် လုပ်ထားရင်တော့ ရတယ်... အင်း စားချင်ရာ မစားရတဲ့ ဒုက္ခ တွေ ပေါ့... ရွှေစင်ဦး ကလည်း အတော် ဂျီးများ တယ် ရေကြီးနေတာ နဲ့ အတော်ဘဲ ဂျီးပြောင်အောင် ချွတ်မှ လို့....။

မန္တလေး မြို့ကြီး ဘာလို့ ဒီလောက် ရေကြီး ရသလည်း ... ချောင်းတွေ.. မြှောင်းတွေ.. ကန်တွေ ကော ကုန် တာ ပါမယ် ထင်ပါတယ် .......  မြန်မာမင်း လက်ထက်က တည်ထားခဲ့ တဲ့ မြို့တော် ကြီး ဟာ အင်္ဂလိပ် မင်း တွေ တည်ထား ခဲ့တဲ့ ရန်ကုန် မြို့ လို့ အင်္ဂလိပ်နည်း Town Plan  (အခုတော့ အဲဒီ ရန်ကုန် မြို့ကြီး အောက် က တန်းပလောင်း  တွေ လည်း ရေထဲ မြောကုန်ပါပြီ ... maintenance မလိုဘူးလေ .. အသစ် တွေ ဘဲ တည်ဆောက် တာ ဆိုတော့ ... ထားခဲ့တော့ မြှောင်းထဲ ပေါ့) တွေ ဘာတွေ မရှိပေမဲ့ မြန်မာ နည်း မြန်မာဟန် နဲ့ Town Plan ရှိခဲ့ပါတယ် ..... ။

မန္တလေး မြို့ ကြီးဟာ ဒီလောက် မိုးရေချိန် နဲ့ ဒီလောက် ရေလွှမ်း လေ့ မရှိပါဘူး .....ရေစီးစရာ တမြို့လုံး မှာ ချောင်းတွေ ကန်တွေ မြှောင်း တွေ... အပြည့်ကိုး အခုတော့... အောင်ပင်လယ် ဆိုတာ လူနေရပ်ကွက် တခု .. ရွှေတချောင်း မှာ လှေ တွေ သွားခဲ့တယ် ဆိုတာ ယုံတမ်းပုံပြင် တွေလားဟင် တဲ့.....ကယ်သူ မရှိတဲ့ ရွှေမန္တလေး သနားစရာပါဘဲ..... ရောမမြို့ ကြီး မီးလောင် ပေမဲ့ နီးရိုး ဘုရင် က တယောထိုး မပျက် ပါဘူးတဲ့ ... မန္တလေး မြို့ ကြီး ရေလျှံ တာ လောက် ကတော့ ....  နီးရိုးဘုရင်... အဲ... ရွှေစင်ဦး တို့ က တောင်ရောက် မြောက် ရောက် တောင်... အရေးမပျက်....။

သြ ဒါနဲ့ ရွှေစင်ဦး လည်း တခါတလေ တလုံး တခါတလေ ၂လုံး က နေ အခုတော့ အမြဲတန်း တလုံး ဖြစ်သွားပါပြီ... ချစ်ချစ်ကြီး က ပိုစ့်ရေးတာ သိသွားတယ် ထင်တယ်... အခုဆို ဆေးလုံး လေး ထောင် ပြပြီး သောက်ပြီးပြီလား တဲ့... အဟဲ ... သူလေ မေးဖော်ရလာတော့... ရွှေစင်ဦး လည်း တနေ့ တလုံး သောက် နဲ့ နေကောင်း နေပါကြောင်း... စာဖတ်သူ များ အကြံပေးတဲ့ အတိုင်း အစားလည်းဆေး ... ဆေးလည်း အစာ ဆိုသလို အစိမ်းရောင် အဝါရောင် အသီးအရွက်များ ကိုလည်း စားသောက်ပါကြောင်း တင်ပြရင်း... ဒီပိုစ့် မှာတော့ ဒီမျှသာပါဘဲ.....။

လေးစားစွာဖြင့်
ရွှေစင်ဦး
>>>ဆက်ဖတ်ရန်>>> >>

Wednesday, August 10, 2011

ရွှေစင်ဦး ရဲ့ ဘလော့ဂ်ဂါ ထမင်းဝိုင်း

စာရေးသူ-ရွှေစင်ဦး
 
ငါးမြင်းငါးပိတစ်ချက် ကို မကျီးမှည့် လေး အုပ်ချက်ထားတယ်
 
အဲဒါ နွားနို့ချက်လေ မွှေးနေတာဘဲ


ဒါက ကညွတ်ကြော်
 
ပုဇွန်ဆိတ် သေးသေးလေး တွေနဲ့ မကျီးသီးစိမ်းထောင်း ပြီးကြော်ထားတယ်

ဇွန်းလေး နဲ့ခတ် နေတဲ့ စိမ်းစိမ်းလေး က ဟင်းရွက်စုံ ဟင်းရည် လေ
အဲဒါလေး လည်း မိုက်တယ်

ရွှေစင်ဦး ကိုယ်တိုင် ဘဲ ချက်ကျွေးဖြစ်တယ် ... အခုစားဖြစ်တာ.. ဘလော့ဂ်ဂါ ၆ယောက် ပေါ့ ၂ယောက် မလာနိုင်ဘူး.. ပုံတွေ သိပ်မရှိလို့ ရှိတာဘဲ တင်လိုက်တယ် အားလုံးဘဲ သာသည်နာသည် မတွက်ကြပါနဲ့  အချိုပွဲ တွေ အချဉ်ပွဲ တွေ ပုလင်း တွေ တော့ မပါတော့ဘူး မမြင်အောင် ဖွက်ထားတယ် ၆နာရီ က စတာ ၉နာရီခွဲ မှာ ပွဲသိမ်းတယ်......

လေးစားစွာဖြင့်
ရွှေစင်ဦး
>>>ဆက်ဖတ်ရန်>>> >>

Tuesday, August 9, 2011

ရွှေစင်ဦး ရဲ့ တောင်ရောက်မြောက်ရောက် အပိုင်း (၂)

စာရေးသူ-ရွှေစင်ဦး

ရွှေစင်ဦး ရဲ့ တခါတလေ တလုံး တခါတလေ နှစ်လုံး

အပိုင်း (၂) မှာတော့ ရွှေစင်ဦး လေး ရဲ့ တလုံးသောက် နှစ်လုံးသောက် နဲ့ စတင်ပါမယ်... တလုံးသောက် နှစ်လုံးသောက် ဆိုလို့  သန်ရာ သန်ရာ အလုံးတွေ နဲ့ မှားအုန်းမယ်နော် ....  ကျနော် ဟာ ဒီဘက် နှစ်နှစ် ... သုံးနှစ် လောက်မှာ အသက်ထောက် (အဟဲ) လာပြီဖြစ်တဲ့ အတွက် ညနေ ညနေ ဆိုရင် .. မလုပ်ချင် မကိုင်ချင် လောက်အောင် စိတ်ရောကိုယ်ရော ပင်ပန်း လာပါတယ်... ။

မြန်မာစကားပုံ လေး ကို သတိရမိပါတယ်.. အိမ်အိုတော့ ကျားကန်... လူအိုတော့ ပန်းပန် တဲ့... ပန်းပန် စရာ ဆံကေသာ က မရှိတော့ ပန်းပန် သကဲ့သို့ လန်းအောင် အင်နာဗွန်စီ လေး တော့ သောက်မှ ဆိုလို့ ချစ်ညီမ က ဝယ်ပေး ပါတယ်.. ထမင်းစားပြီး တိုင်း ချစ်ချစ်ကြီး က ဆေးလုံးလေး ကိုင်ပြီး တိုက်ပါတယ်... အင်း အတော်ဟန်ကျ နေပါတယ်... အမယ် တပတ် နှစ်ပတ်လောက် တိုက်ပြီး မေ့သွားရောဗျာ... လှည့် ကို မကြည့်တော့ ဘူး... ရွှေစင်ဦး လေး ကတော့ ဘယ်အချိန်များ လာတိုက် မလည်း လို့ တမျှော်မျှော်.... ။

အင်း တိုက်တဲ့ အချိန်သောက် မတိုက်တဲ့ အချိန်တော့ မသောက်ရတော့ဘူးလား ... သူသတိမရ ပေမဲ့ ရွှေစင်ဦး ကလည်း အင်နာဗွန်စီ လေး မှ မသောက်လိုက်ရရင် လူကမလန်းချင် ဆိုတော့ .. ငါ့ကို ဆေးမှန်မှန် တိုက်ဖို့ သတိပေးစကား ဘဲ ပြောကြားရမလား... စိတ်ကောက်ချင်ရောင် ဆောင်ပြီး... အဟင့် ဟင့် လုပ်ရမလား... အမလေး နောက်ဆုံးတော့ သူ တိုက် မှ သောက်ရတာကြလို့ ကိုယ် ဘာသာဘဲ သောက်တော့ မယ်လို့ ဆုံးဖြတ်ပြီး မှန်မှန်သောက်နေပါတယ်....။

ဒါလည်း မပြီးသေးဘူးဗျ... သူ သတိရ လာတဲ့ အချိန်ကြ ဆေးလေး ကိုင်ပြီး ရေခွက်လေး နဲ့ လာတိုက် ပြန်ရော.. သောက်ပြီးပြီ လို့ ပြောရင်လည်း လူအများရှေ့မှာ ချစ်ချစ်ကြီး များ ရှက်သွားလေ မလားဟဲ့... နောက်တခါ... ငါ မတိုက်လည်း သူ သောက်တတ်တာဘဲ ဆိုပြီး နောက်တခါ မတိုက်ရင်.... တခါတလေ မှ သတိရတဲ့ အကြင်နာလေးကို မခံယူရင် .... ငါ မိုက်ရာကြတော့မယ် ဆိုပြီး.... ဟုတ်ဟုတ် ကျေးဇူး မောင် ရေ ဆိုပြီး ... သောက်လိုက်ရပါတယ်... အင်း အဲဒါဆို ရွှေစင်ဦး ရဲ့ တခါတလေ တလုံး တခါတလေ နှစ်လုံး ဆိုတာ သဘောပေါက်ကြပြီထင်ပါတယ်နော်... (ညီမ အပျိုကြီး များ နဲ့ ညီမ အိမ်ထောင်သည် များ ပညာယူကြ ကုန်လော )... အခုတော့ ရွှေစင်ဦး လည်း ကိုကြီးကျောက် စကား နဲ့ ပြောရရင် တလုံးသောက် နှစ်လုံး သောက် နဲ့ ဖလန်းဖလန်း ထနေပါကြောင်း....။

ယာနဒါန အလှူလေးများ
ကျနော့် ရဲ့ ယာနဒါန ပိုစ့် လေး ကိုဖတ်ပြီး သဒ္ဒါတရား တွေ ယိုဖိတ်လာတဲ့ အတွက် ယာနဒါန အတွက် လှူကြတဲ့ အလှူရှင်များ ကို ရေးပြပရစေ....၊ http://kiki-idiotlove.blogspot.com ပိုင်ရှင် မကိ က ထိုင်ဝမ် ကနေ ယာနဒါန အတွက် ငွေလှူပါတယ်.. မြန်မာငွေ ကျပ်နှစ်သိန်းပါတဲ့... ရွှေစင်ဦး လည်း တော်တော်ပျော် သွားပါတယ်...... သာဓု ပါ မကိရေ.... တဆက်ထဲ ပြောရရင် ထိုင်ဝမ် က နောက် တယောက် လည်း မကိ လိုဘဲ လှူချင်ပါတယ် တဲ့ ( မကိ ကို ငွေလွှဲနည်း မေးပြီး လှူလိုက် လို့ ရတယ် နော်)... ဘယ်သူတွေ ဘာဘဲပြောပြော... ရွှေစင်ဦး တို့တော့ တရုပ် နဲ့ အကျိုးပေးပြီ.... ။


နောက်တယောက် ကတော့ ရုရှားနိုင်ငံ မှာ ပညာသင်နေတဲ့ ဆရာ တယောက် ပါဘဲတဲ့... မိသားစု ကို ယာနဒါန အကြောင်းပြောပြီး လှူခိုင်း တဲ့ အတွက် ညီဖြစ်သူ မောင်သန်းထိုက်အောင် (၂၃) ၏ မွေးနေ့ ပွဲ အတွက် အလှူငွေ ဒေါ်လာ ငါးဆယ် လာလှူပါတယ်ဗျာ.... အဲဒီလိုဘဲ http://www.latharnya.com/ ပိုင်ရှင် ညီမငယ် လသာည ကလည်း သမီးလေး ဇူးဇူး ရဲ့ မွေးနေ့ အတွက် မြန်မာငွေ တသိန်းကျပ် လှူ ပါတယ်...  ကျေးဇူး အထူးတင်ပါတယ်ဗျာ... သာဓု..သာဓု.. သာဓု ပါ...။

မကိ က ထိုင်ဝမ် ကနေ ငွေလွှဲ တော့ ပုဂ္ဂလိက ကနေ လွှဲတာဖြစ်တဲ့ အတွက် အိမ်တိုင်ယာရောက် လာပို့ဘို့ ဖုန်းဆက်လာ ပါတယ်..( မကိ လည်း  ရွှေစင်ဦး နဲ့ ဘဏ် အပိုင်း သုံး ထွက်လာမှာ စိုးရိမ် ရှာတယ် ထင်ပါတယ် )... ဒါမျိုးကြတော့ လည်း ရွှေစင်ဦး က အားနာပြန်ရော လာဘဲယူတော့ မယ်ဆိုပြီး သွားယူလိုက်ပါတယ်... အဆင်ပြေ ပါတယ်... ။

မိုးထိအောင်စည် ဆရာတော်ဘုရားကြီး နဲ့ ရွှေစင်ဦး

မကိ ရဲ့ ယာနဒါန အလှူငွေ ကို ဆရာတော် ဘုရားကြီး စီ ပေးအပ်ရင်း ဆရာတော် နဲ့ စကားနဲနဲ ပြောခဲ့ရပါတယ်.. ဘုန်းဘုန်း ဘုရား ... ယာနဒါန အသင်းကြီး ကို တည်ထောင်ဘို့ ဘယ်လို စိတ်ကူး ပေါ်လာပါလည်း ဘုရား လို့ မေးတော့... ဘုန်းဘုန်း က ... အင်း ဘုန်းဘုန်း တို့ ငယ်စဉ် က မန္တလေး မှာ ငါးနှစ် ပညာသင်ခဲ့ရတယ်... အခု စာသင်သား ဦးပဉ္ဇင်း တွေလို ဘဲပေါ့... အဲလို စာသင်သား အဖြစ် နဲ့ မြို့ထဲ ဆွမ်းခံ ထွက်ကြ တဲ့ အခါ.. အင်မတန် ဒုက္ခရောက် ပါတယ်.... ဘုန်းဘုန်း ထိုင်ကိုယ်တော် အဖြစ် ကြွ တဲ့ ဆွမ်းခံအိမ် ငါးအိမ် ရှိတယ်..... သုံး အိမ် က ----- ထဲမှာ နှစ်အိမ် က ----  ထဲမှာ ........။

ဒါဆို အဲဒီ ငါးအိမ် နဲ့ ဘုန်းဘုန်း အတွက် ဆွမ်းကွမ်း ပြည့်စုံတော်မူရဲ့လားလို့ မေးကြည့်ပါတယ်... ဘုန်းဘုန်း က ပြုံးတော်မူပါတယ်... သြ သူတော်ကောင်း များဟာ စကားကို အင်မတန် ဆင်ဆင်ချင်ချင် ပြောကြတာပါလား (ကွာပ .. ကွာပ)... ။

ဘုန်းဘုန်း.. အဲဒီ ဆွမ်းခံ အိမ် ငါးအိမ် ပြီးတာနဲ့ ကျောင်းပြန်ကြွ ရောလား.... ဘယ်ကြွနိုင်ပါ့မလည်း .. ဆေးရုံကြီး ဘက်... မင်္ဂလာဈေးဘက် .... ရုံးကြီးဘက် တွေ အကုန် ဆွမ်းလိုက်ခံရတာဘဲ.....။

ဆွမ်းခံအပြီး စာချချိန် အမှီ ကျောင်းကိုပြန်ရတဲ့ အချိန်ဟာ ဘုန်းဘုန်း တို့ ဒုက္ခ အရောက်ဆုံး အချိန် ပါဘဲ... စာသင်သား များဟာ စာချချိန် မှာ အချိန်မှီ ကျောင်းကို ရောက် မှ ရပါတယ်... အချိန်မှီ မရောက်တဲ့  အကြိမ် များသွားလို့ ကတော့ ကိုယ့် အထုပ် ကိုယ် ပြင် ပြီး... ပြန်ရပါတယ်.. ပညာသင်ခွင့် မရှိတော့ ပါဘူး .. စာချ ဆရာတော် ကြီးများ ဟာ အင်မတန် စည်းကမ်းတင်းကျပ်ပါတယ်....။

ဘုန်းဘုန်း တို့ ပညာသင် ဦးပဉ္ဇင်း များဟာ ကိုယ် စားလောက် သောက်လောက် ဖို့ ရပြီဆိုရင် ကျောင်းကို အမြန်ပြန်ရပါတယ်... အဲဒီအချိန်မှာ ဘတ်စကား များ ဟာလည်း အတော်ကျပ်နေပါပြီ..... ဒါပေမဲ့ ဖြစ်သလို ဘဲ လိုက်ရပါတယ်... ကျောင်း ကို အချိန်မှီရောက်ဘို့ အရေးကြီး တာကိုး.... ကျောင်းရောက်ရင် လည်း ချွေးသိပ်အောင် မနားနိုင်ပါဘူး... သပိတ်ထဲ ပါတဲ့ အလွယ်စားလို့ ရမဲ့ အကြော်လေး.. မုံ့လေး ကို တလုပ် တဆုပ် စား ရေသောက်ပြီး.. စာဝါချိန် အမှီလိုက်ရပါတယ်... တော်တော် ဒုက္ခကြီး တဲ့ ပညာသင် ဘဝပါ...။

နောက်ပိုင်းတော့ ဆရာတော်ကြီး များလည်း ပညာသင်များ ရဲ့ ဒုက္ခ ကို စာနာပြီး ပြန်လွှတ် တဲ့ အထိ မတင်းကျပ် တော့ပေမဲ့.... စာချချိန် ကို စာချတာဘဲ ဆိုတော့ ဦးပဉ္ဇင်း များ စာလွတ် မသွားအောင် အချိန်မှီ ပြန်ရောက်ဘို့ အရေးကြီးပါတယ်... ဒီပညာ တွေ သင်ဘို့လာတာ... စာတွေ လွတ်တာများရင် ဘုန်းဘုန်း တို့ စာဘယ်တတ်တော့ မလည်း လို့ မိန့်တော်မူပါတယ်...။

ဟိုးတချိန်က (ယာနဒါန မပေါ်ခင်) ပညာသင်ခဲ့ရတဲ့  ဘုန်းဘုန်း များကတော့ ပြောကြ ပါတယ်... တပည့်တော် တို့ တုန်းက ... ဆွမ်းခံ ကြွတဲ့ အချိန် ပြန်တဲ့အချိန် .... ဘတ်စ်ကား က တန်းတွေ ဆွဲလိုက် ရတာ လက်ဖဝါး မှာ အခုထိ အသမာ တွေ မပျောက်သေးပါဘူးဘုရား ....  ယာနဒါန ရဲ့ အကျိုး ကို တပည့်တော် တို့ မခံစားလိုက်ရပါဘူး..... အရှင်ဘုရား အခုလို ယာနဒါန အောင်မြင်အောင် လုပ်လိုက်တာ ပညာသင်ရဟန်း စာသင်သား များ အတွက် အလွန်ဘဲ ကျေးဇူးကြီးလှပါတယ် လို့ ပြောဆိုကြ ပါတယ် ....။

လေးစားစွာဖြင့်
ရွှေစင်ဦး
စာသင်သား နှင့် ဆွမ်းတစ်နပ်
သျှင်ဝိစာရ (ပေကြီး)

၂၀၀၉- ဒီဇင်ဘာ (၁၀)ရက်...
အေးချမ်းလှတဲ့ ဆောင်းနံနက်မှာ မပျက်တဲ့ဝတ္တရားတွေကို ဖြည့်ကျင့်ရင်း ထူထပ် တဲ့ အပေါ်ရုံဧကသီ ကို ရွေးကာ သင်္ကန်းရုံ လို့ ကျောင်းမှာရှိတဲ့ ဦးဇင်းလေး အရှင်နန္ဒက နဲ့ အတူ အအေးဒဏ် ကို အံတုရင်း မြို့ထဲ ကို ဆွမ်းခံဝင်လာခဲ့တယ်။ ကိုရွှေနှင်း တွေကတော့ မညှာမတာ ရက်စက်စွာ ပြောင်နေတဲ့ ဦးပြည်းကတုံး ပေါ်မှာ တဖွဲဖွဲကျလို့ နေလေရဲ့။
ရဟန်းတို့ ရဲ့ ဆွမ်းတစ်နပ်ဟာဖြင့် အေးသည်ဖြစ်စေ၊ ပူသည်ဖြစ်စေ ထီးမပါ၊ ဖိနပ်မစီး၊ ခေါင်းမြီးမခြုံ၊ အ နွေးထည် မပါ၊ စေတနာ မေတ္တာ အကျင့်သိက္ခာ နဲ့ ပဲ ကာယိက ဒုက္ခခံကာ ကြွချီ ဘုဉ်းပေးနေရတာပါ။ တခါ တခါ ကျောက်စရစ်လမ်းပေါ်မှာ ခြေဗလာ နဲ့ ကျောက်ချွန်ကျောက်ဖြုတ်တွေက စူး၊ သွေးခြေဥလို ဥ၊ ကျောက်ကြိတ်နာ ပေါက်လိုပေါက်၊ ဒုက္ခရောက်အောင် နာကျင်လှပေမယ့် မကြောက်တမ်း လျှောက်၊ ရဲ သွေးတောက်ပြီး ဆွမ်းခံထွက်ရတာပါ။

မိုးရွာပေမယ့် ထီးဆောင်း မရ၊ သပိတ်ထဲ ရေ၀င်လိုဝင်၊ ချော်လဲ၊ သပိတ်ကွဲလို့ ကွဲ၊ ကားဆိုင်ကယ်ရှောင် ရတာလည်း အမော၊ မဆင်မခြင် ကိုရွှေယာဉ် တွေကြောင့် ဗွက်စင်လို စင်။ မပျက်အစဉ် ရင်မှာသည်းခံ ပြီး၊ အရှက်အကြောက် ဘေးဖယ်ဖျောက်လို့ ထွက်ရတဲ့ ဆွမ်းခံရက်တွေကလည်း များစွာ။ ဒီကြားထဲ ဆောင်းနံနက် အနွေး ရဖို့ အေးမြလို့နေတာကို အံတုပြီး ဆွမ်းခံလမ်းတစ်လျှောက်ရဲ့အိမ်ရှေ့တွေမှာ ကြီးကြီး ငယ်ငယ် အရွယ်မရွေး ကိုယ်ကာယကျန်းမာရေးဆိုပြီး တစ်ဝှီးဝှီး တစ်ဒေါက်ဒေါက် ရိုက်နေကြ တဲ့ ကြက်တောင် သမားတွေကလည်း ဆွမ်းခံလာနေတဲ့ ကိုယ်တော်တွေကို မြင်ပါလျက်နဲ့ တွေ့မရှောင်၊ ရပ်မပေး၊ အလေး မမူ ရိုက်နေတော့ ခေါင်းမှန်လို မှန်။ သပိတ်ပေါ် ကျလိုကျ၊ ကြက်တောင်တုတ်နဲ့ ချမိလို ချမိ။ မလွယ်လှ သည် ဒုက္ခတွေပါ။

ရဟန်းပဲလေ အရာရာသည်းခံပြီး ကြွရမှာပေါ့။ ဟော .... အတွေးစတင်ပြီး ဆွမ်းခံထွက်လာလိုက်တာ လမ်း (၈ဝ) တောင် ရောက်လာပါပကော။ လမ်း (၈ဝ)က ကားရှုပ်တယ်လေ။
လမ်း ဖြတ်ဖို့ ကားအရှင်းကိုစောင့်ရင်း ကြည်နူးစရာမြင်ကွင်းလေးတစ်ခုကို တွေ့လိုက်ရတော့ ရင်ထဲမှာ သိမ့်ခနဲ နေအောင် အေးချမ်းသွားတယ်။ မှန်လုံကားကြီးတစ်စီးပေါ်မှာ သပိတ်ကိုယ်စီ ပွေ့ထားတဲ့ သံဃာ တွေ အပြည့်။ ကားနောက်မှန်မှာ ရေးထားတဲ့စာက “ယာနဒါ ဆွမ်းခံကြိုပို့ယာဉ်”တဲ့။
ထူးမြတ်လိုက် တဲ့ ကုသိုလ်ပါလား။ အနားမှာပါလာတဲ့ ညီတော်လေး အရှင်နန္ဒက ကတော့ ဘာမှသိမှာ မဟုတ်၊ သူသိအောင် ထုတ်ပြောပြီး ပွားများခိုင်းလိုက်ရသေးတယ်။

“ညီမောင်နန္ဒက အစောပိုင်းက မှန်လုံကားကြီးကို မြင်လိုက်လား”
“မြင်လိုက်တယ်လေ။ သံဃာတော်တွေ အပြည့်ပဲ။ အဲဒါ ဘာထူးလို့လဲ”
“ကားနောက်မှာ ရေးထားတဲ့စာရာ ဖတ်လိုက်မိလား”
“ယာနဒါန လို့ ရေးထားတာတော့ တွေ့လိုက်တယ်”
“အဲဒီအောက်မှာ ရေးထားတဲ့စာတော့ ညီမောင် မြင်လိုက်မှာ မဟုတ်ဘူး။ “ဆွမ်းခံအကြိုအပို့ယာဉ်”လို့ ရေးထားတယ်”
“ဒါဆိုရင် နေ့စဉ်ဆွမ်းခံတဲ့ ကိုယ်တော်တွေအတွက် သီးသန့် ဆွမ်းခံအကြိုအပို့ ကုသိုလ်ယူတဲ့ကားပေါ့”

“မှန်တာပေါ့ ညီမောင်ရာ ခက်ခက်ခဲခဲ ဆွမ်းခံကြွကြရတဲ့ သံဃာတွေအတွက် ကြုံနေရတဲ့ဒုက္ခကို ဖြေ ရှင်းပေးလိုက်တာပါပဲ။ သူများမမြင်တဲ့ဘက်ကနေ မြင်အောင်ကြည့်ပြီး ထူးထူးခြားခြားယူတဲ့ ကုသိုလ် ထူးကြီးဖြစ်တယ်။ ညီမောင်နဲ့ နောင်တော်တို့ကသာ ကားပြေးလမ်းမဟုတ်တဲ့ လမ်းကြားကနေ ဘယ် ကား မှ စီးလို့ အဆင်မသင့် တဲ့ ဆွမ်းခံအိမ်တွေကို သွားနေရတာမို့ ဒီဒုက္ခကြုံနေရသေးတယ်။ ကားလမ်း ကြောတည့်တဲ့ တောင်ပြင်ကနေ မြောက်ပြင်၊ မြောက်ပြင်ကနေ တောင်ပြင် အဝေးကြီးဆွမ်းခံနေရတဲ့ သံဃာတော်တွေ အတွက်တော့ အဆင်ပြေတာပေါ့။

အရင်ကလို ခက်ခက်ခဲခဲ လိုင်းကားပေါ်က ဈေး သည် ဈေးဝယ်၊ လူစုံတက်စုံကြားမှာ ရရာနေရာကို ဖြစ်သလို ဆွဲကိုင်၊ သပိတ်က တစ်ဖက် နဲ့ ဒုက္ခရောက် မှုတွေ အေးသွားတယ်။ လိုင်းကားက လူကြပ်လို့ မတင်တဲ့ အခါ လူချောင်တဲ့ကားကို စောင့်ရင်း ဆွမ်းခံ အိမ်နောက်ကျလို့ (၉)နာရီ (၁၀)နာရီအလုပ် ကိုယ်စီ သွားကုန်တဲ့အခါ ဆွမ်းမရတဲ့ ဒုက္ခ၊ အပြန်မှာ လိုင်း ကားက ဟိုရပ် ဒီရပ် အချိန်ကြာစွာနားနေလို့ စာဝါမမီတဲ့ ဒုက္ခ၊ (၁၂)နာရီကျော်မှာ ကျောင်းပြန်ရောက် တဲ့ အဖြစ်မျိုးတွေ ဝေးသွားတာပေါ့လေ”

“အချိန်မှန်မှန် ဆွမ်းခံအိမ်ဝင်နိုင်တယ်။ သံဃာတော်တွေကြီးပဲဆိုတော့ အကုသိုလ်လည်း သိပ်မ၀င် တော့ဘူး။ ဥပမာ လိုင်းကားစီးတယ်ဆိုရင် ကားစပယ်ယာက ဆွမ်းခံကိုယ်တော်မြင်တာနဲ့ ခေါင်မိုးပေါ် ထိုးတင် လို့ သင်္ကန်းထိန်းရတာ တစ်မျိုး၊ သပိတ်ကိုင်ရတာ တစ်ဖုံ၊ ပြုတ်မကျအောင် ကိုင်ရတာက   တစ်သီ၊ လေအရှိန်ကြောင့် သင်္ကန်းလန်လို လန်ဖြစ်ကုန်တော့ ဒေါသထွက်ပြီး အကုသိုလ်ဖြစ်စေတာ။ မိန်းကလေး သော ဘာသောမခွဲခြားဘဲ ရတဲ့နေရာမှာ ဖြစ်သလိုထိုင်လို့စီးရတဲ့အခါ ရဟန်းနဲ့ မိန်းကလေး အခန့်မသင့် လို့ဖြစ်တဲ့ အကုသိုလ်တွေ ကင်းသွားတယ်။ ကျောင်းအပြန်နောက်မကျလို့ စာဝါလည်း နောက်မကျ တော့ဘူးပေါ့။ ဒါတွေက ကိုယ်တိုင်ကြုံဖူးထားတော့ သိနေတယ်လေ။ ဒါကြောင့် ဒီလို ဆွမ်းခံ အကြိုအပို့ သီးသန့် ကုသိုလ်ဖြစ်ကားတွေ ပေါ်ပေါက်ကုသိုလ်ယူလာကြတာ ၀မ်းသာလို့မဆုံးဖြစ်ရ တယ်”

“ဒီကားတွေ ဘယ်သူက စီစဉ်ပြီး ကုသိုလ်ယူတာလဲ”
“ညီမောင် မကြုံဖူးတော့သိမှမဟုတ်ဘူး။ ကားခေါင်းရှေ့မှန်ကစာကို ဖတ်လိုက်ရရင်လည်း သိလိမ့်မယ်။ ဒီဒါန က သာမာန်ဒကာ ဒကာမအလှူရှင်တွေ မဟုတ်ဘူး။ ညီမောင်တို့လို အလှူခံပုဂ္ဂိုလ်ကနေ အလှူ ရှင် အဖြစ် ပြုလုပ်နေတဲ့ ထူးမြတ်တဲ့ကုသိုလ်ရှင်ပေါ့”“ဒါဖြင့်ရင် ဒီကားတွရဲ့အလှူရှင်က ရဟန်းထဲက ပေါ့နော်”
“ဟုတ်တာပေါ့ ညီမောင်ရာ။

ဒီကားတွေအလှူရှင်ဟာ “တံခွန်တိုင်ဈေးနားက မိုးထိအောင်စည် သာသနာ့ ရိပ်သာဆရာတော်ကြီး” ပေါ့။ ဆရာတော်ကြီးရဲ့စေတနာ သဒ္ဓါတရားက အင်မတန် အတုယူထိုက်တယ်။ သာသနာအတွက် လိုအပ်တာ ကို ကြည့်ပြီးလှူတတ်တယ်။ စာသင်သားသံဃာတွေကို ကြုံသလို ထောက်ပံ့တယ်။ ဆွမ်းခံသံဃာ တွေရဲ့ ဒုက္ခ ကို ဖြေရှင်းပေးတယ်”

“ဒီလိုအပ်ချက်တွေကို လူတွေမြင်ဖို့ ခဲယဉ်းတယ်။ ကိုယ်တိုင်တွေ့ကြုံဖူးတဲ့ ဆရာတော်ကြီးကတော့ မြင်တယ်။ မြင်တဲ့အတိုင်း သာသနာပြုတဲ့နေရာမှာ လိုအပ်တဲ့အားနည်းချက် ကို ဖြည့်ဆည်းနိုင်ခဲ့တယ်”
“နေ့စဉ်ဆွမ်းခံသံဃာတွေရဲ့ ဒုက္ခ၊ စာသင်သားသံဃာတွေရဲ့ ဒုက္ခကို ရဟန်းသံဃာတိုင်း မြင်ကြသိကြ တယ်။ ဒါပေမဲ့ ဒီဒုက္ခ ကို ဖြေရှင်းပေးဖို့အထိ အင်အားလာဘ်လာဘ မရှိကြလို့ မဖြေရှင်းနိုင်ကြဘူး။ အချို့ ကျောင်းထိုင်ဘုန်းကြီး တွေ ဓမ္မကထိကတွေ ကျပြန်တော့ တတ်လည်းတတ်နိုင်တယ်။ လာဘ်လာဘ လည်း ပေါများ ပေမယ့် ဒီလိုဖြည့်ဆည်းဖို့ သဒ္ဓါတရားမရှိကြဘူး။ ယူဖို့သာသိပြီး လှူဖို့မသိကြဘူးပေါ့။ တကယ် တော့ သံဃာ ဆိုတာ အလှူခံပုဂ္ဂိုလ်သက်သက် မဟုတ်ဘူး”

“ကိုယ်ကတတ်နိုင်ရင် အလှူရှင်အဖြစ်လည်း ခံယူကြရတာပဲ။ ဒါမှလည်း နိဗ္ဗာန်မရသေးခင် ဖြစ်လေရာ ဘ၀တိုင်း မှာ စည်းစိမ်ဥစ္စာ အခြွေအရံလာဘ်လာဘ ပေါများမှာပေါ့။ ဒါကြောင့် ရဟန်းတွေဟာ သူများ လှူတာ ကို ယူတတ်သလို ကိုယ်ကလည်း ပြန်ပြီးလှူတတ်ရတယ် ညီမောင်ရေ”
“မိုးထိအောင်စည် ဆရာတော်ကြီးကတော့ အလှူတတ် လို့ မြတ်တာပေါ့။ ဒီဆရာတော်လို ဆရာတော် ကြီးတွေ များများပေါ်လာရင် မန္တလေးတစ်မြို့လုံးမှာရှိတဲ့ သံဃာတော်တွေ ဆွမ်းခံတဲ့အခါ ကြုံရတဲ့ဒုက္ခ တွေ ကင်းသွားနိုင်တာပေါ့”

“လူ့အသိုင်းအ၀ိုင်းက တတ်နိုင်တဲ့ပုဂ္ဂိုလ်တွေကလည်း ဒီကုသိုလ်လေးတွေကို ယူတတ်မယ်ဆိုရင် သိပ် ကောင်းတာပေါ့။ နေ့စဉ်ရရှိနေတဲ့ အာစိဏ္ဏကံကုသိုလ်ကြီးပဲလေ။ သာသနာပြုတယ်ဆိုတာ လိုအပ်တဲ့ နေရာကိုသိပြီး လိုသလို လှူတတ်ရတယ်။ ဂုဏ်ကိုမကြည့်ရဘူး။ နာမည်ကောင်းကို မမက်မောရဘူး။ စေတနာကောင်းနဲ့အကျိုးရှိစေနိုင်တဲ့ ကုသိုလ်ကောင်းကိုသာ မက်မောရမယ်”
“ကဲ- ညီမောင်ရေ စကားပြောရင်း လျှောက်လာလိုက်တာ ဆွမ်းခံအိမ်ကိုတောင်ရောက်မှန်းမသိ ရောက် လာပြီ။ ညီမောင်ရဲ့ဆွမ်းခံအိမ်တွေဆီ ကြွပေတော့။ နောင်တော်လည်း ဆွမ်းခံအိမ်ကို ကြွလိုက်ဦးမယ်။ ပြောစရာရှိတာ ကျောင်းရောက်မှ ပြန်ပြောကြတာပေါ့”
ဆွမ်းခံအိမ် တစ်အိမ်ဝင်တစ်အိမ်ထွက်နဲ့ ဆွမ်းခံအိမ်တွေသာကုန်သွားလည်း အတွေးကမပျောက်သေး။ “ငါလည်း သာသနာတော်နဲ့ လူတွေကို ဘယ်နေရာ ဘယ်ဌာနကနေ ပြန်အကျိုးပြုပေးနိုင်မလဲ။ ဘာ တွေ လှူနိုင် သလဲ”

လာလမ်းအတိုင်း ပြန်လျှောက်လာခဲ့ရပါပြီ။ ကျောင်းနဲ့ဆွမ်းခံအိမ် အမြန်လျှောက်ခဲ့ရင် နာရီဝက်၊ အနှေး လျှောက်ရင် (၄၅)မိနစ်တော့ လျှောက်ရပါတယ်။ လျှောက်ရတာက ကိစ္စမရှိ၊ (၇၈)လမ်းမကြီးကို ဖြတ် ကူးရတာက သည်းထိပ်ရင်ဖိုစရာပါ။ သတိမမူရင် စက်ဘီးဆိုင်ကယ်တွေက လမ်းကူးဖို့ လမ်းဘေးမှာ ရပ်နေတာတောင် အခန့်မသင့်ရင် အောင်းချင်အောင်းတာဆိုတော့ သတိတော်တော်ထားရတယ်။
ဆွမ်းခံပြန်ချိန်က (၉)နာရီ၊ လူတွေအလုပ်သွားချိန်မို့ မြစ်ရေတွေ အဆက်မပြတ်စီးနေသလိုပါပဲ။ ပြေးနေ တဲ့ဆိုင်ကယ်တွေ၊ ကားတွေ၊ စက်ဘီးတွေက မဆုံးနိုင်တော့ဘူး။ တစ်လောက အသိဦးဇင်းတစ်ပါးဆို ရင် ကိုယ့်ရှေ့တင် ဆိုက်ကယ်တိုက် လို့ သပိတ်လွတ်ကျ၊ ၀တ်ခွက်တွေက လမ်းပေါ်လိမ့်ပြေး၊ ဆွမ်းတွေ က ဖွေးနေအောင် ပြန့်ကြဲသွားတယ်။ တော်သေးတာပေါ့။ လူက တိမ်းလိုက်နိုင်ပြီး လက်ထဲကသပိတ် တိုက်မိ သွားတာပါ။ နို့မဟုတ်ရင် ပျံလွန်တော်မူမလားပဲ။

ခုတော့ မိုးထိအောင်စည် ဆရာတော်ကြီးရဲ့ယာနဒါန အလှူကြီးကြောင့် ဒီလိုလမ်းအကူးတွေမှာ ကြုံရ တဲ့ ဒုက္ခတွေ အေးသင့်သလောက် အေးသွားတယ်။ ကိုယ့်မှတ်တိုင်ရောက်မှ အေးအေးဆေးဆေး ဆင်း သွားရုံပဲ။
လမ်းလေး နည်းနည်းရှင်းသွားလို့ ကူးမယ်ကြံပြီး ခြေလှမ်းလေးလှမ်းကာရှိသေး ဆိုင်ကယ်တစ်စီးက ရှေ့ထိုးရပ်လိုက်တယ်။ စိတ်ထဲမှာ တော်တော်ရှုပ်တဲ့ဆိုင်ကယ်လို့ ထင်လိုက်သေးတယ်။ ဆိုက်ကယ်ကို ရှောင်ပြီး သွားဖို့အပြင်
“ဦးဇင်း ဘယ်ကြွမလို့လဲ ဘုရား”
“ပေါင်းလဲတိုက် က မင်းမာအေးကျောင်း ကို ကြွမယ် ဒကာကြီး”
“ဘယ်လမ်းမှာလဲ ဘုရား” “လမ်း ၄၀၊ ၈၃ × ၈၄ ကြားမှာ”

“ဒါဆိုရင် ဆိုက်ကယ်ပေါ်တက်ပါ ဘုရား”
“ဟာ ဒကာကြီးကလည်း အားနာစရာ၊ အလုပ်နောက်ကျနေပါဦးမယ်၊ ဦးဇင်းက ဒီလမ်းနေ့တိုင်းကြွနေ ကျ ကိစ္စ မရှိပါဘူး”
“တပည့်တော် ဘာအလုပ်မှမရှိပါဘူး ဘုရား၊ သက်သက် ယာနဒါန လုပ်နေတာ နေ့တိုင်းပါပဲ ဘုရား”
“ဒီလိုဆိုရင် ကြွရတာပေါ့ ဒကာကြီး”

စာရေးသူလည်း ယာနဒါနအကြောင်း စဉ်းစားရင်းမှ ထူးဆန်းစွာ ယာနဒါနနဲ့တွေ့နေ၍ အံ့သြဘနန်း တော့ ဖြစ်မိတယ်။ ယာနလှူသူဒကာကြီးရဲ့ပြောစကားကို ကြားရတော့ ပိုပြီးအံ့သြရပြန်ပါတယ်။
“တပည့်တော် က နေ့စဉ် ယာနဒါနအလှူတော်ကြီးကို ပေးလှူခဲ့တာ (၄)လပြည့်တော့မယ် ဘုရား။ နံနက်လင်းကနေ (၁၀)နာရီလောက်ထိ လှူတာ။ လူတိုင်း မလှူနိုင်တဲ့အလှူ၊ လိုတဲ့ဘက်ကနေ လှူဒါန်း ရတာပါ ဘုရား။

ဆီဖိုးကုန်တာထက် လူပါ အချိန်ပေးပြီး လုပ်ရလို့ လူတိုင်းမလှူနိုင်ပါ ဘုရား။ တပည့် တော်ကတော့ ဒီမွန်မြတ် တဲ့ အလှူကို နေ့စဉ်လှူမယ်လို့ ဆုံးဖြတ်ထားတယ် ဘုရား”
“ကောင်းတာပေါ့ ဒကာကြီးရာ။ တိုက်ဆိုင်မှုလို့ ဆိုရမလားပဲ။ အခုတင် ဦးဇင်းလည်း မိုးထိအေင်စည် ဆရာတော်ကြီး ရဲ့ ဆွမ်းခံအကြိုအပို့ ယာဉ်အလှူ အကြောင်းတွေးနေတာ၊ မှန်လုံကား (၃)စီးလောက် တော့ ရှိမယ်နဲ့ တူတယ်”

“(၃)စီး မကဘူးဘုရား။ (၆)စီးဖြစ်သွားပြီ (အခု ၁၃ စီး ဖြစ်သွားပါပြီ... ဒါပေမဲ့ ကားလည်း လိုအပ်နေသလို နေ့စဉ် ဆီလည်းလိုအပ်ပါတယ်) (ပုံ ရွှေစင်ဦး) ကားသမားနဲ့ ကားစပယ်ယာကို လစာ ကောင်းကောင်း ပေးပြီး ငှားထားရတယ်၊ ဆရာတော်ဟာ အတော်တော်တဲ့ ဆရာတော်ပါ ဘုရား။ တပည့်တော် အခုလို နေ့စဉ် ယာနဒါနလုပ်ဖြစ်သွားတာလည်း ဆရာတော်ကြီးရဲ့တိုက်တွန်းမှုကြောင့်ပါပဲ။ တပည့်တော်က ကျွဲဆည်ကန် မှာ နေပါတယ်။ ဆရာတော့ကျောင်းကို မကြာမကြာရောက်ဖြစ်ပါတယ်။ ဆရာဒကာရင်း တွေ ဆို တော့ ပွင့်ပွင့်လင်းလင်း သြ၀ါဒပေးလေ့ရှိပါတယ်”

“ဆရာတော်ကြီးက သာသနာကို လိုအပ်တဲ့ဘက်ကနေ ပြုသင့်တဲ့အကြောင်း၊ ဆွမ်းခံသံဃာတွေရဲ့ ဒုက္ခ၊ ယာနဒါန လှူသူရှိရင် အဆင်ပြေနိုင်တဲ့အကြောင်းကို မိန့်တယ် ဘုရား၊ လိုင်းကားဆိုတာက သပိတ်ပါရင် သိပ်တင်ချင်တာမဟုတ်ဘူး ဘုရား၊ စီးပွားရေးသမားဆိုတာ ငွေကိုပဲ ကြည့်တာ၊ ဒါကြောင့် ဆရာတော်ကြီး က ယာဉ်ကို သူကိုင်တိုင်လည်း လှူသလို၊ ဒကာဒကာမတွေကိုလည်း တိုက်တွန်းတာ၊ တပည့်တော် တို့ ကတော့ ဆိုင်ကယ်ပဲရှိတော့ ဆိုင်ကယ်နဲ့ပေါ့ ဘုရား၊ အချို့ ကားမပြေးတဲ့လမ်းတွေ ဆွမ်းခံကြွရတဲ့ သံဃာတွေ ကျတော့ ဒီလိုဆိုင်ကယ်ဒါနတွေရှိမှ အဆင်ပြေမှာ၊ ကားဆိုတာကတော့ ပြေးလမ်း တစ်လျှောက် လောက်ပဲ၊ အကြိုအကြား တွေတော့ ပြေးဆွဲမပေးနိုင်ဘူးလေ ဘုရား”

“ဟုတ်တာပေါ့ ဒကာကြီးရာ။ အခု ဦးဇင်းတို့တောင် ဘယ်လိုင်းမှမပြေးတဲ့ ဟိုမနီးဒီမနီးအရှေ့အနောက် လမ်းကြီးကို ကြွနေရတော့ ဒကာကြီးတို့လို ဆိုင်ကယ်တွေအကြိုအပို့ လှူသူရှိမှ အဆင်ပြေမှာပေါ့”
“မှန်ပါ့ တပည့်တော်ကတော့ နေ့စဉ်လမ်းပေးမှာ ဆိုင်ကယ်စီးနေရင်းတွေတဲ့ သံဃာကို လိုရာလိုက်ပို့ တယ်။ အရှင်ဘုရားနဲ့လည်း နောက်ဆုံနိုင်ပါသေးတယ် ဘုရား”
“သြော် ဒါနဲ့ ဒကာကြီး မိုးထိအောင်စည်ကားက သီလရှင်တွေကိုလည်း ဆွမ်းဆန်အလှူခံ ပို့တယ်နဲ့တူ တယ်နော်။ အဖိတ်နေ့ညနေက ကားနဲ့အပြည့် သီလရှင်တွေကို တွေ့လိုက်ရတယ်”
“မှန်ပါ သီလရှင်တွေကိုလည်း ပို့ပေးပါတယ် ဘုရား”

“ဒါဆို သိပ်ကောင်းတာပေါ့၊ သီလရှင်တွေ အလှူခံလို့ရတဲ့ ၀တ္ထုငွေဟာ လိုင်းကားကို တစ်ဝက်ပေးနေရ တယ်။ အခုတော့ ရတဲ့ လာဘ်လာဘကို ရာခိုင်နှုန်းပြည့် အသုံးပြုခွင့်ရကြတာပေါ့။ ဒကာကြီးလည်း ဒီ အလှူကို အမြဲတမ်းပေးလှူနိုင်အောင် ကြိုးစားပါ။ ဦးဇင်း အားပေးပါတယ်။ ၀မ်းလည်းသာပါတယ်”
“မှန်ပါ ဆုံးဖြတ်ထားပါတယ် ဘုရား”

“ဟိုရှေ့ မုခ်ပေါက် က ဦးဇင်းတို့ကျောင်းပေါက်ပဲ ဒကာကြီး အဲဒီမှာရပ်လိုက်”
“တပည့်တော် နေ့စဉ်ခံစားရတဲ့ပီတိဟာ ဒါပဲဘုရား။ ဆွမ်းခံသံဃာတွေ ကျောင်းထိ တပည့်တော်ဆိုင် ကယ်နဲ့ ပို့လိုက်ရလို့ ခြေလျင်ကြွရတဲ့ အချိန်ထက်စောပြီး ကျောင်းကိုပြန်ရောက်၊ ဆိုက်ကယ်ပေါ်က ဆင်းပြီး ကျောင်းထဲကိုကြွသွားတဲ့ မြင်ကွင်းလေးပါပဲ ဘုရား”
“ဒကာကြီး ကျန်းမာချမ်းသာ၊ ဘေးရန်ကွာပြီး သာသနာပြုနိုင်ပါစေ”

သျှင်ဝိစာရ (ပေကြီး)
မေတ္တာရှင် ဘာသာယဉ်ကျေးမှု့ မဂ္ဂဇင်း
.
ယာနဒါန အတွက် လှူချင်ကြတယ်ဆိုရင်

မိုးထိအောင်စည် သာသနာ့ရိပ်သာ
တံခွန်တိုင်ရပ်ကွက်
ပ.လ.က ပေါက်၊ ပြည်ကြီးတံခွန်မြို့နယ်။ ဖုန်း-09-2022330၊ 02-5154867၊ 09-91013858
>>>ဆက်ဖတ်ရန်>>> >>

ရွှေစင်ဦး ရဲ့ တောင်ရောက်မြောက်ရောက် အပိုင်း (၁)

စာရေးသူ-ရွှေစင်ဦး

အခုရက်ပိုင်း မှာ အလုပ် မရှိ လို့ လေထဲ တိုက်ဆောက်ဖို့ ပြင်နေတဲ့ ရွှေစင်ဦး တယောက် ရောက်တတ် ရာရာ လေးများ ကို ပြောပါမယ်ဗျာ.......

အမှန်တော့ ဒီကဏ္ဍကို တောရောက်တောင်ရောက် လို့ နံမည် ပေးမလို့ပါဘဲ... ဒါပေမဲ့ ကျနော် ဟိုရောက် ဒီရောက် လျှောက်သွားတော့ ဘာ...တော မှ မယ်မယ်ရရ မတွေ့ ခဲ့လို့ ... တော မရောက် မဲ့ အတူတူ ရောက်ချင်ရာရောက် မဲ့ တောင်ရောက်မြောက်ရောက်.... လို့ဘဲ နံမည် ပေးဘို့ ဆုံးဖြတ်လိုက် ရပါ တယ်.......

အားလုံး ကျေးဇူးပါ.. ကြုံခဲ့ရ သမျှ အမှတ်တရ လေးတွေ ကို ဟိုရောက်ဒီရောက် ရေးမဲ့ တောင်ရောက် မြောက်ရောက် ကဏ္ဍအသစ် ကလေးပါ.........
ဝက်စတူး နဲ့ လွဲခဲ့ရ ရွှေစင်ဦးဘဝ

အခုတလော ချစ်ညီမ နဲ့ အတူ ဈေးပေါင်းစုံ လျှောက်သွားဖြစ်ပါတယ်... မန္တလေးမြို့ မှာ ရှိတဲ့ ဈေးပေါင်းစုံ ပေါ့... ဈေးပေါင်းစုံ ကနေ ဈေးလည်းပေါ ရမယ် ကောင်းလည်း ကောင်းရမယ် ဆိုတာကို ရှာဖွေဝယ်ယူပြီး ချက်ပြုတ် စားသောက် နေကြပါတယ်....။

တနေ့တော့ ငါးဝယ်နေ ရင်း ကပ်ရက်ဆိုင် (ဗန်းလေး နဲ့ ချရောင်း တဲ့ ဝက်သားဆိုင်) မှာ ဝက်စတူး လုပ်လို့ ကောင်းမယ့် ပေါင်သား ကောင်းကောင်းတွေ့တာနဲ့... ၂ပိုင်း ပိုင်းခိုင်းပြီး ဝယ်လာပါတယ်... အိမ် ရောက် တော့ ငံပြာရည် .. ကြာညို့.. ဂျင်း ကြက်သွန်ဖြူ နီ တို့ နဲ့ နယ်ပြီး သေချာပြုတ်ထားလိုက်ပါတယ်.. ညနေစာ အတွက် ဆိုတော့ အေးဆေးပေါ့... ။

တော်တော်ကြီးနူးပြီး ဆိုမှ မီးပိတ်ထားပြီး .. ညနေမှ အပြီးသတ်မယ်ပေါ့ ကန်စွန်းညွှန့်လေး မှိုခြောက် ပန်းခြောက် လေး ခတ်မယ်ဆိုပြီး အဆင်သင့်ပြင်ထားပါတယ်... ညနေရောက်လို့ ပြန်ချက်မယ်ပြင်တော့ ဝက်စတူးအိုး က ရေပေါလော နဲ့ အတုံး သေး လေးတွေ အစီအရီ တုံး ထားလို့ အငွေ့ တထောင်းထောင်း နဲ့... စိတ်ထဲလည်း ထောင်းကနဲ ဘဲ ... ငါ့ ဝက်စတူး အိုး ဘယ်သူလျှောက်လုပ်ထားလည်း လို့ ပြောတော့ ဒေါ်စည်းစိမ်ရှင် ပါတဲ့ ဗျာ....။

အင်း ဒေါသလေး နဲနဲ လျှော့ပြီး အကျိုးအကြောင်း မေးတော့ စားရလွယ်ကူအောင် သေချာတုံး ထားပေးတာတဲ့... အင်း ပျက်ပါပြီ ဝက်စတူး တော့လို့ပြောတော့ စေတနာ နဲ့ လည်း လုပ်ပေးထားရသေး တယ်တဲ့.... အင်း မပြောတော့ပါဘူး.................။

ဟိုးတခေါက်က လည်း ဧည့်သည်ကျွေးမယ်ဆိုပြီး .ဝက်စတူး လုပ်လို့ရမဲ့ ပေါင်သားတွေ ... ချိန်ခိုင်း ထားပြီး တခြားဆိုင် မှာ ခဏလေး ဝယ်ပြီး ပြန်လှည့် လာတော့ ...  မမ က ဝက်စတူးလုပ်မဲ့ အသား တွေ ကို အတုံး တွေ တုံးခိုင်း ထားပြီဗျာ... စိတ်တိုလိုက်တာ.......... အဲဒါ နောက်ထပ်ပြန်ဝယ်ပြီးမှ ပြန် ရောချက် ရတယ်.... အခုလည်း လုပ်ပြန်ပြီ... မေ့သွားလို့တဲ့.....။

အင်း ဒါလေးကလည်း စိတ်ထဲ ခံစားရလို့ ရေးလိုက်ပါတယ်.......
ဂွင် ဘဲတဲ့

ဝါဆိုလပြည့် နေ့ က ချစ်ညီမ စည်းစိမ်ရှင် ရဲ့မွေးနေ့ဘဲ .... တခုခု ကျွေးချင်တယ် တဲ့..... ကိုယ့်ဆိုင်က ကလေး တွေ ကို ဘဲပေါ့... အားလုံး မေးကြည့်တော့ ဆရာမ ရဲ့ ဘလော့ဂါ တွေ ကို ကျွေးတဲ့ အတိုင်း ကျွေးပါ ဆိုလို့... အင်း ချက်ပြုတ်ကျွေးရပါတယ်... ညီမ လသာည ကို လည်း ဖိတ်မယ် တဲ့ စည်းစိမ်ရှင် အလိုကျ လသာည ကြွချီလာပါတယ်...  ပျော်ပျော်ရွှင်ရွှင် စားသောက်ကြပါတယ်..။
အားလုံး ကို ကောင်းကောင်းမွန်မွန် ကျွေးလိုက်ရလို့ စိတ်ချမ်းသာ နေတုန်း ရှိသေး.. လသာည က ထ အော်ပါတော့တယ်.. ဖုန်းတလုံး မရှိတော့ဘူးတဲ့... အင်း မြန်မာပြည် မှာ လက်ကိုင်ဖုန်း၂လုံး ကိုင်သော လသာည ......  ဒုက္ခ နဲ့ လလ အဲ လှလှ တွေ့ပြီပေါ့...... ပျောက်တဲ့ ဖုန်း ဆက်ကြည့်တော့ မေမြို့ ရောက်နေ ပါတယ် တဲ့ ... အမျိုးသမီး အသံဘဲ.. သူ့မောင်လေး တွေ ကောက်ရလာပါတယ် တဲ့... ဂွင်ဘဲလို့ ပြောတယ်တဲ့.. ပိုက်ဆံ တောင်းမယ်တဲ့... အင်း လူတွေ လူတွေ သူများပစ္စည်း နဲ့ ဂွင်တည့် ဘို့ ပြင် နေပါတယ် ...........။

လသာည က ပိုက်ဆံလည်း ပေးပါမယ်...  အရေးကြီးတဲ့ ဖုန်းလာစရာရှိလို့ အခုပြန်လာပေးပါ ဆိုတော့ ဖုန်းချ လိုက်တယ်... ဒါနဲ့ မမ လုပ်ပါအုန်း ဆိုတော့ အဲဒီဖုန်း ပြန်ခေါ်ပြီး ပြောတော့ သူ့မောင်လေး တွေ မရှိဘူးတဲ့ .. အခုလည်း မန္တလေး မလာနိုင်ဘူး တဲ့.... ကျနော်တို့ လာယူမယ် ဆိုတော့လည်း ဖုန်းချပစ်ပါတယ်... ဒါနဲ့ သြ မဟုတ်တာလုပ်မဲ့ သူတွေ ဆိုတော့ ဘယ် သူတို့ နေရာပြောပါ့မလည်း... အင်း ငါကို က အ တာ ဆိုပြီး ကျနော် တို့ နေရာပြောပြီး ပြန်ချိန်းရပါတယ်... နက်ဖြန် ဖုန်းဆက် လိုက်မယ် တဲ့... အင်း နက်ဖြန်လည်း ရွှေစင်ဦး က ခရီးထွက်စရာ ရှိတယ်...လ လည်း မသာ နိုင်တော့ဘူး...။

ဒါနဲ့ သွားစရာရှိတာ သွားမယ်ဆိုပြီး.. ဆိုင်က ကလေး တွေ သေချာမှာ.. လသာည ကို သေချာမှာပြီး နောက်ဆံ တငင်ငင် နဲ့ သွားရပါတယ်... နောက်ဆုံးတော့ ပွဲပြီးသွားပါတယ်.. မြန်မာငွေ ကျပ်ငါးသောင်း နဲ့ ဈေးတည့် သွားကြပါတယ်တဲ့... ဒါလည်း လမ်းဘေး တနေရာ မှာ ချိန်းပြီး စကားပြောရပါတယ်တဲ့.... ငါးသောင်း ပေးတော့ ဖုန်းပြန်ရလာပါတယ် တဲ့.. နောက်နေ့ ကျနော် တို့ ပြန်ရောက်တဲ့ အချိန်မှာတော့ မြန်မာပြည် မှာ လမသာ နိုင်တော့ တဲ့ လသာည က တော်တော် တရားကျ နေတဲ့ အသံနဲ့ ဖုန်းပြန်ရပေမဲ့ ဖုန်းပျက်နေကြောင်း ... ပြောပြပါတယ်... အင်း ဖုန်းပျက်ရင် ပြင်တာပေါ့ ဆိုပြီး ပြင်လိုက်တာ မြန်မာ ကျပ်ငွေ ငါးထောင် နဲ့ ပွဲပြီးသွားတယ်... စုစုပေါင်း ငါးသောင်းငါးထောင် ကုန်သွားပါတယ်....။

လူတွေ လူတွေ သူများပစ္စည်း ကို မက်မော လိုက်ကျတာ ... ဂွင်ဘဲတဲ့ ... တကယ်ကို တရားကျစရာ ပါဘဲ....။
ရန်ကင်းတောင် ဥယျာဉ်ကျောင်း ဆရာတော် ဘုရားကြီး နဲ့ ရွှေစင်ဦး

ချစ်ညီမ စည်းစိမ်ရှင် က မိုးထိအောင်စည် က ဆရာလေး နှစ်ပါး ကို အင်္ဂလိပ်စာ သင်ပေးပါတယ်... တပါး ကို သင်တာတော့ ငါးနှစ်ရှိပါပြီ.. အဲဒီ ဆရာလေး က ရန်ကင်းတောင် သဒ္ဓမာမက အသင်းကြီး   က စစ်တဲ့ စာမေးပွဲ ကို ဖြေတာ ဖြစ်တဲ့ အတွက် ကျနော် တို့ တတွေ မကြာခဏ ဥယျာဉ်ကျောင်း စာသင်တိုက် ဆရာတော်ဘုရား ထံ စာအုပ်သွားတောင်းတာ တို့  မေးခွန်းဟောင်း သွားတောင်းတာ တို့ ကို လုပ်ရပါ တယ်... ။

အချင်းချင်း ပြန်ကြွားရရင် ချစ်ညီမ သင်တဲ့ ဆရာလေး (ဓမ္မစရိယ အောင်ပြီးသား) ဟာ နှစ်စဉ် အင်္ဂလိပ်စာ  အမှတ်အများ ဆုံးရပြီး  ဂုဏ်ထူးနဲ့အောင်ပါတယ်... အင်း ကြွားတာများ သွားတော့ လိုရင်း ဘယ်ပျောက် သွား ပါလိမ့်... အဲ.. အဲလိုသွားကြရင်း ဆရာတော် နဲ့ စကားစမြီ ပြောကြတာလေး တွေ ပြန်ပြော ချင်ပါတယ်.....။

ဥယျာဉ်ကျောင်း ဟာ သံဃာပေါင်း များစွာ ကို စာသင်ပေးနေတဲ့ စာသင်တိုက်ကြီးပါဘဲ... ကျနော် တို့ သွားတိုင်း စာကို စိတ်ပါလက်ပါ ကျက်နေကြတဲ့ ဦးပဉ္ဇင်း များ...  ကိုရင် များ ကို သာသနာ အတွက် အားရှိစရာ.. တွေ့ရပါတယ်... စာသင်သား အပါးပေါင်း ရာနဲ့ချီ ရှိမယ်ထင်ပါတယ်... (ဆရာတော် က လေးရာ ဝန်းကျင် ရှိပါတယ် တဲ့)။

ဘုန်းဘုန်း နဲ့ စကားစပ်မိရင်း ဘုန်းဘုန်း ဟာ ဗုဒ္ဓသာသနာ ကျယ်ပြန့်စေဘို့ အင်္ဂလိပ်ဘာသာ စကားကို မန္တလေးမြို့ စာချတိုက် များမှာ ပထမဆုံး ပို့ချတဲ့ ဆရာတော် ဖြစ်နေတာ ကို တွေ့ရပါတယ်... ဆရာတော် အင်္ဂလိပ်စာ သင်ပေးတော့ အားလုံး နီးပါး က မကြိုက်ကြပါဘူး တဲ့... ဘုရား တရား နဲ့ အင်္ဂလိပ်စာ မသက်ဆိုင်ဘူး ပေါ့လေ.. အင်္ဂလိပ်စာ တတ်ရင် ဘုန်းကြီး တွေ လူထွက်ကုန်မယ်ပေါ့..... ဘုန်းဘုန်း ရဲ့ ဆရာဘုန်းကြီး တပါး ကိုယ်တိုင် ဆုံးမ စကားလာပြောပါတယ် တဲ့... ဘုန်းဘုန်း ဟာ အခက်အခဲ မျိုးစုံ ကြားကနေ သာသနာ ကျယ်ပြန့်စေဘို့ မန္တလေးမြို့ စာသင်တိုက် များမှာ ပထမဆုံး အင်္ဂလိပ်စာ စကား ကို မဖြစ်မနေ သင်ပေးခဲ့ပါတယ်....။

အခုတော့ အားလုံး နီးပါး နားလည် သွားကြပါပြီလို့ ပြောရင်း ရင်ဆိုင် ခဲ့ရတဲ့ အခက်အခဲတွေ ပြောပြ တာပါ... ဒီလို ပြောပြရင်း အင်တာနက် မှာ  ကျယ်ကျယ် ပြန့်ပြန့်တင်ထားနိုင်ပြီ  ဖြစ်တဲ့ စစ်ကိုင်း တောင်ရိုး ဆွမ်းလောင်းသင်း အကြောင်း ပြောဖြစ် သလို... ယာနဒါန အလှူလေး အကြောင်းလည်း ပြောဖြစ်ပါတယ် ..... ဆရာတော် က လည်း မန္တလေး မြို့ မှာ ကိုယ်တိုင် ပညာသင် လာတာ ဖြစ်တဲ့ အတွက် သံဃာတွေ အခက်အခဲ ကို နားလည်တယ်တဲ့... သူ လည်း ယာနဒါန ကားတွေ နဲ့ သံဃာ တွေကို ကြိုပို့ ပေးနေတာ တွေ့မြင်နေရတဲ့ အတွက် အတော်ဝမ်းသာနေပါတယ်... ယာနဒါန ကားများ ကို အောင်မြင်အောင် လုပ်ဆောင်ပေး တဲ့ .... သံဃာ တွေ အတွက် လိုအပ်ချက် ကို ဖြည့်စီး ပေးတဲ့ မိုးထိအောင်စည် ဆရာတော် ဘုရားကြီး ကို ချီးကျူး တော်မူ ပါတယ်..... ။

အဲဒီလို ဟိုရောက်ဒီရောက် ပြောကြရင်း  ဆရာတော် က ဒို့ ဘုန်းကြီး များ နိုင်ငံခြား မှာ ပညာသွားသင်  တာ တခါ ... ပြည်တွင်း တက္ကသိုလ် မှာ ပညာသင် တာတခါ... အဲဒီလို့ သင်ရတဲ့ အခါ  ဒို့ က နှစ်ခါနာ တယ် တဲ့... ဆရာတော် ဘာကိုများ ရည်ရွယ်ပါလည်း လို့ မေးတော့ နိုင်ငံခြား မှာ ပညာသင်တဲ့ အခါ လည်း နိုင်ငံခြားသား ဖြစ်တဲ့ အတွက် ပြည်တွင်းသံဃာ များရတဲ့ အခွင့်အရေး ကိုမရဘဲ နိုင်ငံခြားသား များ အနေနဲ့ ပညာသင်ခဲ့ရသလို... ပြည်တွင်း မှာ သင်ပြန်တော့လည်း နိုင်ငံခြား သံဃာများ ကိုသာ အခွင့်အရေး ပေးတာခံရပြီး ကိုယ့်ပြည်တွင်း က သံဃာ ဘဲဆိုပြီး နိုင်ငံခြားသား သံဃာ များရတဲ့ အခွင့်အရေးကို မရပြန်ဘူးတဲ့.... ။

အင်း ဘုန်းဘုန်း ရေ ဒါတော့ မပြောနဲ့လေ မြန်မာပြည် က သံဃာ တွေ ဟာ မြန်မာပြည် က သံဃာ ဘဲပေါ့.... တခြား နိုင်ငံ က သံဃာ များ နဲ့ မတူပါဘူး ဘုရားး.... မတူပါဘူး ဘုရား လို့ ပြောခဲ့ပါတယ်.... ဘုန်းဘုန်း ကလည်း အင်း ဒို့ က မြန်မာပြည် က သံဃာ ဘဲ တဲ့ နားလည်ပါတယ် နားလည်ပါတယ် တဲ့ ...... အင်း ခင်ဗျား တို့လည်း နားလည်လား မသိ..... နားလည်လား မသိ။


လေးစားစွာဖြင့်
ရွှေစင်ဦး
အပိုင်း (၂) ဆက်ရန်

>>>ဆက်ဖတ်ရန်>>> >>

ဗိုလ်ချုပ် နဲ့ အားလုံးရဲ့ စု

ချစ်သော ဗိုလ်ချုပ်နဲ့ ချစ်သော အမေစု ရဲ့ ပုံလေးများ

၁၉၇၁ ခုနှစ် ဘူတန် တွင် မြည်းပုလေး နှင့် အတူ
သားငယ် အလက်ဇန္ဒား , ကင် တို့ နှင့် အတူ
၁၉၈၀ အင်္ဂလန် တွင် အမှတ်တရပါ
ပုံလေးများအား မေးလ်ဖြင့်ပို့ပေးသော ကိုကိုးအိမ် နှင့် မူလလင့်ပိုင်ရှင် မြန်မာသူငယ်ချင်းများ အဖွဲ့ လေး အား ကျေးဇူးအထူးတင်ပါသည်။

လေးစားစွာဖြင့်
ရွှေစင်ဦး
>>>ဆက်ဖတ်ရန်>>> >>

ဇာတိဿရဥာဏ် နဲ့ ဗိုလ်ဘလောဂ်ဂါ ကျောက်

စာရေးသူ-ရွှေစင်ဦး

ချစ်သော စာဖတ်သူများ နဲ့ ဘလော့ဂ်ဂါ ချစ်မိတ်ဆွေ များကို ငြိမ်းချမ်းရာ နယ်မြေ ကနေ ရွှေစင်ဦး ပြန် ရောက်လာပါပြီ လို့ အရင်ဆုံး နှုတ်ဆက်လိုက်ပရစေ.... ဘာမှ မကြာလိုက် ပေမဲ့.. ပါရမီ မရင့်သန် သေးသူ ရွှေစင်ဦး အတွက် တော့ အကြာကြီးပါဘဲလို့...။

ရိပ်သာ ဝင်နေဆဲ ကာလများဟာ ကျနော် ထင်တာ ထက် အေးချမ်း ခဲ့ ပါတယ်... ထိုက်သင့်သလောက် လည်း အကျိုးရှိခဲ့ပါတယ်.... ဒါန နဲ့ သီလ သာ လုပ်နိုင်ခဲ့တဲ့ ကျနော့် အတွက် ဘာဝနာ နည်းနည်း ကို လုပ်နိုင်ခဲ့ပါတယ်.. အများကြီး ကျိုးစား ရအုန်းမှာပါ... တရားရိပ်သာ အကြောင်း နဲ့ ကျနော် သိနားလည် ခဲ့တာတွေ ကို နောက်တော့ ရေးပြပါမယ်.၊ အခုတော့ အကိုကြီး ကျောက် အကြောင်း ကိုရေးပါအုန်းမယ်..။

ကိုကြီးကျောက် ရဲ့ မွေးနေ့ ၂၂ ရက် ငါးလပိုင်း မှာ ကွယ်လွန်သူ ကိုကြီးကျောက် အတွက် ရည်စူးပြီး ရိပ်သာမှာ နေ့ဆွမ်း ကပ်လှူ ခဲ့ပါတယ် ..... အမေရိကန် နိုင်ငံ မှာ ဆောက်နေတဲ့ ချမ်းမြေ့ ရိပ်သာ သိမ်ကျောင်း အတွက်လည်း လှူဒါန်းခဲ့ပါတယ်..... အားလုံး သာဓု ခေါ်နိုင်အောင်ပါ...။

ကျနော် ရိပ်သာဝင်နေတဲ့ အချိန်မှာ ကိုကြီးကျောက် ရဲ့ အမကြီး  မြင်းခြံ ကနေ ဆိုင် ကို လာလည် ပါတယ်.. ကျနော် နဲ့ တွေ့ မသွားရတဲ့ အတွက် ချစ်ညီမ (စည်းစိမ်ရှင်) ကို ကိုကြီးကျောက် အကြောင်းတွေ ပြောပြ သွားပါတယ်.. ဒီနေ့ မနက်လည်း ဖုန်းဆက်ပြီး ကိုကြီးကျောက် အကြောင်းလေး တွေ ကျနော့် ကို ပြောပြပြီး ဒီအကြောင်းလေး တွေ ကို မိတ်ဆွေ တွေ သိစေချင်တဲ့ အကြောင်း နဲ့ မိသားစု အားလုံး ဟာလည်း ဆုံးရှုံးမှု့ အတွက် ကြေကွဲ မဆုံးဖြစ်ရပါတယ် ဆိုတာ ရေးပေးစေချင်တယ် လို့ ပြောတဲ့ အတွက် ကျနော် ရေးပေးပါ မယ်ဗျာ...။

ကိုကြီးကျောက် ဟာ  အခု ဘဝ မှာ ဇာတိဿရဥာဏ် လို့ ခေါ်တဲ့ မိမိဖြစ်ခဲ့ဖူးရာ ဘ၀ကို ပြန်လည် သိစွမ်းနိုင်သော ဥာဏ် တစ်မျိုး ကို ရသူဖြစ်ပါတယ်လို့ ပြောပါတယ်... ကိုကြီးကျောက် သိတတ်စ အရွယ်ရောက် တဲ့ အခါမှာ သူ့ ဘဝဟောင်း တွေ ကို ပြန်မှတ်မိပြီး ဘဝဟောင်း ရှိရာ အိမ်တွေ ကို လိုက်ပို့ ခိုင်းတယ် လို့ ပြောပါတယ်...။

ဘဝဟောင်း တွေ လို့ ပြောရခြင်း ဟာ နှစ်ဘဝ ပြန်လည် သတိရတဲ့ အတွက်ပါ... ပထမ ဘဝဟာ မန္တလေး မြို့မှာပါ... အဲဒီဘဝကိုလည်း အသေးစိတ်မှတ်မိပြီး အိမ်ကိုလိုက်ပို့ ခိုင်းတဲ့အတွက် လိုက်ပို့ ရတယ်လို့ ပြောပါတယ်.. ကလေး ဘဝ ၁ဝနှစ်ကျော် အရွယ်မှာ မိုးမိ လို့ ဖျားပြီး ကွယ်လွန်ခဲ့ရတယ်လို့ ပြောပါတယ်...။ ကိုကြီးကျောက် ရဲ့ အမကြီး မန္တလေး ကိုလာရခြင်းဟာလည်း အဲဒီ မန္တလေး သား ဘဝ က ကိုကြီးကျောက် ရဲ့ ညီမဖြစ်သူ အသက်၇ဝ ကျော် အရွယ် ကို ကိုကြီးကျောက် ကွယ်လွန်သွားတဲ့ သတင်း ကို လာပေးရင်း နဲ့ ကျနော့် စီကိုလည်း ဝင်လာတာ ဖြစ်ပါတယ်....။

ဒုတိယ ဘဝ ကတော့ ကျောက်မဲ မြို့ က ရှမ်းကလေး ဖြစ်ပါသတဲ့... ကျောက်မဲမြို့ က အိမ်ကို လည်း အသေးစိတ် မှတ်မိ တဲ့ အတွက် လိုက်ပို့ ရပါတယ်တဲ့... အဲဒီ ဘဝမှာလည်း ရေချိုးမှား ပြီး ဖျားလို့ ဆုံး သွားတာ ဖြစ်ပါတယ် လို့ ပြောပါတယ်.. အသက် ၁ဝ နှစ်ကျော် မှာပါဘဲ ဆုံး သွားတာပါ.....။

ရှမ်း ဘဝ ကတော့ တော်တော် နီးနီးကပ်ကပ် ဖြစ်တဲ့ အတွက် ရှမ်းမိဘ တွေ က မှတ်ပေးလိုက်တဲ့ အမှတ်ကြီး (ရှမ်းစာ နဲ့ ရေးပေးလိုက်တာ ပါ) .... ထင်ထင်ရှားရှား ပါ ပါတယ် လို့ပြောပါတယ် .. အဲဒီ အမှတ်ကြီး ပါသလို  ရှမ်းစကား တွေ ရှမ်းစာ တွေ ပါ မှတ်မိပါတယ် တဲ့.. အခုဘဝ မှာလည်း ရှမ်းအသင်းတွေ ဘာတွေ ဝင်ထားတယ် ပြောပါတယ်...။

ဒီဘဝ မှာတော့ ဖုန်းဆက်ပြီး ပြောပြသူတွေ ရဲ့ စကားအရ နေအိမ် ရေချိုးခန်းထဲမှာ ချော်လဲ ပြီး မေ့ သွားပါတယ် တဲ့..... သတိရတဲ့ အချိန်မှာ ဆေးရုံ အရေးပေါ်ကားကို ခေါ်ပြီး သူဘာသာ တက်လိုက်သွား ပါတယ် တဲ့.. အတူနေသူ တွေက ဘာဖြစ်လို့ လည်း မေးတော့ ရတယ် ဘာမှ မဖြစ်ဘူး နေခဲ့ပါ တယောက်ထဲ ဘဲ သွားမယ်ပြောပါတယ် ...  သူမိတ်ဆွေ တွေက နောက်ကနေ ကားနဲ့ လိုက်သွား ရပါတယ်...။

ဆရာဝန် ဘာပြောလည်း လို့ မိတ်ဆွေ တွေ ကို မေးတယ်တဲ့... သူမိတ်ဆွေ တွေ က မျှော်လင့်ချက်မရှိ တော့ ဘူးဆိုတာ သိနေပေမဲ့ ၂ရက် ၃ရက်လောက်တော့ ဆေးရုံတက်ရမယ် ပြောတယ် လို့ ပြောတော့ ရီ ပါသတဲ့... သူ သိနေပါတယ် .. ၂၈ ရက် တရက်လုံး မြန်မာပြည် ကိုဖုန်းခေါ်နေပါတယ်...  သူ့ အိမ်နဲ့ မိတ်ဆွေ တွေ စီ ကိုပါ... မြန်မာပြည် ဖုန်းတွေ အကြောင်း အားလုံးသိကြပါတယ်.. ဘယ်ဖုန်း မှ ခေါ်လို့ မရ ခဲ့ပါဘူး ..။

မြန်မာပြည် ဖုန်းတွေ က တော်တော် ဆိုးတာဘဲ လို့ပြောရင်း  ဘုန်းကြီး သင်္ကန်း ကပ်ချင်တယ် ပြောလို့ ဘုန်းကြီး ပင့်ပေးရပါတယ် တဲ့ ...သင်္ကန်း ကပ်လှူခွင့် ရသွားခဲ့ပါတယ်.... ၂၉ ရက် တရက်လုံး အမှတ်နဲ့ ဘဲနေပြီး စကားမပြောတော့ ပါဘူး .. တော်တော် ဆိုးလာပေမဲ့ သတိလစ် မသွားပါဘူးတဲ့... နာမည် ခေါ်သံကြားရင် မျက်လုံး ဖွင့် ပြ ပါတယ် လို့ ပြောပြပါတယ် ... ။

ကိုကြီးကျောက် ဟာ နှစ်ဘဝလုံး ငယ်ငယ်ရွယ်ရွယ် နဲ့ ဆုံးပါးသွားတဲ့ အတွက် ဒီဘဝ မှာ အဲလို မဖြစ်ရ အောင် အဖေ ဖြစ်သူ ဟာ ငယ်ကထဲ က တရား နဲ့ ထိတွေ့အောင် သင်ကြားပေးခဲ့ သလို မဆုံးခင် အထိ ဒုလ္လဘ ရဟန်း အဖြစ် ၂၇ ကြိမ်တိတိ ဝတ်ခဲ့ တယ်လို့ ပြောပါတယ်...ပျံလွန်တော် မူသွားပြီ ဖြစ်တဲ့ မြင်းခြံမြို့ က ပုဂ္ဂိုလ် ထူး အဖြစ် ကျော်ကြား တဲ့ ဆရာတော် နဲ့လည်း တပည်ရင်း ဆရာရင်း ဖြစ်ပါသတဲ့... ဆရာတော် ကို အတော်ပြုစု ခဲ့ ပါတယ် တဲ့.... အလှူအတန်း လည်း အရမ်းများပြီး အခုထိ သူလှူထား တဲ့ အသင်းအဖွဲ့ တွေ က အလှူငွေ လာရောက် ကောက်ခံနေသေးတယ် လို့ ပြောပါတယ်... ။

အမကြီး နဲ့ နှမ လုပ်သူ လည်း  ရေရှည်တော့ လှူနိုင်မယ် မထင်တော့ပါဘူး (ပြော တဲ့ စကားတွေ အရ ကျနော် ထင်တာပါ)... အမကြီး က အပျိုကြီး ဖြစ်သလို နှမ ဖြစ်သူကလည်း အပျိုကြီး အလယ်တန်းပြ ဆရာမ တယောက်သာ ဖြစ်တဲ့ အတွက်ပါ.... အကိုကြီး ရဲ့ အထောက်အပံ့ ကို မယူတာ လည်း သုံးနှစ်ကျော်ပါပြီတဲ့ ... ဒီမှာ အဆင်ပြေတယ် အကိုကြီး လှူချင်သလို လှူ လုပ်ချင်တာလုပ်ပါ ဆိုပြီး မယူခဲ့တာ ပါ လို့ ပြော ပါတယ်...။

ကိုကြီးကျောက် ဟာ ငယ်ငယ် ကထဲ က မိဘ ကို အရမ်းဂရုစိုက်ခဲ့ပါတယ် လို့ ပြောပါတယ်.. အမေ့ အဝတ်အစား ကို လျှော်ပေးတယ်.. သနပ်ခါးသွေးပေးတယ် လိမ်းပေးတယ် တဲ့.. ဒီမှာ နေစဉ် နဲ့ နိုင်ငံခြား က ပြန်လာတဲ့ အချိန်တွေ (အမေ မဆုံးခင်ထိ) အဲဒီအတိုင်း ပြုစုခဲ့ တယ်လို့ ပြောပါတယ်...။

ကိုကြီးကျောက် ဟာ အင်မတန် ဥာဏ် ကောင်းသလို ငယ်ကထဲ က ပုံလေး တွေ ဆွဲပြီး စာရေးသတဲ့.. အဲဒါလေးတွေ ကို စာအုပ်လေး တွေ အဖြစ်ချုပ်ထားပြီး ဧည့်သည်လာရင် ဖတ်ခိုင်းပါသတဲ့... အဲဒီ စာအုပ်လေး တွေ လည်း အခုထိ ရှိပါသေးတယ်တဲ့.. (ကျနော် ရရင် တင်ပေးပါမယ်) ...။

ငယ်တုန်းကလည်း အိမ်သာ ထဲမှာ စာတွေ ရေးပြီး ကပ်ထားတယ်တဲ့.. သူ ရေးတဲ့ စာတွေ ဖတ်ကောင်းလို့ ဆွေမျိုးတွေက အိမ်သာတက်ချင်ရင် စာဖတ်ရင်း တက်ဖို့ သူတို့ အိမ်က အိမ်သာ ကို လာတက်ကြ ပါသတဲ့... ၊ ဒါတွေက ..... သူ့ အမကြီး က မှတ်မိတာလေးတွေ ကို ဟိုရောက်ဒီရောက် ပြောသွားတာပါ.... ကျနော် ကလည်း မှတ်မိတာလေး တွေ ဟိုရောက်ဒီရောက် ရေးပြသွားတာပါ....  လိုတာ ပိုတာလေး တွေ ရှိရင် ကျနော့် တာဝန် သာဖြစ်ပါတယ်ဗျာ...။


သူ့အမ တွေ နှမ တွေ နဲ့ နောက်ဆုံး ဖုန်းပြောခွင့် ရတဲ့ အချိန်က လည်း ပြောသွားပါသေး တယ် တဲ့...... နိုင်ငံခြား မှာ ကျောင်းတွေ သိပ်ကောင်းတယ်... ဗိုလ်မကြီး ဗိုက် ထဲ ဝင်စားပြီး လူဖြူလေးအဖြစ် ကျောင်းတွေ တက် လိုက်အုန်းမယ် တဲ့... ။

တကယ်လို့ ကိုကြီးကျောက် တယောက် ... နောက်ဘဝမှာလည်း ဇာတိဿရဥာဏ် သာ ရခဲ့ရင် ဗိုလ်ဘလော့ဂါ ကျောက် အဖြစ် ပြန်လာနေအုန်းမယ် လို့ ထင်မိသလို မျှော်လည်း မျှော်လင့် နေပါတယ်....။

လေးစားစွာဖြင့်
ရွှေစင်ဦး
>>>ဆက်ဖတ်ရန်>>> >>

ကိုကြီးကျောက် ရဲ့ နောက်ဆုံးစကား နဲ့ ရွှေစင်ဦး ရဲ့ နှုတ်ဆက်စကား

စာရေးသူ-ရွှေစင်ဦး

ကိုကြီးကျောက် ရဲ့ နောက်ဆုံးစကား နဲ့ ရွှေစင်ဦး ရဲ့ နှုတ်ဆက်စကား
ချစ်ခင်ရသော စာဖတ်သူ အားလုံး နဲ့ ချစ်မိတ်ဆွေ ဘလောဂ်ဂါ များသို့
ခွင့်ပန်ကြားချင်ပါတယ်..

ဘဝမှာ နေတတ်ဖို့ သေတတ်ဖို့ ကျနော် တို့ ရဲ့ အကိုကြီး က တော့ သင်ကြားပေးသွားပါပြီ....

နေတတ်ဖို့ သေတတ်ဖို့ ဘာမှ ပြင်ဆင်မထားတဲ့ ရွှေစင်ဦး လည်း တော်တော် အသိတရား ရသွားပါပြီ... နှစ်စဉ် ချစ်ညီမ က ရိပ်သာ ဝင်ဘို့ ခေါ်ပေမဲ့လည်း အကြောင်းအမျိုးမျိုးပြပြီး ရှောင်ခဲ့တာလည်း များ လှပါပြီ. ။

ဒီနှစ်တော့  မဟာစည် ချမ်းမြေ့ တရားရိပ်သာ (အနီးစခမ်း) မှာ သင်တန်းသွားတက် တော့ မှာ ဖြစ်ပါတယ်... ကျနော် သွားနေတဲ့ ရက်တွေမှာ စာအသစ် တင်နိုင် မှာ မဟုတ်ပါဘူး... scheduled နဲ့ တင်ဖို့ရာလည်း အဆင်မပြေ ပါဘူး တရက် တင်ဖို့ရာ တရက် ရိုက်ရတာ ဖြစ်တဲ့ အတွက်ပါ... ကျနော် ပြန်လာတော့ မှ အများကြီး တင်ပေးပါမယ်... ကျေးဇူးပြုပြီး သည်းခံပေးကြပါ... မဖတ်ရသေးတဲ့ စာလေး များကို ဖတ်နေကြပါလို့ ပြောရင်း နှုတ်ဆက်ခဲ့ပါတယ်.... အားလုံး စစ်မှန်တဲ့ ငြိမ်းချမ်းမှု့ ကို ရှာနိုင်ကြပါစေ...

ရိပ်သာ ဝင်နိုင်အောင် encouragement ပေးခဲ့တဲ့ ချစ်ညီမ နဲ့ ချစ်ချစ်ကြီး ကို ကျေးဇူးတင် ပါတယ်......

ကိုကြီးကျောက် နဲ့ နောက်ဆုံး ပြောခဲ့ တာလေး တွေ ကို လည်းအမှတ်တရ တင်ပေးလိုက်ပါတယ်
လေးစားစွာဖြင့်
ရွှေစင်ဦး
>>>ဆက်ဖတ်ရန်>>> >>

ဘယ်တော့ မှ မဖတ်နိုင် တော့ တဲ့ကိုကြီးကျောက် အတွက်

စာရေးသူ-ရွှေစင်ဦး
ဘယ်တော့ မှ မဖတ်နိုင် တော့ တဲ့ကိုကြီးကျောက် အတွက်
http://penai22.blogspot.com/ ပိုင်ရှင် Blogger ကိုကြီးကျောက် အတွက်
ဝမ်းနည်းကြေကွဲ ရပါသဖြင့် ယနေ့ စာမတင်တော့ပါ

ကိုကြီးကျောက် ရောက်ရာဘုံဘဝ မှာ အေးချမ်းစွာနေနိုင်ပါစေ
ဘယ်တော့မှ မမေ့ပါဘူး အကိုကြီးရေ

ချစ်နှမ
ရွှေစင်
>>>ဆက်ဖတ်ရန်>>> >>

ရွှေစင်ဦး ငယ်ဘဝ က မျှော်လင့်မိတာလေး တခု

စာရေးသူ-ရွှေစင်ဦး

ဒီနေ့တော့  ရွှေစင်ဦး ရေးစရာရှိတဲ့ စာကြွေးလေး တွေ ဆက်ရေး ပါအုန်းမယ်...။
စာမရေးခင် ကျနော့် ဘလောဂ့် လေး မှာ စာလာဖတ်တဲ့ ...ကောမန့် တွေ လာရေးတဲ့ စာဖတ်သူတွေ ကို အထူး ဘဲ ကျေးဇူး တင် ကြောင်း ပြောပရစေ... .။

စာတွေ ဖတ်တဲ့ အခါ စာတွေ ထဲမှာ ပါတဲ့ အယူအဆတွေ အတွေးအခေါ်တွေ ဟာ စာရေးသူ နဲ့ စာ ဖတ်သူ... ၊ စာဖတ်သူ အချင်းချင်း မတူညီ နိုင်တာတွေ ရှိပါတယ်...  အားလုံး ဟာ ကိုယ်ရဲ့ ထင်မြင်ချက် အယူအဆ သာ လျှင် မှန်ရမယ် ... မှန် တယ် လို့ ဆုတ်ကိုင် မထား ဘဲနဲ့ ... အပြုသဘော ရေးသွား ခဲ့ ရင်  တော့ ပိုပြီး ကောင်းသွားမယ် လို့ ထင်ပါတယ်... ။

ကျနော် တို့ ကမ္ဘာကြီး ဟာ အများကြီး ပြောင်းလဲ နေပါပြီ ... ကျနော် တို့ အားလုံး ဟာလည်း လိုက်ပြီး ပြောင်းလဲ ရမှာ ဖြစ်ပါတယ်....   ဆိတ်ကွယ်ရာ ဆိုတာ မရှိတော့ပါဘူး... အမှား ကိုဘဲ လုပ်လုပ်... အမှန်ကိုဘဲ လုပ်လုပ် လျှို့ဝှက် လို့ မရနိုင်တော့ ပါဘူး.... အားလုံး ဟာ ခဏနေပေါ်လာမှာပါဘဲ... ကမ္ဘာကြီး ပိုမို ယဉ်ကျေး လာတော့ မယ်လို့ ကျနော် ကတော့ အကောင်းဘက်က ယူဆပါတယ် ...  အဲဒီ အတွက် ကျနော် တို့ရဲ ခံယူချက် တွေ ကိုပြောင်းလဲ ရတော့မှာ ဖြစ်ပါတယ်....။

မတူညီတဲ့ အယူအဆ တခု အတွက် အငြင်းပွား စရာတွေ ရှိလာရင် ....  မိမိ ရပ်တည်တဲ့ အယူအဆ အတွက် အပြု သဘော ဆောင် တဲ့ ဘက်ကနေ ဆွေးနွေးကြမယ် ဆိုရင် အားလုံး က ပိုပြီး လက်ခံ ကြမယ်လို့ ထင်ပါ တယ် ... ။

ဒီမိုကရေစီ သဘောတရား အရ ဘယ်အယူအဆ မှတော့ တသဘောထဲ ဖြစ်မှာ မဟုတ်ပါဘူး... အဲဒီတော့ ကိုယ် လက်ခံ တဲ့ အယူအဆ ကို အများလက်ခံအောင် ပြောဆို ရမှာဖြစ်ပါတယ်... ။

အဲဒီ အချိန် မှာ ကိုယ် အနိုင်ရလိုဇော နဲ့ တဘက်လူ ကို မလေးမစား ပုတ်ခတ်ပြီး လုပ်ဇာတ် တွေ နဲ့ ပြော သွား တာတွေ ဟာ ကိုယ်ခံယူ ထားတဲ့ အယူအဆ ကို လူတွေ  အထင်သေးသွားတဲ့ အပြင် ဘယ်တော့ မှ လည်း အနိုင် မရ နိုင်ပါဘူး... ။

အင်တာနက် ထဲ မှာ လူတွေ ကို တွေ့ခွင့် မရပေမဲ့ ... ဒီ အယူအဆ နဲ့ လူတွေ.... ဒီအဖွဲ့အစည်း က လူ တွေ ဟာ ဒီလို ပါဘဲလား ဆိုပြီး အားလုံး က မုန်းတီးသွားနိုင်ပါတယ်.... ဘယ်နေရာ မှာ ဘဲ ဖြစ်ဖြစ် အသာစီး ရောက်နေတဲ့ သူတွေက  ကိုယ်နိုင်လို့ ရမဲ့ သူတွေ ကို ငါလုပ်သမျှ ခံရမယ် ဆိုပြီး အနိုင်ကျင့် ပြီး ထောက်ခံခိုင်း မယ်ဆိုရင်တော့... ဒုက္ခရောက်မှာ ကြောက်လို့ ထောက်ခံ လိုက်ရပေမဲ့ ... ဒါဟာ ယာယီ သာ ဖြစ်မှာပါ...  မနိုင်လို့ သည်းခံရခြင်း အတွက်... အနိုင်ရသွားခြင်း ဟာ အောင်မြင်မှု့ မဟုတ် ပါဘူး....။

နောက်လည်း ကျနော် တို့ အားလုံး ဟာ ကိုယ့် အယူအဆ တွေ ကို ကိုယ် ပြောနေကြအုန်းမှာပါ... ခင်ဗျား တို့ အယူအဆ နဲ့ မတူရင် ဆွေးနွေး နိုင်ပါတယ် ... ကျနော် မှားနေရင်လည်း အမှန်ကို ရောက်အောင် ဆွဲခေါ် ကြပါ....လို့ ပြောရင်း ဒီလောက်နဲ့ဘဲ ရပ်ပါတော့ မယ်ဗျာ.... ။

ရွှေစင်ဦး ငယ်ဘဝ က မျှော်လင့်မိတာလေး တခု

ကျနော့်ငယ်ဘဝ ဆိုလို့ ချစ်ချစ်ကြီး နဲ့ အကြောင်းတွေ ဘဲလို့ ထင်မသွားကြပါနဲ့အုန်း...  အချစ်ရေး နဲ့ မဆိုင် တဲ့ မျှော်လင့် မိတာလေး တခုပါ ... ကျနော် ချစ်ချစ်ကြီး နဲ့ မရခင် မိဘအိမ်မှာ နေစဉ် ကထဲက နံနက် တိုင်း ဘုန်းကြီး များကို ဆွမ်းလောင်း လှူခဲ့ တာတော့ ကျနော့် အရင်ပိုစ့် တွေ ထဲမှာ ဖတ်ဘူးမှာပါ... ၊ အခုလည်း မနက်တိုင်း ဆွမ်းလောင်း လှူပါတယ်.. ကျနော် မချက်နိုင်တော့ ပေမဲ့ အနီးနား က အိမ်တအိမ် မှာ ဆွမ်းချက် ခ ပေးပြီး နေ့စဉ် လောင်းလှူပါတယ်.. ။

မိဘ အိမ်မှာ နေစဉ် က  ညတိုင်း စာဖတ်ပြီး လို့ အိပ်ခါနီး အချိန်ကြ ရင် ဆန်လေးလုံး ကို ရေဆေး .. ရေစစ် ပြီး အသင့် ဖြစ်အောင် ချက် တဲ့ အိုးထဲမှာ ပြင်ဆင်ထားပါတယ်... မနက် လေးနာရီခွဲ ငါးနာရီလောက် ဆိုရင် ရေထည့်ပြီး တခါထဲ ခလုတ်ဖွင့် ပြီး ဆွမ်း ချက်ရပါတယ်... ဒါဟာ ကျနော် ဘုန်းကြီး တွေ ကို ဆွမ်းလောင်းလှူ ချင်လွန်းလို့ ပါဘဲ... မီး က နေ့တိုင်း မလာပါဘူး... မီးမလာ တဲ့ နေ့ တွေ မှာ လည်း မီးသွေး ဖိုလေး နဲ့ ဆွမ်းအိုး ပြောင်းပြီး အမှီ ချက်ခဲ့ပါတယ်...ကျနော့် ရဲ့နှစ်ပေါင်း တော်တော်များများ နေ့စဉ် မနက်ခင်း တိုင်း အလုပ် ပါဘဲ... ။

ဆွမ်းကျက်ချိန် လောက်ကြရင် အိပ်ယာထ မျက်နှာသစ် တံမြက်စီး ကောက်ကိုင်ပြီး ရေလေး နဲနဲဖြန်း ပြီး ဘုန်းကြီး တွေ ကြွ တဲ့ လမ်းမှာ တတ်နိုင်သမျှ အမှိုက်တွေ ကင်းစင်အောင် ဆူးငြောင့်ခလုတ် တွေ မရှိအောင် လုပ်ရပါတယ်... အားလုံး ပြီးစီးမှ ခုံလေး ထုတ် အခင်းလေး ခင်းပြီး ဆွမ်းအိုးလေး နဲ့ ကြွသမျှ ဘုန်းဘုန်း တွေ ကိုရင် တွေကို လောင်းရပါတယ်... ကျနော် တို့ အရပ်မှာ ဘုန်းကြီး အတန်းလိုက် မကြွ ပါဘူး.. အရပ် လေးမျက်နှာ က တပါးခြင်း နှစ်ပါးခြင်း ကြွတာကို စောင့်ပြီး လောင်းလှူရပါတယ်.... ။

ဒီကြားထဲမှာ .. တဦးတယောက် ရဲ့ မွေးနေ့ တို့ ဒါမှ မဟုတ်အိမ်မှာ အဆင်ပြေ တဲ့ အခါတို့ ဆိုရင် ဆွမ်းဟင်း ပါ ကပ်လှူပါတယ်..၊ အိမ် မှာ  အဆင်ပြေရင် ဆိုတာ တခါတလေ မနက်ဆွမ်းလောင်း ဘို့ တောင် ညဦးကြ မှ ဆန် ဝယ် နိုင်လို့ ဖြစ်ပါတယ်... အိမ်မှာ အများစားတဲ့ ဆန်ကို မလှူ ပါဘူး... ဆန်ကောင်း တာ မှ လှူပါတယ်..။

ဆွမ်းဟင်း လောင်း တဲ့ နေ့တွေမှာတော့ ဝက်သား အာလူး ဆိုရင်လည်း ဝက်သား အတုံးကြီးကြီး  နဲ့ အာလူး အကြီး တခြမ်း ဆို တခြမ်း ဝတ်ခွက် တခွက်စာ မှန်းပြီး ကိုယ် ကပ်လှူချင် သလောက် လှူချင် တဲ့ အရေအတွက် ကို မှန်းပြီး ချက်ရပါတယ် ... ဘဲဥ ဆိုရင် လည်း အဲလိုပါဘဲ... နောက်ပြီး ရာသီပေါ် သရက်သီး တို့ ကော်ဖီမစ် တို့ အကြော်တို့ ကိုယ်တတ် နိုင်သလောက် လှူပါတယ်...။

ကျနော် တို့ မန္တလေး မြို့ဟာ သာသနာထွန်းကား တဲ့ အရပ်ဖြစ်လို့ မြန်မာတပြည် လုံး မှာ ရှိတဲ့ သံဃာတွေ ဟာ မန္တလေး မြို့ မှာ ပညာလာသင်ရပါတယ်.. မြန်မာပြည်တွင်း နဲ့ ကမ္ဘာ အရပ်ရပ် မှာ ဗုဒ္ဓဘာသာ သာသနာ အကျိုး ကို သယ်ပိုးနေကြတဲ့  ဆရာတော်ဘုရားကြီး များဟာလည်း မန္တလေး မြို့ မှာ စာသင်သား အဖြစ် နေသွား ဘူးကြတာဘဲ ဖြစ်ပါတယ်...  စာသင်သား ဘဝ မှာ အားလုံး ဟာ ဆွမ်းခံပြီး မှ စားရပါတယ်... ဘယ်အရာ မှ မပြည့်စုံပါဘူး.. ကိုယ့် ရပ်ရွာ ကိုယ့် ဒကာ..ဒကာမ တွေ ဆွေမျိုးမိဘ တွေနဲ့ ဝေးရာ မြို့ကြီး ပြကြီး မှာ သူများ လှူ မှ စားသောက် ရတာ တော်တော်ခက်မယ် ထင်ပါတယ်ဗျာ... အဲဒါကြောင့် ... ဆွမ်းခံအိမ်  ရှာရပါတယ်... ကိုယ့် ကျောင်းနဲ့ မနီးမဝေး မှာ ရှိတဲ့ ရပ်ကွက် က အိမ်တွေ မှာ လိုက်ပြီး မေတ္တာ ရပ်ခံ ရ ပါတယ်... ။

ဆွမ်းခံအိမ် (ထိုင်ကိုယ်တော် အဖြစ် နေ့စဉ် ဆွမ်း ... ဆွမ်းဟင်း အလှူခံသော အိမ်) မှ မရှိရင် ဆွမ်း ဆွမ်းဟင်း တွေဟာ အများလောင်းလှူတာနဲ့ မပြည့်စုံနိုင် လို့ပါဘဲ... ဆွမ်းခံအိမ် ဆိုတာ လည်း ဘုန်းကြီး ကျောင်း နဲ့ နီးတဲ့ နေရာတွေ မှာ ရနိုင်ဘို့ မလွယ်ပါဘူး.... တခြား အဝေးရပ်ကွက် တွေ မှာ ဘဲ လိုက်ပြီး ရှာရပါတယ်... စာသင် ကိုယ်တော်လေး တွေ ဦးပဇင်း လေး တွေဟာ ဆွမ်းခံအိမ် တအိမ် ရဘို့ တအိမ်တက်ဆင်း လိုက် ပြီး ရှာရပါတယ် မနီး မဝေးမှာ သုံး လေး ငါး အိမ် ရမှ အဆင်ပြေပါတယ်...။

အဲဒီလို ရဘို့ စာသင်သား အသစ်လေး တွေ ကို မြို့မှာ အရင်ရောက်နေတဲ့ စာသင်သား ဟောင်းတွေ က သူတို့ ဆွမ်းရပ် နေကြ ရပ်ကွက် ထဲက အိမ်တွေ မှာ လိုက်ရှာပေးရပါတယ်...  ကျနော် တို့ အိမ်မှာ လည်း တပါး နှစ်ပါး တော့ အမြဲတန်း နီးပါး ရှိပါတယ်.. ကိုယ် တတ်နိုင်သလောက် ပေါ့... အဲဒီ ကိုယ်တော် တွေ အတွက် ကျ ဆွမ်းဟင်း မှာပါ တာဝန်ရှိပါတယ်.....။

ဆွမ်းခံ ချိန် မှာ ကိုယ် ဆွမ်းခံ တဲ့ ရပ်ကွက် ရောက်အောင် ဘတ်စ်ကား စီးသွားရပါတယ် .... နံနက်ခင်း ရုံးချိန် ကျောင်းချိန် ဈေးသွားတဲ့ အချိန် တွေ ဖြစ်တဲ့ အတွက် ဘတ်စကား စီးရတာ မလွယ်ပါဘူး... တိုးတိုးဝှေ့ဝှေ့ နဲ့ လိုက်ရ ပါတယ်... သံဃာ ထိုင်ရန် ဆိုတဲ့ နေရာမှာလည်း သန်သန်မာမာ ယောက်ကျား ကြီး တွေ ထိုင်နေတာ တွေ့ရသလို ... တခါတခါ တော့ လည်း လှတပတ ကောင်မလေး တွေ က မသိသရောင် နဲ့ ထိုင် နေကြ ပါတယ်... ။

ဘယ်သူ မှ လည်း အမုန်းခံပြီး ဘုန်းဘုန်း တွေ ထိုင်ရအောင် ဖယ်ပေးပါ လို့ မပြောကြပါဘူး... ဘုန်းဘုန်း တွေ ကလည်း အဲလို တောင်းဆိုပြီး မစီးတဲ့ အပြင် ဘတ်စ်ကား နောက်မြီး က  နေ သပိတ် ကို စလွယ်သိုင်းပြီး ခြေထောက် တဘက် နဲ့ တွဲလွဲခို လိုက်ရပါတယ်.... တချို့ ကိုယ်တော် များကြတော့လည်း ဘတ်စ်ကား ခေါင်မိုးပေါ် မှာ တက်လိုက်ရပါတယ် (ဒိုင်နာ လိုကားမျိုးမှာပါ)... ။

ဘိနပ် မပါ တဲ့ သံဃာတွေ ဟာ ဆောင်းဆို လည်း အေးခဲ လှ တဲ့ မြေကြီးပေါ်မှာ မိုးဆိုလည်း  တခါတလေ မိုးရွာကြီးထဲ မှာ စိုစိုစွတ်စွတ် နဲ့ .... နွေ ဆိုရင်လည်း  ပူခြစ် နေတဲ့ ကြမ်းတမ်း လှတဲ့ မန္တလေး လမ်း မများ ပေါ်မှာ  သွားလာ နေတာ တွေ့တိုင်း.. နွေ မိုး ဆောင်း .... ဘတ်စ်ကားနောက်မြီး မှာ ဘတ်စ်ကား ခေါင်မိုး ပေါ်မှာ တွေ့ ရတိုင်း စိတ်မကောင်း ဖြစ်ရ ပါတယ်...။

ကျနော် နေ့စဉ် ဆွမ်းလောင်းလှူ နေရင်း ... အဲဒီလိုမျိုး တွေ တွေ့ရတိုင်း ကျနော့် ရဲ့ စိတ်ကူးယဉ် အိမ်မက် ထဲမှာ ကျနော် သာ ပိုက်ဆံရှိရင် ဘုန်းကြီး တွေ ဆွမ်းခံသွားရင် အဆင်ပြေအောင် လို့ သံဃာတော် တွေ ဘဲ သီးသန့် လိုက်နိုင်တဲ့ ဘတ်စ်ကားကြီးတွေ လှူ မယ်လို့ ဆုံးဖြတ် ထားလို့ ပါဘဲ... ကျနော် တို့ အားလုံး ဟာ မန္တလေး မြို့ မှာ ရှိတဲ့ လေးပြင်လေးရပ် က သံဃာတွေ အတွက် ပြည့်စုံအောင် ဆွမ်းကွမ်း လောင်း လှူ နိုင်မှာ မဟုတ်ပါဘူး... ဒါပေမဲ့ ဆွမ်းလောင်း လှူကြတဲ့ အရပ်တွေကိုတော့ ပို့ပေးနိုင်ကြလို့ ဖြစ်ပါတယ်....။

အခုတော့ ကျနော့် အိမ်မက်လေး ဟာ  .... မန္တလေး မြို့  မိုးထိအောင်စည် သာသနာ့ ရိပ်သာ က ဆရာတော် ဘုရားကြီး ရဲ့ စွမ်းဆောင်ချက် ကြောင့် အကောင်အထည် ပေါ်လာပါပြီ.... ဆရာတော် ဘုရားဟာ သူ ကိုယ်တိုင် မန္တလေး မြို့ မှာ ဆွမ်းခံလာတာ ဖြစ်တဲ့ အတွက် မန္တလေး မြို့ မှာ ဆွမ်းခံကြတဲ့ သံဃာတော် တွေ အတွက် အလွန်ဒုက္ခရောက် လှတဲ့ သွားလာရေး ကို နားလည်နေပါတယ်... ဒါကြောင့် နေ့စဉ် နံနက်တိုင်း သံဃာတော် တွေ ဆွမ်းခံကြွ ရတာ အဆင်ပြေစေရန် အတွက်  ယာနဒါန ဆိုတဲ့ အသင်းအဖွဲ့ ကြီး ဖွဲ့ စည်းပြီး ယာနဒါန ဆိုတဲ့ ဘတ်စကား ကြီး တွေနဲ့ မန္တလေး လေးပြင်လေးရပ် မှာ ရှိတဲ့ ကိုယ်တော် တို့ ဆွမ်းခံချင်တဲ့ အရပ် ကို လိုက်ပါ ပို့ဆောင် ပေးနေပါပြီ..။
မနက်တိုင်း မန္တလေး မြို့ အရပ်လေး မျက်နှာ ကို သံဃာတော် တွေ ဆွမ်းခံကြွ နိုင်ဘို့ လိုက်ပါ ပို့ဆောင် ပေးသလို ဆွမ်းခံ အပြန် မှာလည်း ကြိုပေး နေတဲ့ ယာနဒါန ကားကြီးတွေ ပြေးဆွဲနေတာ ကို ကြည့်ရတာ တင့်တယ် လှပါတယ်...။

ယာနဒါန အတွက် လှူဒါန်း တဲ့ သူများလည်း အများကြီး ရှိကြပါတယ်...  ဘုန်းဘုန်း ဘုရား  လည်း ယာနဒါန ကားကြီး တွေ ကြည့်ပြီး ပိတိဖြာ နေပါတယ်... အင်း .... ဒါပေမဲ့ ဆင်ကောင်ကြီး လှူ သူ ရှိပေမဲ့ ချွန်းဘိုး က နေ့စဉ် ဖြစ်နေတဲ့ အတွက် ကျနော် တို့ မှာ ဘေးက နေ ရင်မော နေ ရပါတယ်.. ဘယ်အချိန် မှာများ  ဒီကား ကြီး တွေ မပြေးနိုင်ဘဲ ရပ်သွား မလည်း ဆိုတာ လည်း မတွေး ရဲအောင် ဖြစ်နေပါတယ်....။

မနက်တိုင်း ဘတ်စကား ကြီး တွေ ထွက်ဖို့ ဆီဂါလံ (၂၅) ဂါလံ ကုန်ပါတယ်... ၊  အဖိတ်နေ့  မှာ ဆိုရင် တော့ စစ်ကိုင်း ကနေ ဆွမ်းဆန် ခံတဲ့ ဆရာလေး တွေ သွားရေးလာရေး အတွက် ပါ စီစဉ် ပေး ရတာ ဆိုတော့ ဆီ တပေပါ ကုန်ပါသတဲ့ဗျာ....ကားပြင်စရိတ်တွေ ကားမောင်းသူ စရိတ် တွေမပါသေး ပါဘူး... ။

တကယ်လို့ များ အကြောင်းတိုက်ဆိုင် လို့ လှူဒါန်း ချင်ပါတယ် ဆိုရင်  မိုးထိအောင်စည် ကျောင်းတိုက် က ဆွမ်းခံ သံဃာတော် များအတွက် နေ့စဉ် ပြေးဆွဲ ပေးနေတဲ့ ယာနဒါန ကားကြီး တွေ အတွက်  လည်း လှူဒါန်း နိုင်ပါတယ် လို့ နိဗ္ဗာန်ဆော်လုပ်ရင်း ဆောင်းပါးလေး ကို နိဂုံးချုပ်ပါတယ်.... အားလုံးကို ကျေးဇူးတင် ပါတယ်...။





စိတ်ကရည်သန်၊ လှူရန်သတ်မှတ်
ငွေကျပ်တစ်ဆယ်၊ အားမငယ်နှင့်
ဒီဇယ်တစ်စက်၊ ဂါလံဝက်မှ
စ၍စုပေါင်း၊ အများကောင်းမှု
ဒါနပြု၏၊ သောတုဇန
များလှရဟန်း၊ မပင်ပန်းပဲကြွလှမ်းနိုင်ပြီ၊ ဂေါတမီသွေး
ဆရာလေးလည်း၊ ပြန်ရေးမခက်
ကမ်းတစ်ဘက်သို့၊ ပို့ရန်မမေ့
အဖိတ်နေ့တိုင်း၊ ချောင်စစ်ကိုင်းဆီ
ပြန်ပို့သည်ကို၊ တူညီကုသိုလ်ယူလှည့်ပါ။

ကဗျာရေးသူ - ဦးဝေဠု



လှူချင်ကြတယ်ဆိုရင်
မိုးထိအောင်စည် သာသနာ့ရိပ်သာ
တံခွန်တိုင်ရပ်ကွက်
ပ.လ.က ပေါက်၊ ပြည်ကြီးတံခွန်မြို့နယ်။
ဖုန်း-09-2022330၊ 02-5154867၊ 09-91013858

(ငွေလှူဘို့ အတွက် ကျနော့် မှတ်ပုံတင် နံပါတ် ... အကောင့် နံပါတ် နဲ့ ဖုန်း နံပါတ် ကို ရေးပေးချင်ပေမဲ့ တွတ်ပီ ကံမကောင်း တဲ့ အတွက် မပေးတော့ပါဘူးဗျာ.... )

ရိပ်သာဝင်ပြီး တရားအားထုတ် လို သူများလည်း မိမိတို့ အားလပ် ရက်များတွင် လာရောက် ပြီး မိုးထိအောင်စည် ရိပ်သာ မှာ တရားအားထုတ်နိုင်ပါတယ် ရွှေစင်ဦး ဆီ လာခဲ့ရင်လည်း ရိပ်သာ အရောက် လိုက်ပို့ ပေးပါမယ် လို့ လည်း ဖိတ်ခေါ်ပါတယ်

လေးစားစွာဖြင့်
ရွှေစင်ဦး
>>>ဆက်ဖတ်ရန်>>> >>

Sunday, August 7, 2011

စာဖတ်သူ အသံ (၁)


စာရေးသူ-ရွှေစင်ဦး

ဒီနေ့မနက် စောစောနိုးနေတာနဲ့ ကိုယ့်စိတ်ထဲမှာလည်း ရေးချင်တာလေးတွေရှိလို့ စာရေးမယ်လို့ စိတ်ကူးပြီး စက်လေးဖွင့်လို့ ရွှေစင်ဦး ဘလော့ဂ် လေးထဲဝင်လိုက်ပါတယ် ချောချောမောမော ပါဘဲ..၊ စာရေးဘို့ sign in လည်း လုပ်လိုက်ရော connection ကကျသွားပါတယ်..၊ စာရေးချင်တဲ့ စိတ်ကလေး တောင် ဘယ်ရောက် သွားမှန်းမသိပါဘူးဗျာ....။

ဒါနဲ့ တောင်လုပ် မြောက်လုပ် လုပ်နေရင်း ဆရာနေဝင်းမြင့် နဲ့ ဆရာမ ခင်ခင်ထူးတို့ ဆိုင်ရောက်လာတဲ့ အကြောင်းကို ပြန်သတိရ သွားပါတယ်..၊ ဆရာ နဲ့ ဆရာမ တို့ ရဲ့ စာတွေကို ကျနော် အင်မတန် လေးစား ပါတယ်..၊ ဆရာ တို့ရဲ့ စာလေးတွေကို ဖတ် ပြီးရင် ဒါမှ အနုပညာ ဆိုပြီး ဂုဏ်ယူလိုက်ရတာလည်း အမောပါ..၊ ကျနော် လေးစားရသော အားကျရသော ဆရာတို့ ၂ယောက် ကို အပြင်မှာ တွေ့လိုက်ရတဲ့ အတွက် ကျနော် ရဲ့ ပိတိဟာ ဖြင့် တော်တော် ကြီးမားပါတယ်..။

 ဆရာတို့က ဆိုင်မှာ မိတ္တူလာကူး တာပါ..လမ်းသင့်နေလို့ ဆိုင်ကို ရောက်လာတာပါ..၊ ဆရာမ နဲ့ ဖွေးဖွေး ကို ကားပေါ်က ဆွဲခေါ်ပြီး အအေး တွေဘာတွေတိုက်ပြီး ကျနော့် ရဲ့ အင်တာဗျူး လေးကိုစဖြစ်တယ် ခင်ဗျား..၊ ကျနော်က ဆရာ တို့ စာရေးရင် ဘာနဲ့ ရေးပါသလည်းလို့ စာရွက်နဲ့လား ကွန်ပျူတာ နဲ့ လားလို့ မေးတာပါ..၊ ဆရာ က စာရွက်နဲ့ ဘဲ ရေးတာပါတဲ့.. ဆရာမ လည်း အတူတူပါဘဲတဲ့..၊ ကျနော့် စိတ်ထဲ မှာ အားမလို အားမရတွေ တအားဖြစ်သွားတယ်..။

ဆရာ ရယ် ကွန်ပျူတာ လေး နဲ့ ရေးပါလား လို့ လျှာရှည်လိုက် ပါတယ်..၊ ဆရာက ကွန်ပျူတာ သိပ်မသုံး ဘူးတဲ့ ကွန်ပျူတာ ရှေ့ထိုင်လိုက်ရင် ဈန်မဝင် တော့ဘူးတဲ့..၊ ကျနော် ကလည်း ကျနော် ဖြစ်စေချင်တာ ဇွတ်ပြောတာဘဲ.. ဆရာ ရယ် ကွန်ပျူတာ နဲ့ စာရေးရင် သိပ်သက်သာတယ် လူမပင်ပန်း တော့ဘူး ဆိုပြီး ပြောပါတယ်..၊ အဲဒီတော့ ဆရာက အားနာလို့ ထင်တယ် ကျနော် ကျိုးစားပါမယ်တဲ့.. ။

ဆရာမ ကိုလည်း ကျနော်က ဂတိတွေပေး သေးတာခင်ဗျား.. ဆရာမ ရယ် ကွန်ပျူတာလေး နဲ့ စာရေးပါ.. ဆရာမ အသုံးခက်နေရင် ကျနော် ကူပေးပါမယ်လို့ ပြောလိုက်တယ်ခင်ဗျား..၊ ကျနော့် စိတ်ထဲမှာ ဆရာ တို့ ကို တကယ်ကို မပင်ပန်းစေချင်လို့ပါ..၊ စာရွက်နဲ့ ရေးရတာ အခုမှ စဉ်းစားကြည့် ရင် တော်တော် ခက်တာဘဲဗျာ..၊ အမှားပြင်ရတာလည်း လွယ်မှမလွယ်တာ..၊ ဆရာ တို့လို ဖန်တီး နိုင်စွမ်း မှာ သူ့မတူအောင် တော်နေတဲ့ သူတွေမှာ နည်းပညာ နဲ့ ပတ်သက်တဲ့ အချက် လေးတွေကို ဖြည့် လိုက်ရင် ပိုမို ပြီးတော့ စာတွေ ရေးနိုင်လာအောင် ဆရာတို့ မပင်ပန်းပင်အောင် ပါဗျာ....စေတနာပါ..။

အခု ကျနော် စာရေးတဲ့ အခါမှာ တော့  ကျနော့် က လူပါးဝလွန်းအားကြီးနေတယ်ဗျ.. ကွန်ပျူတာနဲ့ စာရေး တာတင် မကဘူး တခါထဲ ဘလော့ထဲက new post ထဲမှာ ရေးရမှကို ဈာန် ဝင်တော့ တာကိုးခင်ဗျား...အရူး အမဲသားကျွေးမိတယ် ဆိုတာ ဒါမျိုးနေမှာလို့ ကိုယ်ကိုကိုယ့် လည်း သြဘာပေးလိုက်မိတယ်..၊ ဒါတွေက ကြုံလို့ ပြောမိတာပါ..။

အခု ကျနော် ရေးချင်တာက စာဖတ်သူ အသံခင်ဗျား..၊ ကျနော့် စာတွေကို ဖတ်ပြီး တကယ့် ကို ကျနော့်ကို သူတို့ကောင်းစေချင်တဲ့ စေတနာနဲ့ ဝေဖန် အကြံပေးခဲ့ကြသော မိတ်ဆွေ နှစ်ယောက် ရဲ့ ဝေဖန်ချက်ပါ..၊ နှစ်ယောက် ခင်ဗျား..၊ နှစ်ယောက်စလုံး က ကျနော်ထက် အသက်အားဖြင့်တော့ ငယ်ပါတယ်..၊ ဝါအားဖြင့် တော့ ကျနော့် ထက်ကြီးမယ် ထင်ပါတယ်..။

ကျနော် ဟာ ဘာမဟုတ်တဲ့ ဆိုင်လေးမှာ ဘာမဟုတ်တဲ့ application course လေးတွေသင်ပြီး ဘာမှ အထင်ကြီးစရာ မရှိတဲ့ အလုပ် တွေ လုပ်ဘို့ဘဲ သိပါတယ်ခင်ဗျား..၊ ကြီးမားတဲ့ တာဝန် တွေ မထမ်းဆောင်ဘူးပါဘူး..၊ ကျနော့် ရဲ့ ပညာကလည်း ဗမာပြည်က လူမသုံးတဲ့ ဘွဲ့လေးတဘွဲ့ ထဲ ပါဘဲ..၊ဒါဟာ ကျနော့် ရှိသမျှ အရည်အချင်း အကုန်ပါဘဲ..။

ဒါပေမဲ့ အခုကိစ္စက အဲဒါတွေနဲ့ မဆိုင်ပါဘူး..၊ ကျနော် စာရေးတဲ့ ပုံစံကို ဝေဖန်ခဲ့တာပါ..၊ ပထမ ဆုံး စာရေးတဲ့ ပုံစံက စာမချောဘူး ပေါ့ဗျာ.. စာရေးတာကို ဖတ်တဲ့ အခါမှာ ထောက်တယ်ပေါ့..၊ အဲဒါနဲ့ ပတ်သက်လို့ ကျနော် ပြောချင်ပါတယ်..၊ ဝေဖန် အကြံပေးတာ မှန်ပါတယ်..၊ ကျနော် ဟာ စာရေးချင်တဲ့ စိတ်တွေ သိပ်များ နေတဲ့ အပြင် publish လုပ်ချင်တဲ့ စိတ်တွေ သိပ်များ နေတဲ့ အတွက် သေချာ စာချော အောင် အချိန်မပေးခဲ့ ရဘူးခင်ဗျား..၊ အဲဒီအတွက် ကျေးဇူးတင်ပါတယ်.. ကျနော့် ရဲ့ စာတွေကို ဖတ်ခဲ့ ကြတဲ့ ပရိတ်သတ်ကို မလေးစား ရာရောက်တဲ့ အတွက် ကျနော် ပြုပြင်ပါမယ်.. သေချာ ချောမောအောင်လုပ်ပြီးမှ တင်ပါမယ် လို့ ဒီနေရာကနေ ဂတိပေးပါတယ်..ကျနော် အစွမ်းရှိသမျှတော့ ချောအောင် လုပ်ပေးပါမယ်ခင်ဗျား..။

ဒုတိယ က သတ်ပုံအမှားတွေ သိပ်များနေတယ်တဲ့...၊ အဲဒီ အတွက်လည်း ကျနော် ဝန်ခံပါတယ် ခင်ဗျား..၊ ကျနော်ဟာ စာဘယ်လောက် ဖတ်ဖတ် ကျနော့် ရဲ့ သတ်ပုံ က မှားမြဲမှားနေတာဘဲ ခင်ဗျား..၊ ချစ်ညီမ ကလည်း တတ်နိုင်သလောက်တော့ ပြင်ပေး ရှာပါတယ်..၊ သူကလည်း သူ့စာသူသင်.. သူ့အလုပ်သူ လုပ်ရ သေးတာဆိုတော့ အားတိုင်း ရေးနေတဲ့ ကျနော့် ရဲ့ အမှားတွေကို ပြင်ပေးဘို့ အချိန်မပေး နိုင်ဘူး ခင်ဗျား..၊ ကျနော် ကလည်း သူပြင်ပေးတဲ့ အချိန်ထိကို မစောင့်နိုင်ဘူး ...၊  ဒီတချက်ကလည်း ကျနော့် ရဲ့ အားနဲချက် ပါခင်ဗျား..။

စာချစ်သူ တွေကို မလေးစားရာ ရောက်တဲ့ အတွက် ကျနော် တတ်နိုင်သလောက် ပြင်ပေးပါမယ်ခင်ဗျား..၊ နောက်ထပ် အမှားတွေ တွေ့ရင်လည်း ကျနော့် ရဲ့ ပညာ အခြေခံ နည်းပါးမှု့ နဲ့ အလောသုံးဆယ် လုပ်တတ်မှု့ တွေ အတွက် ခွင့်လွှတ်ပေးဘို့တောင်းပန်ချင် ပါတယ် ခင်ဗျား..။

နောက်တခါ ဝေဖန်ခဲ့တာကတော့ ကျနော့် စာတွေဖတ်ပြီးရင် ပူလောင်ရတယ်တဲ့....၊ စိတ်မအေးချမ်း ရဘူး ပေါ့ဗျာ..၊ အဲဒီအတွက်တော့ ကျနော် နဲနဲလောက် ဖြေရှင်းချင်ပါတယ်..၊  ကျနော် စာတွေရေးတဲ့ အခါမှာ ဘဝ မှာ တွေ့ကြုံ ခဲ့ ရသမျှကို အမှန်အတိုင်း သိစေချင်တဲ့ အတွက် ကျနော် မှတ်မိသလောက် အမှန် အတိုင်းဘဲ တင်ပြခဲ့ ခြင်းဖြစ်ပါတယ်..။

ဘယ်သူ့ကိုမှ သာစေ နာစေ သဘောမထားခဲ့ သလို ကျနော့် စိတ်ထဲမှာ အညှိုးအတေး တွေရှိနေလို့ ရေးခဲ့ခြင်းမဟုတ်ဘဲ စာဖတ်သူများ အမှန်အတိုင်း အရာရာကို သိစေချင်တဲ့ အတွက် အမှန်အတိုင်းဘဲ ရိုးရိုးသားသား ဘဲရေးခဲ့ခြင်း ဖြစ်ပါတယ်..၊ ကျနော့် ဘဝ ဟာ ဒီလိုဘဲ ဖြစ်နေလို့ ဒီလို ဘဲ ရေးခဲ့ခြင်း ဖြစ်ပါတယ်..၊ ပူလောင်တယ်လို့ ထင်ခဲ့ရင် ပူလောင်ခဲ့တဲ့ ကျနော့် ဘဝကိုဘဲ အပြစ်တင်ပါတော့ခင်ဗျား..။

နောက်တချက် ကတော့ ကျနော် ဟာ ရင့်ကျက်မှု့(mature) မဖြစ်ဘူးတဲ့..၊ အဲဒီ အတွက်လည်း သေချာ ပြောထား သေးတယ်ခင်ဗျား..၊ ကျနော့် အသက် အရွယ်ဟာ စိတ်အေးချမ်းမှု့ကို ရှာပြီး ဘုရား တရားလုပ် ရမယ့် အရွယ်ပေါ့ဗျာ..၊ ဒါတွေကို ရေးပြီး ဒီလို လုပ်နေတာတွေဟာ (ဘလော့ ထောင်ပြီး မဟုတ်တာတွေရေး ပြိုင်ပွဲ မှာ မကောင်းကြံနေတာကို ပြောတာနေမှာပေါ့) mature မဖြစ်တာတွေကို ပြရာရောက်တယ် လို့ထင်နေပါတယ်....၊ (ဒါလည်း ကျနော် ထင်တာပြောတာပါ၊ ဘာကိုကြည့်ပြီး mature မဖြစ်ဘူးလို့ သူထင်ခဲ့ လည်း ကျနော် သေချာ မသိပါဘူး..)..အဲဒီ အတွက်လည်း ကျနော် မတတ်နိုင်ပါဘူး..၊ mature မဖြစ်တာ ဟာ မဖြစ်တာဘဲ ဖြစ်တဲ့ အတွက် ထင်တဲ့ အတိုင်းဘဲရှိစေချင်ပါတယ်ခင်ဗျား...။

ဘလော့ဂ် ထောင်ပြီး မဟုတ်တရုပ်တွေ ကျနော် ရေးနေခြင်း မဟုတ်ပါ..၊ စာချစ်သူများကို ကျနော့် ဘလော့ဂ် လေးကနေ ကျနော် တတ်နိုင်တဲ့ အခြေအနေမှာ စာကောင်းလေးတွေ ဖတ်စေချင်တဲ့ စေတနာ နဲ့ ကျနော် စာကောင်းလေးတွေ တင်ပေးပါတယ်..၊ နောက်တခုက စာရေးချင်တဲ့ ကျနော့် ဝါသနာကို ကျနော့် ရဲ့ စိတ်အဟာရ ကိုဖြည့်တင်းတဲ့ အနေနဲ့ ကျနော် စာရေးပါတယ်..၊ စာတွေ မကောင်းလို့ မဖတ်ချင်ရင်လည်း ကျနော် အပြစ် မတင်ပါဘူး..ခင်ဗျား..၊ ကျော်ခွပြီးတော့ ဖတ်သွားလို့ ရပါတယ်ခင်ဗျား..။

ကျနော်ဟာ ငယ်ငယ် လေးထဲက စာတွေဖတ်ရင်း ကြီးပျင်းလာခဲ့ပါတယ်..၊ စာဟာ ကျနော့် ရဲ့ ကစားဖော်..၊ စာ ဟာ ကျနော့် ရဲ့ချစ်သူ..၊ စာ ဟာ ကျနော့် ရဲ့ ဆရာ..၊ စာ ဟာ ကျနော့် ဘဝ ရဲ့ ပဲ့ကိုင် ထိမ်းသိမ်းသူ...၊ စာ သာလျှင် ကျနော့် ဘဝ ကို အဆုံးအဖြတ်ပေးသူ ဖြစ်ခဲ့ လို့ ကျနော့် ဘဝကို စာနဲ့ ရင်းနှီးအောင် စတင် ပြုစု ပျိုးထောင်ပေးတဲ့ ကျနော့် ဖေဖေ..၊ စာကောင်း တွေကို ဖတ်တတ်အောင် ပြုစုပျိုးထောင်ပေးတဲ့ (choice of book ) လုပ်ပေးခဲ့ တဲ့ ကျနော့် ရဲ့ ငယ်ဆရာ အုန်း (ဦးအုန်းမြင့်လှိုင်) တို့နဲ့ ကျနော် ဖတ်ခဲ့ တဲ့ စာအုပ်တွေကို ရေးခဲ့ကြတဲ့ ..၊ ကျနော် မဖတ်ဖြစ်တဲ့ စာအုပ်များကို ရေးခဲ့ ကြတဲ့ ...ဆရာ ..ဆရာမ များရဲ့ ကျေးဇူးတရားကို အမြဲ အောင့်မေ့ အမှတ်ရနေရနေကြောင်း ထပ်ဆင့် ဖော်ပြပါတယ်..။

စာဖတ်ခြင်းကြောင့် ကျနော် လို ဘာမှ မဟုတ်တဲ့ (ဥာဏ်လည်း မကောင်း၊ နိုင်ငံခြား မှ ပေးသော ဘွဲ့များကိုလည်း မရ၊ ရာထူးကြီး အဆင့် မှာလည်း တာဝန် ထမ်းဆောင်နိုင်ခြင်းမရှိ၊ ငွေကြေးလည်း မချမ်းသာ) တဲ့ ကျနော်ဟာ အခုလို ကမ္ဘာကြီး နဲ့ ဆက်သွယ် နိုင်လာပါတယ်..၊ အခုလို ကိုယ်လက်လှန်းမှီ သလောက် ကျနော့် သား သမီး များကို အလုပ်တခုပေးနိုင်လာပါတယ်..၊ ဒါတွေအပြင် ဆိုင်မှာ လာရောက် အားပေးကြတဲ့ မိတ်ဆွေများ စိတ်ချမ်းသာအောင် လုပ်ကိုင်ပေးနိုင် ခဲ့ပါတယ်..၊ ဒါတွေဟာ.. စာဖတ်ခြင်း ကြောင့် ပါလား.. ဆိုပြီး တခြား လူများလည်း ကျနော်ထက် အဆပေါင်းများစွာ ကမ္ဘာကြီး အတွက် အကျိုးပြု နိုင်အောင် စာကောင်းများ ကို လက်လှန်းမှီသလောက် ဖတ်နိုင် အောင် ကျိုးစားပေးနေပါတယ်..။

နောက်တဆင့် အနေနဲ့  စာကောင်းပေကောင်းများ ရေးနိုင်အောင်လည်း ကျိုးစားနေပါတယ်..၊ ဒါပေမဲ့ ကျနော် ရေးတဲ့ စာတွေကို ဖတ်ပြီး ပူလောင်စေသူများ..၊ mature မဖြစ်ဘူးလို့ ယူဆပြီး ဘာအကျိုးအမြတ် တခုမှ ရမသွားတဲ့ အပြင် စိတ်မအေးချမ်း နိုင်သူများ ရှိနေတဲ့အတွက် တော့ ကျနော်ဟာ ဝမ်းနဲလို့ မဆုံး နိုင်အောင် ဖြစ်နေ ရပါတယ် လို့ ပြောရင်း ဒီ ပို့စ် လေးကို ရေးပါတယ်ခင်ဗျား..။

နောက်ဆုံး အနေနဲ့ ကျနော် ပြောရရင် ဒီလောက် mature မဖြစ်တဲ့ ကျနော့် ရဲ့ စာများကို စိတ်ရှည်စွာ သည်းခံ ဖတ်ပေး ကြတဲ့ ကျနော့် ရဲ့ စာဖတ်သူများကို ကျေးဇူးများ ထပ်ခါထပ်ခါ တင်ပါကြောင်းနဲ့  ကျနော် mature မဖြစ်ပေမဲ့ mature ဖြစ်တဲ့ သူများရဲ့ စာများကိုလည်း တင်ပေးထားတဲ့ အတွက် လာရောက် ဖတ်ကြပါ ခင်ဗျား..၊ mature မဖြစ်တဲ့ ကျနော့် ရဲ့ စာများကို မဖတ်ဘဲ ချန်ထားလို့ရပါတယ် ခင်ဗျား..၊ အဲဒီလို ဖတ်သွားတဲ့ အတွက်လည်း ကျနော် ဟာ ကျေးဇူးတင်ပါတယ်..လို့ ပြောကြားရင်း တကယ်ကိုဘဲ အဆုံးသတ် လိုက်ပါပြီ ခင်ဗျား... အားလုံးအတွက် ကျေးဇူးပါ..။

စာကြွင်း

ကျနော့် ကို ဝေဖန် အကြံပြုချင်ရင် အားမနာ ပါနဲ့ ခင်ဗျား.. comment ကနေ ပြောလို့လည်း ရပါတယ်..၊ ကျနော် တင်ပေးပါ့မယ်..၊ အီမေးလ် ကနေ ပို့ချင် ရင်လည်း shwezinu1961@gmail.com ပါ..၊ mail ကို မဖော်ပြ စေချင်ရင်လည်း မဖော်ပြပေးပါဘူး ခင်ဗျား.. ကျေးဇူး အထူး တင်ပါတယ်..။

လေးစားစွာဖြင့်
ရွှေစင်ဦး
>>>ဆက်ဖတ်ရန်>>> >>